Open Tour
最近資生堂旗下嘅防曬品牌Anessa又有新搞作！ 佢哋將防曬乳液包裝成寵物小精靈（Pokemon）造型啊！ 經典金色包裝嘅防曬乳液，唔知你有冇印象呢？ 今次新包裝三月底喺日本有得賣喇！ [instagram photo=”CMj1pCdleEd”][/instagram] 正面印有比卡超、伊貝、車厘龜嘅大臉，好可愛啊！ 而背面分別係閃電尾巴、奶油色尾巴，同埋圓圓龜殼～ 打開包裝袋先知比卡超同伊貝嘅性別，設計又幾有心思喎！ 係咪好想帶哂佢哋返屋企呢？ Aness防曬乳液SPF50+/PA++++，具有防水同防汗功能， 平時出街前搽定啲就已經可以隔絕日間紫外線， 更加含有護膚精華，啱哂貪靚嘅女士啊！ 相信推出之後一定會大受歡迎！ Anessa防曬乳液（寵物小精靈限定包裝） 發售日期：2021年3月21日 （售完即止） 發售地區：日本 零售價（未連稅）：3,000日圓 來源：Fashion Press
相信有睇過日本動畫嘅朋友，應該唔會對日本版電影《天氣之子》海報感到陌生？ 其實係由新海誠導演嘅御用畫師——嚟自波蘭嘅 Mateusz Urbanowicz（Matto) 所繪製！ 佢仲係《你的名字》背景繪圖師！ 今次日本電訊公司Docomo亦揾嚟Matto創作最新年曆，即刻睇吓有咩先啦！ 年曆封面係以NTT Docomo代代木大樓為特色嘅東京天際線～ 因應四季嘅變化呈現當地嘅風景同著名景點～ 包括富山縣立山連峰、熊本城及熊本市電、京都清水寺紅葉、白川鄉等～ 從每一幅圖都可以見到Matto細膩嘅筆觸，令人睇完覺得好舒服！ 而且令人更加想去日本旅行啊！ 雖然Docomo當初只係打算將年曆送畀佢哋嘅商業夥伴同機構， 但而家喺網上已經有得免費下載（按此）喇！
喺全球疫情之下，你有幾耐冇去過旅行呢？ 最近日本Naked創意公司（NAKED）喺京都世界遺產Nijo城堡， 舉行咗「 Nijo Castle x Naked Nijo Castle櫻花節2021」， 冇得去都睇吓相，止吓旅行癮先啦！ 今年仲舉辦咗花卉體驗藝術展 (NAKED FLOWERS 2021-Sakura-World Heritage Nijo Castle)一樣有派頭！ 其中最有話題性嘅，一定係「裸體花櫻世界遺產Nijo城堡」嘅藝術活動！ 將夜櫻花結合藝術，呈現出超生動嘅投影貼圖！ 連重要文物卡拉蒙「立春」嘅投影圖重現眼前！ 仲有藝術家Ryotaro Muramatsu x 攝影師 Leslie Kee聯手打造嘅「NAKED BIG BOOK」 講到日本嘅春天，又點少得佢！ 櫻花藝術真係好靚！ 櫻花園亦好浪漫夢幻！ 唔止啊！拎著部手機都可以令象徵「和平祈禱」嘅蒲公英花朵散開！ 通過網絡，二條城嘅花亦會同時喺東京鐵塔嘅展覽現場盛開～ 仲有櫻花版嘅酒精殺菌技術「NAKED Hana Tsukubai」登場！ 有機會嘅話你都要親身嚟見識一下！ INFO 活動日期：2021年3月19日至4月11日 地點：世界遺產元離宮二條城（京都市中京區二條通堀川西入二條城町541） [map url=”https://www.google.com/maps/embed?pb=!1m18!1m12!1m3!1d3267.6991977278403!2d135.74602931516185!3d35.01423427386928!2m3!1f0!2f0!3f0!3m2!1i1024!2i768!4f13.1!3m3!1m2!1s0x600107d40a2b9b0b%3A0x106b8759906a2f2f!2sNij%C5%8D%20Castle!5e0!3m2!1sen!2shk!4v1614873609389!5m2!1sen!2shk”][/map]
