Open Tour
唔少媽媽都會買啲得意嘅嬰兒服畀BB著 日本就有媽媽做咗呢件超萌丘比沙律醬嬰兒服 融化咗一眾媽媽嘅心！ [instagram photo=”B0pEBs9ghBy”][/instagram] Kewpie係日本沙律醬嘅知名品牌 日本有媽媽喺BB到6個月大時，親手做出熱量減半包裝嘅沙律醬嬰兒服 勁得意！ [instagram photo=”B88nasqpAwr”][/instagram] 為咗慶祝BB半歲大 媽媽仲將BB嘅生日同體重標記喺「沙律醬」上面，就似變咗沙律醬嘅製造日期同容量咁 [instagram photo=”B7XNRnJJ9UF”][/instagram] 仲有媽媽會特登再用不織布將沙律醬擠出來嘅液體剪裁出來，創意十足 [instagram photo=”B8_faW8BsZZ”][/instagram] 有日本媽媽更喺網路上分享咗製作方式同服裝版型， 材料喺一般文具店都可以買到，原來好簡單易整 [instagram photo=”B2yYOPsJKTY”][/instagram] 有啲媽媽仲幫屋企嘅毛孩整埋一份，勁得意！
寵主們有福啦！ 全新商場寵物遊樂園「New Town Plaza Pets Park 寵物同樂園」登陸沙田新城市廣場將於1樓戶外平台 呢個毛孩樂園佔地2,500呎，以大自然草原為設計概念 打造咗2大「歷奇區」同埋「野餐區」，啱哂帶埋毛孩嚟享受假期！ 「歷奇區」會提供平衡木、打卡斜台、寵物隧道同埋貓咪樹屋等7大寵物玩樂設施，畀毛孩放電 當中包括打卡斜台、平衡木、寵物隧道同埋貓咪樹屋等，毛孩一定可以大玩特玩！ 而場外嘅「野餐區」就有大量舒適茶座，打卡一流 場內餐廳仲特別提供寵物野餐Picnic Set，當中有地道傳統英國菜「BRICK LANE Deli」、以德國鹹豬手盛名嘅「The Salted Pig」、泰式料理「Nara Thai Cuisine」、主打日式串燒嘅「Yaki Ana」等等，好多選擇！ 商場仲特別邀請咗「金牌犬隻行為治療師」Eric Ko同大家分享馴犬秘笈， Eric有超過20年犬隻訓練經驗，曾於國家地理頻道《金牌馴狗師：亞洲接班人》比賽中勇奪「亞洲最佳犬隻行為治療師」 經驗非常豐富！ 依家The Point by SHKP會員更可憑積分搶奪星級入場券，帶埋毛孩同Eric星級接觸， 名額有限，記得留意啦！ New Town Plaza Pets Park 寵物同樂園 地點：新城市廣場1期1樓戶外平台 日期：2021年1月27日起 時間：上午7時至晚上10時
大部分寵主去旅行時都會將毛孩暫託喺寵物酒店入面，希望有專人可以照顧毛孩嘅起居飲食！ 雖然近年因為疫情問題都無得去旅行，但唔少寵主都會帶毛孩去寵物酒店Staycation 好似呢間由江若琳Elanne同朋友合伙開設嘅「貓季酒店」咁， 提供咗一站式貓貓住宿、美容服務，畀貓貓嚟渡假同做SPA！ Elanne從小就鍾意動物，三年前同老公開始養英國短毛貓「糯米糍」， 開始咗佢嘅貓奴人生，仲成立咗為貓貓而設嘅「貓季酒店」 「貓季酒店」希望提供一個舒適嘅地方，令貓貓覺得有第二個家嘅感覺 入住嘅貓貓會有專人服待，陪佢哋玩同梳毛！Elanne表示好多嚟過嘅貓貓都玩到唔捨得走 「貓季酒店」最近開咗觀塘新店，每間房都有24小時鏡頭，主人可以隨時隨地知道貓貓嘅狀況 新店共有6種房型，比舊店多2種， 分別有標準房 ( $280 )、豪華房 ($380 )、別墅房 ($480 ) 、城堡房 ( $580 ) 而新增嘅山景別墅房 ($520 ) 可以望到獅子山景色， 而城景別墅房 ($550 ) 就設有大玻璃窗，可以畀貓貓望住城市景色哂大陽 Elanne仲話同貓貓都發生咗好多難忘嘅事 佢話最記得有一隻約15歲嘅貓貓曾經喺酒店住咗半年， 貓貓一直都有膀胱結石問題，有一次Elanne收工之後透過24小時鏡頭發現貓貓有唔舒服嘅症狀 Elanne即時通知酒店同事，問有無人同佢一齊去接貓貓睇醫生 雖然果陣已經係晚上11點，但全酒店所有同事二話不說返咗酒店接貓貓去睇醫生 全部同事一齊幫貓貓集氣，最後貓貓都平安無事！ Elanne認為營運貓酒店，同事對動物嘅愛心係好重要，亦都非常難得 各位貓奴，如果你都想搵間舒服又信得過嘅貓酒店畀主子渡下假，不妨試下嚟「貓季酒店」 貓季酒店 地址︰觀塘偉業街93號93WYS 23樓
