Open Tour
位於灣仔嘅呢間餅店，曾經係香港50年代盛極一時嘅俄羅斯菜高級餐廳，在彌敦道有多間分店。樓上是西餐廳、樓下則為餅店，當年稱為「ABC愛皮西大飯店」。 呢間餅店除咗售賣普通麵包之外，仲有多款傳統蛋糕售賣，包括卷蛋、鬆餅、拿破崙、香蕉蛋糕、荷蘭撻等等。 當中必試嘅梗係呢款蜂蜜卷蛋，七彩嘅顏色係咪好吸引呢～入面有原味、朱古力、綠茶、紫心蕃薯、咖啡口味蛋卷再配埋啫喱。 嗱～呢個菠蘿包冇呃你㗎，入面真係有菠蘿㗎，仲要係粒粒分明，新鮮出爐時候仲正。 仲有檸檬卷，酸酸地幾好味！ 咖啡卷蛋、抹茶紅豆卷蛋、合桃紅棗蛋糕等等。 ABC Cake House 地址：灣仔皇后大道東255號地舖 營業時間：08:00-18:00 （逢星期六日休息） 圖片來源：@hkfoodfever、@sa_foodieadventure、@foodieleaf_hk
香港傳統麵包老店愈嚟愈少，但最近就有一間麵包店「森林麵包」喺疫境下開鋪 由多位本地大師傅親自助陣嘅「森林麵包」特意選址前身經營近 30 年嘅老字號麵包店「新雄雞」， 希望以味道傳承近失傳嘅本土麵包手藝，鍾意食舊式麵包嘅朋友一定要留意！ 新店糅合傳統同創新元素，特別製作咗一系列打卡必食包點，好似呢款全港最「流」爆醬飛碟包咁！ 麵包店重新設計買少見少嘅傳統港式麵包「飛碟包」，喺包內加入咗爆醬流心餡，每日限量 100 個，賣完即止 「飛碟包」仲有多款口味，有 OREO、阿華田、鷹嘜煉奶同宇治 抹茶味，聽到都想食呀 至「脆」菠蘿 方包亦全新推出 3 款口味，包括黑芝麻湯圓菠蘿方包、別宇治抹茶紅豆菠蘿方包同埋紫薯菠蘿方包 鍾意食芫荽嘅你亦可以試吓呢個芫荽蒜蓉包，保證會衝擊你嘅味覺！ 當然唔可以錯過勁邪惡嘅芝心拉絲菠蘿包，外酥內嫩加埋咸香芝士，咸咸甜甜勁好食 店鋪亦好貼心地推出咗居家抗疫必試 D.I.Y「冷凍菠蘿油」， 師傅先將菠蘿包焗至 8 成熟然後馬上進行急凍，過程中鎖住麵團水份， 每個均配上一片急凍牛油， 加熱後就可以安心喺屋企食到茶餐廳級數嘅金黃酥脆菠蘿油 森林麵包 店舖地址：牛頭角振華道 70 號樂華北村商場 111 號舖 開店日期：2020 年 8 月 18 日 營業時間：每日 6am 至 9pm
台灣有一間麵包店嘅巨無霸菠蘿包喺IG好受歡迎，吸引好多當地人買！ 巨型菠蘿包外皮十分酥脆，切開會流出香濃嘅牛奶內餡～ 爆漿滋味一試難忘，去台灣一定要預訂返個嚟試吓！ [instagram photo=”B4Mqy-2jzWV”][/instagram] 外皮焗得火喉啱啱好～ [instagram photo=”BuGSzBLnf0E”][/instagram] 一切開啲內餡流哂出嚟！ [instagram photo=”BwUk2OUH6eJ”][/instagram] 真係成塊面咁大～ [instagram photo=”Bnf64uOBkhn”][/instagram] 仲有朱古力味～ [instagram photo=”B5uTP0rDYR_”][/instagram] 朱古力爆漿一定好正！ [instagram photo=”B0qnEjgB7S2″][/instagram] 大家記得要預訂先有啊！ 永光麵包店 地址：雲林縣林內鄉中正路189號 電話：05 589 5297
