Tag: 免費

嚟緊 1月12日 (星期日) 就係「香港體育學院2020開放日」喇！ 大家難得有機會探索世界級訓練場地、同精英運動員零距離接觸、體驗多個運動項目、欣賞運動示範表演。 唔止咁，參加者仲可以參與體能測試，激發運動細胞，話唔定可以成為下一位體壇新星呢！ 1. 運動潛能大比拼 2020年新增嘅「運動潛能大比拼」，測試一下你當運動員嘅潛能。機會難逢，萬勿錯過！ 2. 運動體驗區 大家可參與唔同運動項目，如單車、賽艇、欖球、乒乓球等等… 3. 體院朝聖團 帶你遊走體院，讓你探索世界級訓練場地。 4. 與精英運動員及教練會面 一班精英運動員將會同大家作近距離交流，包括陳銘泰（田徑）、溫家琪（桌球）、梁穎儀（單車）‍、符珈嘉（劍擊）、吳翹充（體操）、蔡韻瑜（空手道）、李嘉文（賽艇）、張綽珈（滑冰）、梁子軒（壁球）、梁灝雋（滑浪風帆）、梁倬熙及楊千締（武術）、陳浩源（殘疾人羽毛球）。 係咪好吸引呢？ 唔好等喇，即刻上網報名啦！ 名額有限，快啲約埋親戚朋友一齊過一個動感十足嘅周日啦！ 【香港體育學院2020開放日】 日期：2020年1月12日 (星期日) 時間：上午11時至下午6時 地址：沙田源禾路25號香港體育學院 報名：請按此 ⭐ 溫馨提示： 1) 由於開放日活動包括參觀室內場館，參加者須穿著清潔不脫色膠底運動鞋。 2) 活動當日不設泊車安排，敬請使用公共交通工具前往香港體育學院。 資料來源：香港體育學院

By Wendy Lam

January 7, 2020January 7, 2020

呢個星期日(1月12日)，智樂 Playright 將長驅直入沙田，舉辦「智樂社區遊戲外展@沙田民政事務處遊戲日」。 為你同家人創造開心 Family Play Day！ 今次為大家帶嚟6個趣味十足嘅遊戲，新一年繼續同小朋友大玩特玩喇！ 遊戲內容 ▲ 激輪滑梯 ▲ 透明畫廊 ▲ Snug & Outdoor ▲ 紙皮城堡 ▲ 水泡相撲 ▲ Imagination Playground 【智樂社區遊戲外展】@沙田民政事務處遊戲日 日期： 2020年1月12日（星期日） 時間： 上午11時至下午4時 地點： 沙田沙瀝角落 (地圖請按此) 費用： 免費開放，毋須報名，歡迎即場參加 資料來源：Playright Children’s Play Association

By Wendy Lam

January 6, 2020January 8, 2020

膠圈、大木樁甚至膠紙都可以用嚟表演？ 大館2019年壓軸節目「玩轉大館馬戲季」，將於12月24日至1月5日廣邀世界雜技及音樂好手來港獻技！ 4大節目《釘孤枝熱血大亂鬥》、《圈圈搖滾》、《炫光電音碰碰碰》、《馬戲遊樂場》及多個互動工作坊免費參加。 誠意推介當中嘅《馬戲遊樂場》，承接上年反轉大館馬戲季「玩轉 PLAYGROUND」嘅搞笑歡樂，今年繼續為觀眾帶來刺激兼好玩嘅戶外雜技。 4個表演團體分別帶住4件唔同嘅表演工具：七彩木條、膠紙、高空單輪車及大木樁，邀請觀眾同佢哋合力完成演出。 1.《五彩木條砌起佢》 意大利嘅Stalker Teatro 邀請你以木條合力創作七彩繽紛嘅大型隧道，將大館變成大家嘅聖誕遊樂場。 2.《膠紙人惡搞大館》 西班牙嘅Emiliano，則以薄薄嘅膠紙創作出令人意想不到嘅場景，配合即興喜劇表演，帶領觀眾穿越奇幻世界。 3.《單輪電鋸狂》 仲有加拿大俊男Michael Bonnici，喺10呎高嘅電鋸單輪車上玩命演出，驚心之餘定必令你笑得開懷。 4.《一碌木超人》 同樣嚟自西班牙嘅藝術家Joan Catala，將會邀請幾位擁有強健體魄嘅觀眾，同佢一齊沉着應「木」，演繹一系列嘆為觀止、反地心吸力嘅高難度動作。 即刻上網登記，一家大細喺今個聖誕一齊嚟玩轉大館喇！ 【玩轉大館馬戲季】《馬戲遊樂場》 日期： 2019年12月24日 – 2020年1月1日 時間： 請按此看節目時間表 地點： 中環大館 檢閱廣場及監獄操場 地址： 香港中環荷李活道10號 費用： 免費 資料來源：大館 Tai Kwun

