Open Tour
大熱天時真係邊度都唔想去，梗係留起室內涼冷氣喇~尖沙咀人氣過江龍泰國餐廳，主打新派泰式美食，小編今次就想推介餐廳推出嘅野餐籃下午茶套餐，唔洗曬住太陽又有野餐feel~即刻睇有咩食喇！ 室內除咗食物造型靚之外，仲有個鞦韆俾大家影相打卡！ 如果揀坐窗邊仲可以見到海景，配埋個園拱門設計又幾好feel~ 野餐下午茶套餐，包括四款鹹點、五款甜點同自選咖啡或西式茶。 泰式奶茶Tiramisu，呢個係小編最推介嘅，建議用配合匙羹食用，咁就可以連杯底啲餅一齊食用~ 香茅烤雞，仲係原隻上檯，肉質鮮嫩，再點埋泰式酸辣汁咁就最正喇~ 仲有多款意粉及輕食選擇。 Lady Nara 地址：尖沙咀廣東道3-27號海港城港威商場3樓3303號舖 營業時間：11:30-22:00 圖片來源：@tiff.tsoi、@keresawong.l.s、@handsupforfood
位於長山灣行黑白型格路線嘅咖啡店，環境十分舒適，店舖採用落地玻璃設計，小店供應各款輕食同咖啡，話明黑白咖啡店，當中多款食物都添加黑白元素，想知有咩食物？即睇以下詳情喇！ 竹炭糯米窩夫配自家製牛奶雪條，呢個黑白窩夫絕對係嚟到本店比試，好IGbale。 牛肉漢堡配牛油果角，個漢堡分量好足，漢堡扒非常juciy，又厚身，入面仲有洋蔥、番茄、蘑菇同沙律菜，真係健康又豐富。 黑松露蟹肉炒蛋竹炭多士，炒蛋好香單位，入面仲食到啲蟹肉同黑松露。 墨魚汁扁意粉伴蟹籽，食呢個意粉肯定食到個嘴黑媽媽，不過食落意粉有驚喜，墨魚汁同啲蟹籽完全帶出意粉鮮味。 雞蛋布甸配House Espresso，店員建議就先食一啖布甸，再將Espresso倒入去，兩者配合味道都幾特別。 大家路過長沙灣時，不妨過嚟一試。 Contrast 地址：長沙灣福榮街512-518號依時大廈地舖 電話：2337 7220 時間：09:00-18:00 圖片來源：@hk.foodmap、@yysfoodiary
疫情下大家無得飛泰國，不如嚟元朗呢間餐廳感受下泰國風情喇！小編覺得真係好似去咗泰國咁啊，餐廳由村屋改建而成，採用半開放玻璃設計，空間感十足！噴水池、大象石雕、佛像都係泰國買番嚟，仲有太陽傘、帳篷、藤椅之類，感覺真係好似去到泰國咁~ 周圍都俾樹木包圍住，各位揸車人士呢度仲有個超大停車場，中午時分係免費停泊。 大家日頭過嚟影相真係超靚，呢度半開放玻璃屋影相好有feel~ 因為日頭都比較少人嚟，任你影都得。 噴水池入面嘅大象都係嚟自泰國。 泰國餐廳當然唔少得要嗌番個泰式生菜包。 仲有串燒、椰青同泰式豬頸肉。 旦黃花-泰越鍾情 地址：元朗錦上路148號地下 電話：2488 3263 營業時間：12:00-23:00 圖片來源：@dinosaurs_foodie、@rockyso0831、@mrs.sarahwong、@celinaaamc
香港首個月球主題水煙酒吧開幕喇，室內設計行型格路線，天花頂懸吊160盞月球玻璃燈飾，漫天粉紅波波燈，店內仲有以八大行星味創作靈感嘅雞尾酒，包括「水星」、「金星」同埋「天王星」，味道特別之餘顏色都非常搶眼。 餐廳環境佈置好用心，抬頭滿天粉紅波波燈。 「水星」以冧酒及熱情果為主調，酸甜澎湃，奉上前更先用火槍點燃，反映這顆距離太陽最近的行星所受熱度。 「金星」則走傳統路線，混和沉實的威士忌汽體及煙燻氣息，象徵金星的大氣層，由超過百分之九十六的二氧化碳所組成。 「天王星」則以行星獨特嘅藍色為主，以琴酒、Blue Curacao 藍色利口酒等調成，亮眼奪目，甜酸得宜。 超過120款口味嘅水煙，當中包括仙人掌、咖啡、洛神花味等等，濃淡適中，男女都一樣可以感受到水煙嘅快樂。 除咗水煙同雞尾酒植物，呢度亦提供多款歐陸主食，有每日新鮮手打J.moon薄餅， 黑松露蘑菇意大利燉飯。 紅酒汁配牛肉粒意大利燉飯。 J.Moon 地址：旺角西洋菜南街1A百寶利商業中心4樓410室 電話：9545 5738 營業時間： 星期一 （休息） 星期二至日 14:00 – 22:00
佐敦一間火鍋店，以50年代舊香港為主題，入面有多款懷舊打字機、舊電話同留聲機等等，餐廳亦參考Team Lab，整咗個波波時光隧道俾大家打卡。 呢度主打養生美顏湯底，包括招牌玫瑰牛乳鍋、金泊清酒海鮮鍋，仲有多款特色菜，例如：巨型香江拼、三色餃、三色麵同多款主題特飲，淨係打卡已經夠你地忙~ 鴛鴦湯底，招牌日本牛乳玫瑰，用日本北海道牛奶，再加埋兩粒玫瑰形狀牛奶冰，奶味香濃。至於麻辣湯底，湯底起初有點麻辣感覺，到後期個湯底越煲越入味，嗜辣之人一定要試。 香江拼，呢個真係超誇張，啱曬牛魔王！擺盤已經非常搶眼，有手切肥牛、牛柳粒、牛展、安格斯牛、黑白牛栢葉等等。 三色鮮製生麵。 仲有酥炸廣島蠔、黃金炸魚皮小食。 三色餃，有黑松露長腳蟹餃、芝士鮮西菌餃、野生松茸餃，睇得又食得。 鴨血。 多款主題特飲，有「瑰洛月」（加入玫瑰、洛神花）、「鳳琉香」~（加入菠蘿），啲特飲望落有陣仙氣咁。 多款古董電話、留聲機、收銀機供大家欣賞同打卡。 香江花月 地址：佐敦佐敦道35號百誠大廈2樓 營業時間：11:00-22:00 電話：2736 8368｜65657888 (Whatsapp 訂座） 圖片來源：@maggiemok612、@victorianera_hk
