Tag: 放假去邊!?

無論你係住喺深水埗，定係喺深水埗返工， 應該都知道呢區有唔少好嘢食！ 但咁多間唔知邊間好食？ 就等小編為大家推介7間深水埗高CP值嘅必食餐廳啦， 由港式到西、日式都有㗎！ (排名不分先後～～～) =========================================== 1. 文記車仔麵 福榮街有一檔車仔麵，只要係深水埗地膽，你一定食過！ 呢度有超過50款配菜，連麵底都有十幾款，選擇超多～ 小編至愛推介：瑞士雞翼、白蘿蔔、豬大腸、金錢肚、牛腩、豬手、辣魷魚，超高質！ 值得一提，佢嘅湯底亦係自家製！ 沙嗲湯底同瑞士汁湯底一樣咁正！必試！ [instagram photo=”Ccw0TsAr2i-“][/instagram] INFO. 地址：深水埗福榮街121號地下 ================================== 2. Burgerman 周圍都有漢堡專門店，深水埗亦有！ 呢間小店出品嘅黑松露和牛漢堡亦係真材實料！ 和牛好大塊，煎到七、八成熟左右，咬落口好juicy～ 仲有煎蛋＋微溶芝士帶出鹹香味，真係好食到停唔到口！ [instagram photo=”BWR9G2fBCZ1″][/instagram] INFO. 地址：深水埗欽州街65-71號地下 ================================== 3. 劉森記麵家 呢間老字號嘅蝦子麵相信係唔少香港人嘅童年回憶～ 蝦子鋪滿成個撈麵～ 金黃色嘅傳統竹昇麵食落好爽口，鹼水味亦唔重～ 再配埋薑蔥同適量豉油去調味，一試難忘！ 檯上嘅自家製醃蘿蔔亦係要試！ 酸酸甜甜，仲好爽脆，好食到上癮啊！ [instagram photo=”BoY4mPgDdgb”][/instagram] INFO. 地址：深水埗桂林街48號地下 ================================== 4. M.Y Majesty 呢間Cafe嘅意粉大大碟好抵食，絕對係窮人恩物！ 唔係講笑～細食嘅朋友兩個人share都夠飽！ 除咗主食意粉之外， 仲有提供墨西哥捲餅、牛角酥、雞翼、芝士波等小食㗎！ [instagram photo=”CAUVgb3jkG1″][/instagram] INFO. 地址：深水埗福華街15號地舖 ================================== […]

By Katie Lo

March 12, 2019August 5, 2022

鍾意食米線嘅朋友，又有好介紹喇！ 元朗有一間號稱係最最最好食嘅雲南米線小店， 佢哋嘅湯底真係幾正，你又食過未呢？ [instagram photo=”BGCQs50LL-F”][/instagram] 呢度嘅米線有得揀麻辣、酸辣或者重慶麻辣三種～ 辣度由大辣至微辣多個程度，視乎客人口味喜好而定～ [instagram photo=”BrAxcbInFT2″][/instagram] 自問食得辣嘅話一定要試吓麻辣湯底！ 果然，少少辣已經好辣！舌頭已經有種麻痺嘅感覺～ 雖然會令人食到流哂汗，但真係好過癮！ [instagram photo=”Baf6XCRAUM8″][/instagram] 米線軟硬適中，好食！ 芽菜、酸菜、芫茜等基本配菜嘅份量亦好足！ [instagram photo=”BfyHcgWlrVw”][/instagram] 至於自選餸菜嘅選擇亦相當多！ 較受歡迎嘅有豬腸、腩肉，好入味～ [instagram photo=”BEJFWOXlRQQ”][/instagram] 想刺激味蕾？得閒過嚟食返碗啦～ [instagram photo=”Be8JSxfDaVd”][/instagram]   雲渝軒風味米線雲南小鍋米線 地址：元朗擊壤路17號順發大廈地下C舖   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

