Open Tour
一年一度嘅「香港素食嘉年華」快將舉行，免費入場，愛地球、愛健康嘅你記得唔好錯過喇！ 嘉年華設有超過70個素食有機攤檔，展示純素產品與食品，與眾同樂。 嘩~~夠晒吸引呀！ 到時有素食烹飪示範，全部免費上課，仲有機會試食添！ 現場仲有兒童遊戲、專業中西醫演講、健康測試檢查、音樂表演等精彩活動。 素食生活為我哋帶嚟無窮好處，素食亦成為潮流，席捲全球。 一齊嚟推動素食生活、低碳飲食文化，響應環保啦！ 【第7屆香港素食嘉年華】 日期：10月6日 (星期日) 時間：早上10點至下午4點 地點：清水灣道1111號三育書院 收費：免費入場 ⭐⭐ 請自備購物袋 + 餐具 資料來源：Hong Kong Vegfest
昂坪360 由9月27日至11月10日 舉辦「童遊時光」懷舊玩具展。 同期加推「港人限時懷舊價」，用開幕價就可以買到來回纜車門票喇！ 成人$88、小童$45及長者$68搭纜車 性價比極高，讓你輕鬆安排一天食﹑買﹑玩體驗！ 「港人限時懷舊價」車票由即日至11月10日，開始於官網發售啦！ 另外，香港居民亦可在到訪當天喺東涌纜車站票務處出示香港身分證(正本)、(11歲或以下小童之香港出生證明書正本或副本)，即可以限時優惠價購買昂坪纜車來回門票(標準車廂)1張，每名香港居民只限購買1張。 昂坪360 「童遊時光」 今個秋日，昂坪360帶大家重溫兒時小玩意，「童遊時光」設有大型打卡裝置及展覽。 包括3米高巨型纜車扭蛋機、飛行棋、七彩扭計骰、趣怪陀螺及拍子簿「東南西北」。 逾3米高巨型扭蛋機，送出2萬個童趣扭蛋 昂坪市集圓形廣場特設逾3米高嘅巨型纜車扭蛋機，打卡之餘又可以扭蛋。 每隻扭蛋內藏不同嘅迷你懷舊玩具，帶給你無限回憶和驚喜，共有2萬個童趣扭蛋。 大獎仲有任天堂Switch、任天堂經典迷你紅白機、經典迷你超級任天堂主機！ 摺紙遊戲「東南西北」 經典課室小遊戲「東南西北」放置於菩提樹下，上面寫滿不同嘅小挑戰。 大家不妨一齊摺一個「東南西北」嚟打卡影相呀！ 「復古跳飛機」 回味童年樂趣 「一齊跳飛機，一、二、三…到你！」喺菩提樹旁嘅地上將會畫上跳飛機圖案，打造復古味十足嘅跳飛機遊戲。 走進玩具時光隧道 昂坪360特意聯同玩具收藏家及「幸福玩具店」店主莊慶輝合作舉辦「玩具時光隧道」。 展出多款經典50至千禧年代香港流行玩具，包括塑膠玩具、鐵皮車、煮飯仔套裝及經典棋盤遊戲。 「週末大笪地」 本地搖搖表演 本地搖搖團體Let’s Yo重臨昂坪360！帶來更驚喜嘅花式搖搖表演，更加入與大眾互動嘅環節，齊齊分享玩搖搖嘅樂趣！ 糖畫工作坊 喺導師指導下，小朋友可自由創作獨一無二嘅糖畫，與家長於昂坪度過溫馨嘅親子創作時間。 幻彩泡藝表演 昂坪360特意邀請本地舞台表演泡藝師Xero Chan，表演出徒手花樣泡泡造型，如手吹泡(大和小泡)、泡中泡等，幻彩昂坪! 吹糖技藝表演 為推廣傳統吹糖技藝，昂坪360邀請咗香港唯一女吹糖師糖姨，免費為你哋捏出唔同公仔造型糖果及吹波糖，加深大家對呢項非物質文化遺產嘅認識。 【童遊時光】 日期：2019年9月27日(五)至11月10日(日) 時間：上午10時至下午6時 (平日) 時間：上午9時至下午6時30分 (周末及公眾假期) 地點：香港大嶼山昂平路111號 昂坪市集 官網：https://www.np360.com.hk 資料來源：昂坪360纜車