香港有好多又靚又好食嘅餐廳，而位於長沙灣嘅「Boholic」亦係其中之一 主打波希米亞打風嘅「Boholic」係一間打卡餐廳，店內有多個影相位，個個都充滿異國風情 一踏入店內就會見到懸掛嘅藤製吊椅，呢個係佢哋嘅招牌打卡位 唔少人都特意為咗呢個位嚟打卡！ 另外亦可以喺店內見到仙人掌小樹林、長椅等等，個個位都好唯美，好似去咗外國旅行一樣！ 「Boholic」同時亦係一間寵物友善餐廳，好多人都會帶埋毛孩一齊嚟 佢哋出品嘅食物都非常高質，外型靚之餘仲好好食 一般西餐意粉同輕食甜品都有提供，啱哂同另一半/好姊妹齊齊去！ 朱古力咖啡嘅拉花好特別！ 餐廳亦會不時推出鳥籠下午茶拼盤，呢個三兩層架下午茶勁受歡迎 想食就要預先同餐廳查詢啦！ 呢款「洛神花巴斯克烤微焦芝士蛋糕」都好好食，令人少女心爆發！ 咁吸引嘅餐廳，快啲約埋朋友去試吓啦！ Boholic 地址︰長沙灣福華街561號君凱豪庭地舖及1樓
講起香港嘅特色餐廳，你一定要認識吓呢間位於中環大館嘅「Madame Fù」 「Madame Fù」店內裝潢走歐洲復古風，擺設格局都非常有質感 [instagram photo=”BmxQX0tBAat”][/instagram] 見到歐式風氣設計，好多人都誤以為佢哋係一般嘅西餐廳，但其實「Madame Fù」係一間可以食到中西Fusion菜嘅地方 食物選擇由中至西都有，連點心都可以食到 食客可以喺一個充滿外國風情嘅建築入面食到點心，真係一個好特別嘅體驗！ [instagram photo=”BnIRkx6BoqE”][/instagram] 除咗食物吸引有特色，佢哋餐廳環境用咗粉紅色做主打！ 店內裝潢高級有質感同時亦充滿少女心，吸引咗好多人嚟打卡 [instagram photo=”B9G4oaBDBh0″][/instagram] 除此之外，餐廳亦有室外走廊位置，大家可以一邊用餐一邊欣賞大館嘅建築設計，非常難得 最近Madame Fù更聯乘PAUL & JOE 推出「Picnic in Spring」花漾春日野餐下午茶 受Jean Metzinger 著名油畫「野餐」所啟發，打造咗呢款美妝三層架法式野餐主題下午茶，真係好精緻！ 下午茶充滿法式元素，當中包括︰法式梨撻、草莓夏洛特蛋糕、柑橘橙花慕絲杯等等 除咗有精緻甜品，「Picnic in Spring」法式下午茶更配有特色雞尾酒 雞尾酒由伏特加、柑橘橙汁混合而成，並以薄荷葉同埋青檸作點綴，層次豐富 餐廳亦為非酒精愛好者提供其他選擇，例如柑橘橙花無酒精雞尾酒，滿足到唔同口味食客嘅需要 而PAUL & JOE 更精選咗適合各種膚質嘅花漾春日彩妝品，客人會有限定體驗禮遇！ PAUL & JOE每季都會採用當季時裝系列嘅標誌性印花布圖案包裝設計彩妝品，款款都非常時尚精美， 好想帶哂佢哋返屋企！ 另外下午茶亦可選擇外賣，詳情可以向餐廳查詢 Madame Fù 供應日期︰2021年2月2日至2021年3月31日 週二至週日 供應時間︰2:30 pm-6pm 預約電話︰ 2114 2118
講到香港放狗嘅好去處，大家一定會諗起西九藝術文化公園！ 而西九就有一間熱狗店，可以望海之餘，亦歡迎寵物內進， 可以同狗狗一邊食熱狗一邊望海，勁CHILL [instagram photo=”B0u3EgeD7Zv”][/instagram] HOOMAN By The Sea除咗有美式熱狗，仲有各種輕食、咖啡、飲品 而店內分為室內室外座位，同時亦有狗零食賣，等你同狗狗一齊大飽口福 [instagram photo=”B6z3JcEgAp6″][/instagram] 呢間鋪最特別係啲熱狗會用狗狗品種命名，例如Poodle、Husky、Chihuahua等，超級可愛，愛狗人士必去 [instagram photo=”B9WU66ngK7z”][/instagram] 下次帶狗狗去西九玩時，不妨到訪呢間小店， 同毛孩一齊望住海景、食下小食，一定係人生一大樂事！ [instagram photo=”CEGGRQppr-z”][/instagram] HOOMAN By The Sea 地址：西九文化藝術公園GF-07 營業時間：10am – 8pm 圖片來源 : HOOMAN By The Sea