March 11, 2019August 5, 2022

不經不覺，日本環球影城（USJ）嘅「哈利波特魔法世界」即將開園5年！ 2019年春天，USJ 將會推出全新哈利波特大型魔法表演「Hogwarts Magical Celebration」！ 活動仲搵嚟日本著名女演員石原里美擔任代言人～～ 照片中著上巫師袍嘅就係佢喇！ 今次呢個「Hogwarts Magical Celebration」大型表演以霍格華茲四個學院為主題～ 4種代表顏色將會投影到園區內嘅Hogwarts城堡上！ 透過投影各學院嘅故事，配合光影、聲效，呈現一場精彩嘅表演！ 各位即將入學嘅學員，你哋最想入邊個學院呢？ 另外 Triwizard Spirit Rally 亦會有特別版絲帶舞表演！ 好期待啊！ 值得一提，園區内嘅連續5年獲得世界No.1嘅機動遊戲-「哈利波特禁忌之旅」喺早前已經完成「進化」～ 即將去日本旅行嘅哈利波特迷記得把握機會嚟朝聖喇！ Photo Credit: 大阪環球影城USJ官方網站   日本環球影城 地址：大阪府大阪市此花區櫻島2-1-33 魔幻表演日期：2019年3月20日至11月4日 樂園營業時間：視乎日子而定（詳情） 交通：由JR夢咲線環球城站步行約5分鐘就到 [map url=”https://www.google.com/maps/embed?pb=!1m18!1m12!1m3!1d3281.574535943561!2d135.4301441509374!3d34.66544639251685!2m3!1f0!2f0!3f0!3m2!1i1024!2i768!4f13.1!3m3!1m2!1s0x6000e0d083d5e25d%3A0x3605fe25303252aa!2z5pel5pys55Kw55CD5b2x5Z-O!5e0!3m2!1szh-TW!2shk!4v1506583551414″][/map]   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

March 9, 2019August 5, 2022

唔洗飛去台灣就食到地道嘅台式魯肉飯？ 觀塘有間位置比較隱蔽嘅餐廳～ 簡約裝俢，再配一碗台式鹵肉飯，真係以為自己去咗台灣㗎！ [instagram photo=”BkZ9IV7gsZN”][/instagram] 呢度嘅魯肉飯真係幾好食！ [instagram photo=”BnLs99IF9Tr”][/instagram] 大大粒魯肉充滿濃郁嘅香味～ 肥瘦比例適中～ 食落唔會覺得好油膩，仲入口即融添！ [instagram photo=”Blic5TdByv9″][/instagram] 真係充滿台式地道風味～ 甜鹵汁滲入珍珠米裡面，更加惹味！ [instagram photo=”BpD5wu_gDeB”][/instagram] 令人忍唔住一口接一口咁食落去～ 真係好高質！有機會過嚟食返碗啦～ [instagram photo=”BrS0RC4B7t9″][/instagram]   龍鳳號 地址：觀塘駿業街56號中海日升中心2樓2B號舖   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

March 8, 2019August 5, 2022

首爾、釜山，係咪去到悶呢？ 咁韓國第六大城市—光州，你有嚟過未？ 由首爾出發只需要兩個鐘頭車程左右，仲可以體驗埋無等山單軌列車嘅刺激添！ [instagram photo=”BpN3oPchKfU”][/instagram] 光州單軌列車由1980年開始運作，2005年曾經關閉～ 喺2016年重新開放，由柴油改成電力車行駛，來回行駛無等山～ [instagram photo=”BmdwOrEBAQC”][/instagram] 距離地面大約350米，半空之中一邊俯瞰無等山同光州嘅風景， 一邊感受迎面吹來嘅涼風，好享受啊！ 全程長714米，而行駛一程大約要15分鐘～ [instagram photo=”Biy_ie-AbYY”][/instagram] 對於畏高嘅朋友，雖然速度唔算快～ 但聽到列車移動嘅聲音，相信心都震！ 所以考慮清楚先好上去啊～ [instagram photo=”BpMcAk0BOlZ”][/instagram] 每架列車都可以坐18人，而單軌列車係由紅、黃、藍色組成～ 回程亦可以乘搭觀光列車原路返去，亦可以坐吊椅式纜車落山～ [instagram photo=”Bo84wqqhhi3″][/instagram] 韓國唔止首爾同釜山，有機會你都可以去光州玩幾日㗎！ [instagram photo=”B5EsvRjJ2tw”][/instagram]   光州無等山（무등산） 地點：光州廣域市北區金谷洞山 209-5（광주광역시 북구 금곡동산 209-5） 營業時間： 4至11月平日早上10:00至晚上7:00 / 週末及假日早上9:00至晚上7:00 12至3月干日早上10:00至晚上6:00 / 週末及假日早上9:00至下午6:30 電話：+82(0)62 365 1187 交通：由光州火車站1號出口 / 由文化殿堂站4號出口乘搭綠色鄉巴 두암 81 (각화초교방향) 到「지산유원지입구站」落車 [map url=”https://www.google.com/maps/embed?pb=!1m18!1m12!1m3!1d3262.50620141518!2d126.98683877988061!3d35.14399436695067!2m3!1f0!2f0!3f0!3m2!1i1024!2i768!4f13.1!3m3!1m2!1s0x3571f30f9d554095%3A0xe89062d4b9633578!2z7IKwMjA5LTUgR2V1bWdvay1kb25nLCBCdWstZ3UsIEt3YW5nanUsIOmfk-Wciw!5e0!3m2!1szh-TW!2shk!4v1547874514684″][/map]   =============== 放假去邊 […]