元朗近年愈來愈多靚靚cafe 好似呢間8cm Coffee 就以綠色同白色為店鋪主色，界人一種自然又舒服嘅感覺 店內外環境非常適合打卡，一定要約埋閨蜜一齊去！ [instagram photo=”CGCrjWfBTSU”][/instagram] 秋天天氣最啱坐室外位！ [instagram photo=”CErRUizAgh_”][/instagram] 如果室外咁啱無人坐，影返入黎都好靚！有一種去咗歐洲嘅感覺 [instagram photo=”CGcDsS5D9GA”][/instagram] 室內都畀人一種小清新感覺，加上店鋪透光，成個環境都好舒服 [instagram photo=”CGBYAT3Bn1O”][/instagram] 坐室外就可以帶埋毛孩嚟，幫佢扮靚靚再打個卡 [instagram photo=”CERd0m_D7qG”][/instagram] 門口真係好有外國風情！ 8cm Coffee 地址︰元朗鳳攸南街9號好順利大廈地下14號舖
仲未諗放假去邊玩好？不如去下山頂廣場啦 山頂廣場係香港最新寵物友善嘅購物商場，毛孩可以喺山頂廣場商場入面行嚟行去 而且商場仲有齊寵物設施，好似寵物專用升降機、寵物專用路線等 寵物透過升降機可以直達三樓觀景台，喺露天草地上大玩特玩 而廣場入面更設有Dog Parking 專區，主人可以暫時安置毛孩，自己可以去食飯同買嘢 真係好貼心 鍾意打卡影相嘅你亦可以去以寵物髮型屋為主題嘅毛孩照相館「Pawfect Barber Shop」 入面提供多款可愛道具同多個打卡位，可以同毛孩影返啲靚相 除咗影相同玩，佢哋由即日起至12月31日每個週末同公眾假期，都會喺中庭舉辦PetMart， 到時會有多個品牌設立期間限定店，可以買到好多寵物食品、用品、保健食品、手作玩具等 各位寵主一定要去行下 商場更推出「Peaknic野餐套裝」 顧客凡於指定商戶外賣自取，或購買由Mina House或金玡居提供之野餐套餐滿港幣$600， 即可免費獲贈野餐墊同價值港幣$100的商戶現金優惠券乙張，仲可以免費借用打卡必備嘅精美野餐籃 咁豐富嘅行程，大家記得帶埋毛孩去玩下
奧華南岸酒店（Ovolo Southside）推出「V.I.Pooch | Luxury Pet-Friendly Accommodation」住宿計劃， 一晚房價低至$1,573起，可以帶埋心愛毛孩同主人一齊度假！ 「V.I.Pooch | Luxury Pet-Friendly Accommodation」住宿計劃， 每晚只需$1,573起，可以帶2隻合共唔超過30kg嘅狗狗入住～ 酒店仲會特別為每隻入住嘅狗狗，準備好寵物床、食物碗、內含玩具同零食嘅Doggy Bag等等！ 有興趣嘅話，快啲搵酒店預訂喇！ 奧華南岸酒店 Ovolo Southside 地址：香港港島南區黃竹坑道64號 電話：3460 8100 網址：Ovolo Southside
各位毛爸媽注意喇！香港麗思卡爾頓酒店（The Ritz-Carlton Hong Kong）推出全新「寵．愛」住宿之旅， 可以帶埋毛孩入住全球最高酒店，仲有一系列寵物專屬禮遇，同心愛毛孩一齊留低美好回憶～ 「寵．愛」住宿之旅一晚房價只需$3,999起（需於最少三天前預訂）！ 可以帶同最多兩隻毛孩入住豪華維港海景客房、特級豪華海景客房或者豪華套房～ 一邊欣賞出面靚景，一邊享受同毛孩嘅歡樂時光！ 酒店仲會提供一系列寵物專屬設施， 包括寵物睡墊、食糧及飲水器皿、樽裝水、寵物小食、玩具、寵物尿墊或貓砂～真係好豐富！ 「寵．愛」住宿之旅其中一大亮點，就係酒店會提供精緻野餐籃同寵物小食！ 野餐籃有點心、三文治、熟食冷盤、新鮮沙律、 美味包點、自家製果汁等等～ 客人可以帶埋毛孩，去附近嘅西九苗圃公園野餐！ 有興趣嘅話，就快啲打電話或者電郵搵酒店去預訂喇！ 香港麗思卡爾頓酒店 The Ritz-Carlton Hong Kong 地址：尖沙咀柯士甸道西1號環球貿易廣場 預訂及查詢電話：2263 2100 電郵：[email protected]
香港一般准許寵物內進嘅餐廳多以西式食品或咖啡店為主， 而位於將軍澳海傍嘅「戀上台式料理」就係一間提供台灣食物嘅寵物友善餐廳， 店內提供台式飲品、食品同爐端燒，非常吸引！ 餐廳內有多款燒肉供應，當中包括好受歡迎嘅日本九州直送和牛同西班牙黑毛豬 同時亦有海鮮爐端燒，日本鮮扇貝同鮑魚等等都係必點之選 鍾意台式食物嘅你亦可以一試餐廳招牌手工滷肉飯配溏心蛋、士林鹽酥雞 除此之外，餐廳亦有提供台式小食甜品，好似刈包同芋圓仙草豆腐花 [instagram photo=”B_4zTuuAMiw”][/instagram] 除咗食品款式多，餐廳嘅寵物專區仲提供咗一間空間俾寵主同毛孩用餐！ 場內更有多項免費寵物友善設施，提供寵物零食、除臭消毒用品、飲水器等等 戀上台式料理 電話訂座：22190191 地址 : 將軍澳唐俊街21號翩匯坊地下G26號舖 圖片來源 : 戀上台式料理