為咗慶祝多啦A夢50週年，日本郵局最近推出第三輪聯乘商品～ 作為多啦A夢迷，睇吓呢一輪嘅商品又啱唔啱你心水啦！ 1. 多啦A夢錢罌 咪以為多啦A夢手上嘅只係普通郵筒啊～ 其實係一件法寶，叫做「預收回信郵筒」！ 唔知放啲錢入去會唔會有神奇嘅事發生呢？哈！ INFO 尺寸：16.6 × 10.5 × 10.5cm 價格：¥2000（連稅） ============================= 2. 多啦A夢公仔、掛飾 拎著「預收回信郵筒」嘅多啦A夢係咪好得意呢？ 今次郵局推出咗尺寸較大嘅公仔，放喺屋企啱哂！ 仲有掛飾款，方便隨身帶著出街！ INFO – 多啦A夢公仔 尺寸：22 × 14 × 13cm 價格：¥2200（連稅） – 多啦A夢掛飾 尺寸：13.3 × 8 × 7.6cm 價格：¥1100（連稅） ============================= 3. 多啦A夢扣針 今次多啦A夢扣針都有兩款！ 分別係多啦A夢寄信款，同埋郵筒造型款～ 睇吓！百寶袋上仲貼著「ポスト」嘅代用貼紙，日文係指「郵筒」～ 兩款扣針扣喺袋或者衫上就最適合不過！ INFO 尺寸：2.5 × 2.7 × 1cm / 2.7 × 1.9 × […]
去東京池袋，有咩好地方去？ 有！就係全球最大間嘅扭蛋機店Gashapon啊！ 各位扭蛋迷又點可以錯過？ 呢間總店面積相當大，仲有成3000部扭蛋機！ 高達、蠟筆小新、動物森友會、麵包超人、Sanrio系列、七龍珠等， 你想要嘅扭蛋玩具都有！ 多到你唔信，果然好堅！ 呢度仲特設Bandai官方「Gashapon Official Shop」， 幾乎所有Bandai旗下最新嘅人氣商品都可以喺度揾到， 仲有總店限定商品！ 唔想摸門釘？記得上網查看存貨量先喇！ 店內仲會展出歷代Gashapon同年表～ 唔單止咁！大門前仲有一個大型互動櫥窗～ 放入空扭蛋回收就可以體驗！ 臨離開商店，記得要去埋扭蛋攝影商品區啊！ 只要憑著扭蛋商品，就可以按季節同日本風景或東京名勝景點嘅佈景打卡！ Gashapon Official Shop 地址：東京都豊島区東池袋3-1-3サンシャインシティ ワールドインポートマートビル3F （圖片來源：官網）
話咁快又踏入牛年！ 最近日本Starbucks有新品登場，就係呢款以富士山為造型嘅玻璃杯！ [instagram photo=”CJsPnERDIxD”][/instagram] 一講起日本，相信有唔少人就自然會聯想到富士山， 今次日本Starbucks已經為大家準備好，等你嚟入手！ [instagram photo=”CJPtYN8gvRV”][/instagram] 將成個富士山圖案印咗喺杯身，夠哂吸睛啊！ 係咪好靚呢？ [instagram photo=”CJkM3x-HPFP”][/instagram] 放喺陽光之下更加清澈透亮！ 用咗呢個杯，相信就算飲咩都覺得好味啊～！ [instagram photo=”CJfnuR0hR-8″][/instagram] 呢個玻璃杯容量有355公升，凍熱飲都可以～ 實用度一樣夠哂高啊！ [instagram photo=”CKb8BmTL6vB”][/instagram] 鍾意嘅話就買返個啦！ [instagram photo=”CJe8EeLAiaE”][/instagram] 限定富士山玻璃杯 售價：¥2,500 銷售地點：日本Starbucks
每次去日本旅行，有冇人同小編一樣都會買好多日本手信同零食返香港呢？ [instagram photo=”CKySlT4lOh5″][/instagram] 嚟自北海道嘅「白い恋人」，相信有唔少人都已經試過佢嘅招牌奶油朱古力夾心餅～ 最近白い恋人就同森永朱奶推出限定甜品同特飲啊！ [instagram photo=”BJEsn8pAoEx”][/instagram] 今次將經典奶油朱古力夾心餅變身成為朱古力夾心雪糕餅～ [instagram photo=”CKynIN8phSM”][/instagram] 外面係鬆軟嘅奶油餅乾， 而中間就由白朱古力夾心變成白朱古力雪糕，夠哂滋味啊！ [instagram photo=”CKyb44-g8Tv”][/instagram] [instagram photo=”CKyjimMsWVI”][/instagram] 唔單止甜品，今次仲出埋限定特飲～ 食著經典朱古力夾心餅，再飲埋白朱古力特飲， 真係雙重味覺享受！ [instagram photo=”CKykMoSHYxa”][/instagram] [instagram photo=”CKykL-rHz2y”][/instagram] 如果有機會飛去日本，真係好想試哂啊！ [instagram photo=”CKyiLzXj1Fh”][/instagram] 白い恋人限定甜品特飲 售價：¥160 銷售地點：日本便利店（由2月1號起） // 日本超市及各零售店 （由3月1號起）