By Wendy Lam

December 18, 2019December 18, 2019

「水知園」H2OPE Centre 正式開幕啦！ 位於天水圍水務署大樓嘅水資源教育中心 –「水知園」H2OPE Centre，由2019年12月14日起歡迎公眾喺開放時段內入場參觀。 12個展區都咁有趣，快快行動去即時體驗，一齊玩水喇！ 真係好玩到唔捨得走㗎，依家帶大家去睇吓有咩玩先！！ 《1/F》 【展區 1】 水 + 歷史 透過互動展品及短片，認識香港制水時期嘅困境及水務設施嘅發展等。 【展區 2】 水 + 來源 設置一系列互動展品及遊戲，包括模擬喺水塘釣魚、擔任水務督察等。 介紹香港所有集水區和水塘，從遊戲中學習。 【展區 3】 水 + 影院 「水知園」內值得推介嘅立體球幕影院，利用立體影像將有關水資源嘅資訊，充滿動感地呈現喺觀眾眼前。 【展區 4】 水 + 回收 兩個運作中嘅中水重用及雨水回收系統。 透過玻璃窗配合投射動畫，了解點樣將中水及雨水再重用。 【展區 5】 水 + 演示 呢個演示區會不定時提供唔同內容，例如實驗示範，小型嘅慳水比賽等。 另設置數列以退役水錶裝成嘅櫈，增添環保意義。 【展區 6】 水 + 品質 透過一系列互動展品，知道濾水過程同香港嘅食水標準。 【展區 7】 水 + 循環 絕對令小朋友玩到唔願走嘅遊戲區，邊玩水邊體驗水嘅循環過程。 《2/F》 […]

By Wendy Lam

December 18, 2019December 19, 2019

變變變，變出「萬變玩樂園」！ 由中西區民政事務處主辦，智樂擔任專業伙伴嘅全新遊戲活動——「萬變玩樂園」，鐵定於12月14日隆重登場！ 顧名思義，喺呢個集戶外、海濱、草地、磚地於一身嘅多變公共空間中，將雲集可變多變常變嘅各種物資，讓愛玩嘅小朋友創出變化無限嘅好玩遊戲。 活動內容： ▲ 粉筆 ▲ 汽水箱 ▲ 波波 ▲ 黑磚 ▲ 玩紙皮 ▲ 樹皮 活動完全免費，歡迎即場參加，即變即玩！ 【萬變玩樂園】詳情： 日期： 2019年12月14日(六)、20日(五)、29日(日) 時間： 下午2時30分至5時30分 地點： 豐物道海濱休憩用地 (西營盤站B3出口) 對象： 3至12歲小朋友及其家長 費用： 免費開放，毋須報名，歡迎即場參加 ※ 溫馨提示： 1. 活動場地位處海濱，經常海風輕拂，請預備適當衣物。 2. 活動有機會人潮擠擁，請參加者配合工作人員的運作安排。 3. 活動電話專線：6396 7351（僅限於活動舉行當日下午1時至5時30分開放使用，亦不設Whatsapp 通訊） 資料來源：Playright Children’s Play Association