By Katie Lo

March 6, 2019August 5, 2022

講到關東必去景點，咁一定唔少得位於富士山旁邊嘅新倉山淺間公園！ 無論係春天櫻花、秋天紅葉、冬天雪景…都吸引遊客到專程而嚟！ [instagram photo=”Br275ArneAL”][/instagram] 山梨縣新倉山淺間公園係當地經典嘅人氣觀光景點！ 有唔少日本明信片都會選擇嚟呢度取景㗎！ [instagram photo=”Bheb6gBnxeu”][/instagram] 行上300幾級嘅階梯，終於抵達展望台～ 雖然辛苦，但值得嘅！ [instagram photo=”Bt5ECBvHE7r”][/instagram] 由新倉山浅間公園可以遠眺到富士山同忠靈塔～ 形成飄粉櫻花嘅絕美風景！ [instagram photo=”BhjYwclHvRS”][/instagram] 景色浪漫又夢幻～ [instagram photo=”Bhds-OjgFFb”][/instagram] 難怪會被評為「全世界攝影師死前一定要去嘅21個地方」之一！ 有機會嘅話，一定要過嚟欣賞呢個富士山百景啊！ [instagram photo=”B8v00A3gTcp”][/instagram]   新倉山淺間公園 賞櫻期：每年4月頭至4月中 地址：山梨縣富士吉田市新倉3353-1 開放時間：全日24小時 交通：由下吉田站步行約5至10分鐘就到山腳入口 [map url=”https://www.google.com/maps/embed?pb=!1m18!1m12!1m3!1d3248.116592747538!2d138.7994426154774!3d35.501395147420595!2m3!1f0!2f0!3f0!3m2!1i1024!2i768!4f13.1!3m3!1m2!1s0x6019674d1d58a8bb%3A0x8fee767dd147a07d!2z5paw5YCJ5bGx5rWF6ZaT5YWs5ZyS!5e0!3m2!1szh-TW!2shk!4v1550139122321″][/map]   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

March 4, 2019August 5, 2022

每次去旅行，夜晚都唔想咁快返到酒店～ 其實夜間行程都可以好充實！ 位於東京嘅目黑川夜櫻，係人氣必到嘅賞花景點！ [instagram photo=”Bha9V43FN_n”][/instagram] 每逢櫻花季節嘅日落時間，目黑川就會開始點燈～ [instagram photo=”Bv8yAUdHiFl”][/instagram] 全長接近4公里嘅目黑川兩岸同時綻放著吉野櫻～ 比起日間，欣賞燈光下嘅夜櫻更加夢幻啊！ [instagram photo=”BgyTOHtHJKT”][/instagram] 抬頭望，眼前全部都係粉色櫻花，充滿浪漫氛圍～ 真係好靚啊！ [instagram photo=”BUUNGgWgab4″][/instagram] 賞櫻花之餘，附近仲有唔少流動小販賣熟食，相當熱鬧！ 有時間仲可以喺夜櫻河岸上暢飲啤酒，別有一番風味～ [instagram photo=”BaO9kssF4jQ”][/instagram]   目黑川夜櫻 地址：東京市目黒区目黒川沿道 點燈時間：日落至晚上10:00 最佳觀賞期：3月下旬至4月上旬 交通：由東急東橫線／東京地下鐵日比谷線「中目黑」站步行約3分鐘就到 [map url=”https://www.google.com/maps/embed?pb=!1m18!1m12!1m3!1d12973.794401970934!2d139.74124523152938!3d35.61666588334836!2m3!1f0!2f0!3f0!3m2!1i1024!2i768!4f13.1!3m3!1m2!1s0x60188a6d0a288ab9%3A0x7cfef465d1af4249!2sMeguro-kawa!5e0!3m2!1szh-TW!2shk!4v1551090795693″][/map]   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

March 1, 2019August 5, 2022

元朗向來都有唔少美食，小編發現有間隱世日式小店你未必知！ 佢嘅牛丼飯賣相平凡，但味道出色！ [instagram photo=”BmfyOlInMaA”][/instagram] 呢個初心牛肉玉子丼一定要試！ 牛肉鋪滿飯碗上，份量可以～ [instagram photo=”BaE1fAslMp4″][/instagram] 牛肉肥瘦適中，食落唔會好韌～ 而且味道濃郁突出！ 重點係每一塊肉都完完全全鎖緊醬汁，香口又惹味！ [instagram photo=”Bjm1BnoAuMX”][/instagram] 仲有半熟日本溫泉蛋，一戳蛋漿就流哂出嚟～ 撈埋軟熟嘅日本飯一齊食，味道一流啊！ [instagram photo=”Bl8DXfrhi86″][/instagram] 性價比高！！跟餐仲有飲品、沙律同麵豉湯添～ 有興趣就過嚟試試啦！ [instagram photo=”BmDnmM1l3AC”][/instagram]   初心手作料理 地址：元朗金輝徑28號好盛洋樓5號地下   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

February 28, 2019August 5, 2022