踏入秋季，除咗入西貢行山外，有咩活動既可享受出海樂趣、免費玩水上活動，仲可以為慈善出一份力呢？ 10月入嚟白沙灣遊艇會喇，一連兩日嘅「24小時慈善小艇賽2019」，一定可以滿足您以上要求！ 年度盛事 「24小時慈善小艇賽」 係東南亞唯一及香港最大型嘅24小時水上耐力運動比賽。 活動時段橫跨一連兩天，每年同一時間「白沙灣遊艇會」會向公眾開放。 參賽隊伍 賽事喺白沙灣遊艇會對出海面進行，公眾可以喺現場一齊睇住比賽過程。 各支隊伍需於設定之24小時內互相合作，輪流分段作賽，考驗隊員體力同耐力。 活動特色 慈善小艇賽，有好多水上活動免費試玩，包括： 小型帆船、獨木舟、直立板、龍舟及船河，記得早啲入去登記呀！ 競賽村內仲有美食、手作市集、兒童天地、面部彩繪等攤位，充滿嘉年華色彩。 為善最樂 此賽事自2002年迄今第17屆，多年來已為兒童癌病基金及其他選定嘅慈善機構，籌集超過一千萬港元善款。 愛心滿載又熱愛戶外活動嘅您，千祈唔好錯過咁有意義嘅活動啊~~ 【第17屆24小時慈善小艇賽】詳情 24小時慈善小艇賽： 10月5至6日 (六至日) 2:00pm-2:00pm 試玩水上活動時間： 10月5日 (六) 12:00pm-6:00pm 10月6日 (日) 10:00am-4:00pm 地點：白沙灣遊艇會 (西貢白沙灣西貢公路十咪半) 收費：免費入場 資料及圖片來源：The Hebe Haven Yacht Club 24 Hour Charity Dinghy Race
⭐⭐最新消息⭐⭐ 大會宣佈基於安全及交通問題，決定取消「陞域香港沙灘節 2019」。 「第七屆陞域香港沙灘節」將於10月26至27日喺淺水灣沙灘舉行喇！ 場內將會同時舉辦多項精彩刺激嘅沙灘體育活動，包括：堆沙堡壘同樂日、兒童沙灘足球比賽、親子田徑比賽、兒童沙灘競技、國際沙灘水球錦標賽、陞域三重泳挑戰賽、沙灘排球和美人魚表演等等。 堆沙堡壘同樂日 兒童沙灘足球比賽 兒童沙灘競技 國際沙灘水球錦標賽 陞域三重泳挑戰賽 沙灘排球 美人魚表演 「陞域香港沙灘節」免收入場費㗎，部份活動或需預先報名及收費！ 到時仲會有美食同埋冰凍啤酒攤位，大人細路一齊去盡情享受沙灘活動嘅樂趣啦！ 【第七屆陞域香港沙灘節】 日期：2019年10月26–27日 (星期六、日) 時間：上午10時至下午6時 地點：香港淺水灣沙灘 收費：免費入場 詳情：請按此 堆沙堡壘同樂日：請按此 兒童沙灘親子田徑比賽及兒童沙灘足球活動：請按此
秋風起行山好時機！ 有冇諗過有人請你搭船行山？行完仲有餐飲券？之後仲會有獎牌添？ 只要參加愉景灣x運動平台合辦嘅【環愉歷險線上挑戰活動】，就可以拎到豐富禮品喇！ 【環愉歷險線上挑戰活動】詳情 日期：9月12日 至 11月17日 活動：行山 地點：愉景灣以下行山徑及指定Checkpoints (任選其中1條) 行山徑A： 愉景灣 + 愉景灣眺望台 + 老虎頭 行山徑B： 愉景灣碼頭 + 大白灣沙灘 + 林蔭大道 + 中央公園 + 愉景灣酒店 + 愉景北商場 行山徑C： 銀礦灣 + 神樂院 + 愉景灣 步驟： 1. Call齊班朋友一齊嚟愉景灣行山 2. 喺VRace24登記拎船飛 3. 任意行完指定3條行山路線其中1條 4. Upload返你行完嘅路線圖 5. 有獎牌同埋餐飲券送返畀你 (行晒3條，就可以儲齊一套3款獎牌) 禮券名額有限，快啲入去睇吓點樣拎晒啲獎品啦！ 網上登記報名： https://www.vrace24.com/event/171 資料來源：香港愉景灣