By Wendy Lam

December 13, 2019December 13, 2019

萬眾期待！水務署「水知園」H2OPE Centre即將開幕！ 登登登登……籌備多時，位於天水圍嘅「水知園」H2OPE Centre好快就同大家見面啦！ 「水知園」共有兩層，裏面有12個展區，以深入淺出嘅形式，透過展品、現場示範及互動遊戲，讓你去了解跟「水」有關的資訊。 其中一個「水 + 循環」展區，可以透過玩水，親身體驗水的循環過程，大家一定玩到樂而忘返，費用全免，係咪好期待呢? 12月就開幕喇~~好快大家就會多一個集教育及娛樂於一身嘅好去處。 想知多啲，記得密切留意 <官網>，到時一於去探吓水務署吉祥物「滴惜仔」啦! 【水務署「水知園」H2OPE Centre】 地址：天水圍天柏路20號水務署天水圍大樓 費用：全免 開幕：預計12月 資料來源：滴惜仔 Water Save Dave Facebook

By Wendy Lam

November 6, 2019November 6, 2019

為慶祝香港海關成立110周年，「海關學院」將於11月30日及12月1日舉行開放日。 參觀人士有機會近距離觀賞海關樂隊表演、無口令步操、海關搜查犬示範、精銳裝備展示、參觀專業發展訓練大樓和室外靶場。 現場設有親子玩樂區，亦有海關人員及制服團體作出其他表演。 屆時將有不同主題區域，以互動方式向市民展示海關今昔變遷及海關不同專業的工作範疇。 咁多活動真係好吸引呀 ～即刻睇下點樣攞飛先！ 【香港海關學院開放日暨家庭同樂日】 日期及時間： 11月30日(星期六) 下午2時30分至5時30分； 12月1日 (星期日) 上午10時至下午2時； 12月1日 (星期日) 下午2時30分至5時30分 地點：屯門大欖涌道10號香港海關學院 入場券申請方法 公眾人士可於11月5至12日期間填妥入場券申請表格，並以「索取香港海關學院開放日暨家庭同樂日入場券」為標題電郵至:[email protected]。 申請表上需註明揀選的活動場次(只可選取一個場次)、所需入場券數目(最多4張)及指定取票地點。成功申請人士將於11月12日或之前收到電郵確認。 入場券申請表格：<請按此> 交通安排 大會將於各活動場次開始前30分鐘起提供免費穿梭巴士，往來香港海關學院及荃灣西樓角路上車處 (綠楊坊外穿梭巴士等候區)。 穿梭巴士約10-15分鐘一班，座位有限，額滿即止。 你亦可乘搭公共交通工具前往，海關學院將不設泊車位。 資料來源：香港海關

By Wendy Lam

November 6, 2019November 6, 2019

智樂Playright 由即日起至12月舉辦「智樂18區玩遊戲」，務求走遍18區同街坊一齊玩。 遊戲內容包括百變木框、竹筒運木珠、氣墊球、自助廚房、大自然物資Mix & Match、自助借還遊戲區等。 遊戲是小朋友的本能和需要，無論身處甚麼境地、面對甚麼情況，要玩的人，愛玩的心，從來不變。 所有遊戲活動，均屬免費，毋須報名，歡迎即場參與！ 11月日程 ▶10/11 (日) 14:30 – 17:00 ： 元朗公園 ▶13/11 (三) 15:30 – 18:00 ：寶康公園 (小型足球場對開空地) ▶15/11 (五) 14:30 – 17:00 ：青衣東北公園 ▶17/11 (日) 14:30 – 17:00 ：卑路乍灣公園 (中央草坪) ▶19/11 (二) 15:30 – 18:00 ：佐敦谷公園 ▶23/11 (六) 14:30 – 17:00 ：荔枝角公園 ▶24/11 (日) 14:30 – 17:00 ：大埔海濱公園 (風箏放飛區對面草坪) ▶26/11 […]

