Open Tour
回憶⋯返哂嚟？！ PIXAR 會喺2017年11月18日至2018年3月5日喺沙田「香港文化博物館」 舉行一個名為《彼思動畫30年：家＋友‧加油！》嘅作品展! [facebook url=”https://www.facebook.com/openholidays/videos/1931259220420300/”][/facebook] 首先當然會有大量影相位~ 展出作品有《反斗奇兵》、《玩轉腦朋友》、《反斗車王》、《怪獸公司》、《海底奇兵》、《太空奇兵·威E》等等超人氣電影 大會會以傳統媒介創作方式展示歷年創作嘅成果，其中包括.. 卡通人物雕塑 素描草圖、彩繪、分鏡圖 件件展品都咁經典咁精彩! 但最後當然唔少得有紀念品區啦~ PIXAR迷千奇唔好錯過喇~ 《彼思動畫30年：家＋友‧加油！》 日期: 2017年11月18日至2018年3月5日 地點: 香港文化博物館 (展覽廳) 票價: $20標準票、$14團體票、$10優惠票 （博物館通行證持有人免費入場） 電話︰2180 8188 網站連結 : www.heritagemuseum.gov.hk
平時去沙田除左唱K、睇戲之外，仲有咩野做好呢？ 不如跟住呢個行程嚟個一日文化遊，慢慢去感受吓傳統建築物，有時間可以去埋文化博物館~ 夜晚再去食地道美食：燒乳鴿、Wasabi蟹籽手撕雞！ 曾大屋 曾大屋係沙田嘅一條客家圍村。原稱山下圍，1848年起興建，1867年建成，係香港一級歷史建築物，公眾可以自由入村參觀。 因為依然有市民居住，所以參觀時記得保持安靜。 創建人曾貫萬，喺廣東省五華縣南下到香港，後來因開設石廠致富，就起圍村俾族人居住。全屋有99個單位。二次大戰時曾經俾逃難人士租住，所以又叫「曾大屋」。 曾大屋採用廣東五華老家嘅建築風格，主要由花崗石、青磚建造，四角都有鑊耳型的三層高角樓，有槍孔同瞭望台。 屋前嘅風水池已經被填平，以前嘅護城河、吊橋亦唔再存在。 圍村正面有三個大門，分別有「安富」門、「尊榮」門、「一貫世居」門。正門門頂石匾刻住「一貫世居」，係由中舉人曾貫萬嘅侄兒曾蘇所寫嘅。 曾大屋採用三進式設計，有上、中、下三堂，兩側各連兩排橫屋，稱為「三堂四橫」格局。 廳與廳之間由通道、天井相連。曾貫萬當年獲朝廷封為直奉大夫，所以有「大夫第」木匾、「祥徵萬福」石匾。 中堂係族人嘅議事廳。廳入面掛著曾貫萬、其母親朱氏的遺像、「文魁」木匾，又擺放咗曾貫萬71歲壽辰(1878年)獲贈嘅十二幅木刻壽屏。 再穿過另一天井，就到達上堂，即係供奉曾氏祖先的祠堂。 好多村民都已經移居海外，而家留返喺曾大屋入面住嘅曾氏子孫唔多，反而住咗唔少外姓人。 地址：沙田山下圍 前往方法：港鐵車公廟站/沙田圍站步行可到達 ——————————— 車公廟 沙田車公廟，係香港二級歷史建築物。喺1890年前已經落成。 廟內紀念嘅車公係南宋嘅將軍車大元帥，南宋末年，宋帝昺及車大元帥避難至香港，並駐守西貢。 後來車大元帥病死，人民就建廟供奉。後來民眾請車公坐陣，為沙田消除瘟疫，並興建車公廟。 車公廟主殿內的神壇上，屹立著二十七尺高嘅金色車公像。善信可以敲鼓、順時針輕力轉吓銅製風車，希望轉個好運。 天花板上更建有藻井，有麒麟、鳯凰的雕花圖案。 福祿宮，拜吓五路財神，輕輕摸吓聚寶盆，祈求財源滾滾來。 犯太歲就要喺太歲衣上寫自己個名，將檀香放在香爐。先拜斗姆、值年太歲，再拜自己的太歲，將寫咗名嘅太歲金放在其腳底，俗稱「攝太歲」 最後再向其他太歲拜一拜。年尾回廟再參拜。 車公廟內可以求籤，外面會有人即時幫你解籤。 地址：新界大圍車公廟道 前往方法：港鐵車公廟站/大圍站步行可到達 開放時間：每天上午七時至下午六時 ——————————— 龍華酒店 龍華酒店係香港僅有嘅園林酒店之一。呢度最出名就係燒乳鴿！ 地址：沙田下禾輋村22號 ——————————— 陳根記 沙田屋邨嘅大牌檔，可以食到古早味香港菜！推介：Wasabi蟹籽手撕雞、椒鹽魷魚、糯米鱔 地址：沙田禾輋邨街市大牌檔3-5號 ——————————– 放假去邊 更多好介紹: 快啲like我哋Facebook 同follow我哋Instagram啦!