日本動畫《天空之城》就睇過，原來現實中都有㗎！ [instagram photo=”CGl6dV4AmJx”][/instagram] 福井縣大野盆地有一座越前大野城，聳立喺市中心內高達249米嘅龜山上～ 每當山腳嘅城堡小鎮被雲海覆蓋時， 就會變成神秘嘅天空之城，隨即成為奇景！ [instagram photo=”CGnv4AGp16H”][/instagram] 平時動畫見到嘅「天空之城」瞬間往現眼前～ 真係好神奇啊！ [instagram photo=”B2vTolvgGMS”][/instagram] 不過要目睹現實版天空之城都唔簡單， 前一日濕度要夠高，而且白晝同觀賞日早晨要有明顯嘅溫差，仲要帶有微風～ 10至4月期間嘅黎明時分至早上 9:30就最有較大機會睇到喇！ [instagram photo=”CGCyt92AWpn”][/instagram] 如果大家想捕捉到呢個美麗畫面， 建議可以前往越前大野城西面嘅犬山！ [instagram photo=”B5PY9oSgu5B”][/instagram] 有機會嚟日本，你都過嚟睇吓啦！ [instagram photo=”B6afyptgQXp”][/instagram] 越前大野城「天空之城」 地址：福井縣大野市城町 3-109 開放時間：4月至9月早上9:00至下午5:00、10月至11月早上6:00至下午4:00 詳情：官網 [map url=”https://www.google.com/maps/embed?pb=!1m18!1m12!1m3!1d3228.3803715964373!2d136.48095751556184!3d35.98657158012428!2m3!1f0!2f0!3f0!3m2!1i1024!2i768!4f13.1!3m3!1m2!1s0x5ff89f7904493273%3A0x59fcbc09af1725c8!2zMy0xMDkgU2hpcm9tYWNoaSwgT25vLCBGdWt1aSA5MTItMDA4N-aXpeacrA!5e0!3m2!1szh-TW!2shk!4v1603556892547!5m2!1szh-TW!2shk”][/map]
最近京都京町家住宿「レジステイ錦」(RESI STAY錦)推出咗Hello Kitty主題房啊！ 係由擁有京都80年歷史嘅町屋改建而成～ 呢間Hello Kitty主題客房真係好令人期待㗎！ 由房間嘅牆身、地板、浴室、衣櫃等，都可以見到舞妓風格嘅Hello Kitty圖案！ 想打卡真係唔可以錯過每一個角落啊！ 不過Hello Kitty主題房僅此一間， 如果大家喺疫情過後想去嘅話，咁就記得預早Book房喇！ レジステイ錦 (RESI STAY錦) 地址：京都府京都市中京區菊屋町 521 詳情：㩒呢度 [map url=”https://www.google.com/maps/embed?pb=!1m18!1m12!1m3!1d3268.0464724590747!2d135.76127881519733!3d35.00554178035728!2m3!1f0!2f0!3f0!3m2!1i1024!2i768!4f13.1!3m3!1m2!1s0x60010890dd05a7a5%3A0x8c429d5913d304c3!2sRESI%20STAY%20Nishiki!5e0!3m2!1szh-TW!2shk!4v1609599103327!5m2!1szh-TW!2shk”][/map]