By Wendy Lam

November 5, 2019November 6, 2019

踏入11至12月，全港各區消防局將陸續舉行「消防局開放日暨防火嘉年華」，係每年必去嘅親子活動，非常適合一家大細參與！ 同家人齊齊參觀各區消防局，透過攤位遊戲以及綜合表演，認識消防及救護員嘅工作，令小朋友大開眼界！！ 到時仲可以試穿兒童消防服/救護服，家長們記得影相留念喇！ 機會難得，爸爸媽媽快啲mark低以下日子，帶小朋友去參加喇！ 屯門區 屯門消防局開放日 日期：2019年11月或12月 (日期待定) 時間：上午10時至下午4時 地點：屯門消防局 內容：消防員向參加者詳細介紹消防局的日常運作、各類消防車及各種救火設施，並透過具防火意識的攤位遊戲，加強市民對防火安全的重要性。 深水埗區 深水埗區防火嘉年華暨長沙灣消防局及救護站開放日 日期：2019年12月8日 (星期日) 時間：嘉年華：下午1時30分至5時30分/ 開放日：下午3時至5時 地點：嘉年華：長沙灣遊樂場/ 開放日：長沙灣消防局及救護站 內容：節目內容包括典禮儀式、醒獅表演、消防救援示範、消防局及救護站開放日、消防車及其他消防設備展覽、攤位遊戲、地區團體及學校綜合表演等。 葵青區 葵青區防火嘉年華2019暨青衣消防局開放日 日期：2019年12月8日 (星期日) 時間：上午10時30分至下午4時 地點：青衣消防局 內容：綜合表演、攤位遊戲、消防演練示範、消防救援工具及消防車展覽。 沙田區 沙田區消防局開放日暨嘉年華 日期：2019年12月8日 (星期日) 時間：上午10時至下午5時 地點：沙田消防局 內容：透過舉辦包括舞台表演及攤位遊戲的大型嘉年華活動，以輕鬆手法宣揚防火訊息。 觀塘區 觀塘區防火安全花車巡遊及推廣日 日期：2019年12月14日 (星期六) 時間：花車巡遊 – 上午9時至中午12時正/ 防火安全推廣日 – 下午2時至下午5時 地點：花車巡遊 – 觀塘區主要街道/ 防火安全推廣日 – 康寧道遊樂場 內容：透過大型綜合表演、花車巡遊、消防處救火示範、展覽及攤位遊戲等，向市民宣傳防火安全的訊息。 荃灣區 荃灣區防火嘉年華 日期：2019年12月14日 (星期六) […]

By Wendy Lam

November 1, 2019December 30, 2019

屯門區家長喜訊❗️ 「屯門區兆麟體育館」11月5日起會分階段投入服務，係區內首個設有室內兒童遊戲室嘅體育館，又多個好去處同小朋友放電喇❗️ 首階段開放3樓及4樓部分設施，包括健身室、乒乓球室和兒童遊戲室。 除咗設施齊備嘅健身室同乒乓球室，仲有好受小朋友歡迎嘅室內兒童遊戲室。 以太空做主題之餘仲有迷你滑梯，小朋友一定玩到唔願走❗️ 嚟緊場館仲會開放2樓嘅戶外運動攀登牆、4樓嘅活動室同5樓嘅多用途主場，方便大家勤做運動，齊齊keep fit❗️ 體育館位於屯門兆麟政府綜合大樓2樓至5樓，面積約5,900平方米，每日早上7時至晚上11時開放，每月第一和第三個星期三上午7時至下午1時關閉作定期保養。 ⭐ 備註：遊戲室將於11月5日啟用，入場不需要預約登記，但可於每節開放時段前排隊等候進入。 【屯門兆麟體育館】兒童遊戲室 場地： 兆麟體育館 地址： 屯門兆麟街19號屯門兆麟政府綜合大樓4樓 時間： 早上8時30分至晚上9時20分 (請按此看時段) 主題： 太空 電話： 2659 2311 資料來源：民政事務局

By Wendy Lam

November 1, 2019November 1, 2019