Playright 貫徹推行以下宗旨，令小朋友開學都可以keep住玩！ 「好玩社區，孩子成長必需！」 「好玩社區，嚟公園就對！」 「好玩社區，由街坊凝聚！」 「賽馬會智樂好玩社區同盟」 9-10月再接再玩！ 嚟緊新學年依舊一個月兩次，喺社區公園帶嚟各種物資。 歡迎任玩、任試、任變，創造屬於小朋友嘅自由遊戲空間。 中西區、深水埗區、葵青區同大埔區嘅大小街坊們，約定你哋啦！ 所有活動毋須報名，歡迎當區街坊即場參與！ 一齊嚟睇吓 9-10月份嘅日程： 1. 海中心公園@中西區 日期：2019年9月21日(六)、10月4日(五)及10月19日(六) 時間：下午2時30分至5時 地點：中西區海濱長廊 – 西區副食品批發市場段2號碼頭 （港鐵香港大學站B2出口，步程約6分鐘） 2. 青衣東北公園@葵青區 日期：2019年9月20日(五)、10月5日(六)及10月18日(五) 時間：下午2時30分至5時 地點：青衣東北公園草地 – 近長發邨入口 （近青泰苑，長發邨步行約6分鐘；港鐵青衣站A1出口，約步行17分鐘） 3. 大埔海濱公園@大埔區 日期：2019年9月29日(日)、10月13日(日)及10月27日(日) 時間：下午2時30分至5時 地點：大埔海濱公園 – 風箏放飛區對面草坪 （回歸紀念塔及花海附近草坪） 4. 荔枝角公園@深水埗區 日期：2019年9月28日(六)、10月16日(三)及10月26日(六) 時間：下午2時30分至5時 地點：荔枝角公園 （近美孚新邨及門球場B，美孚港鐵站D出口） 資料來源：Playright Children’s Play Association
今個9月，全港首個最大 Messy Play Carnival 隆重登場！ 呢個瘋靡歐美教育界，激發小朋友感官發展嘅遊戲學習模式，將會一連三日(27-29/9)等你嚟玩！ 一齊進入Messy Play世界，探索屬於兒童嘅天地‼ 三大感觀體驗區包括： 1. 感觀發展區 集合8種天然原材料區包括麥皮、粟米、天然泥膠、麵粉、雜豆、米、通粉、餅乾碎。 配合不同小朋友喜愛嘅主題如恐龍世界、北極生活、動物農場、小小廚房、鏟泥車、海底世界，讓小孩發揮無限想像力。 另外亦會加入安全嘅真實量器如漏斗、餐具等，畀小朋友可以體驗大人嘅世界❗ 2. 五官體驗區 共四個主題區，包括大步走、猜猜我是誰、10米忙碌板(busy board)，感官瓶(sensory bottles)！ 一齊除低襪仔，伸出手仔，豎起耳仔，落足眼力去感受Messy Play世界❗ 3. 自由創意區 重頭戲創意區‼ 共長28米 x 15米嘅自由創意區，將會提供多種不同質感嘅安全顏料，同埋創意用具。畀你同小朋友可以喺毫無拘束嘅情況下，瘋狂發揮創意❗ 另外仲有立體紙屋，小朋友可以一齊打造一間屬於你自己嘅五星級的家‼ 【Messy Play Carnival 兒童感官發展嘉年華】 日期：2019年9月27-29日 (星期五至日) 時間：分3節：10:00-12:00/ 13:00-15:00/ 16:00-18:00 地點：九龍灣國際展貿中心三樓匯星 適合歲數：6個月至8歲小孩 門票：請按此購票 資料來源：Messy Play Carnival HK
一年一度嘅「香港綠色建築週」將於9月21至22日舉行。 今年以「綠建大搜查」為主題，透過連串精彩活動，讓公眾探索和認識九龍東嘅綠色建築，了解綠色建築如何紓緩氣候變化，並鼓勵實踐綠色生活。 話明係嘉年華，當然要有新奇好玩嘅攤位遊戲啦！多個有關 “香港綠色建築” 嘅謎題等緊咁多位綠建偵探幫手破解！ 而「綠趣空間」入面就有好多紙滑梯、特色蘑菇椅子等一系列具可持續性發展嘅紙藝術品俾小朋友同大朋友一齊玩！ 另外仲有非常受大眾歡迎嘅「綠惜市集」，行到攰仲可以享受埋WWF嘅「100%太陽能流動咖啡車」嘅咖啡添！ 重頭戲就有首次舉辦嘅「綠建大搜查定向挑戰賽」，一齊探索同發掘九龍東嘅綠色建築特色，有偵探頭腦又夠晒Green嘅你哋一定唔可以錯過，仲有豐富奬品等緊你㗎！ 呢個有嘢玩又有嘢學嘅綠色嘉年華，仲舉辦咗巴士團同工作坊添～ 咁多嘢玩，快啲叫齊親戚朋友總動員，嚟享受一個綠色假期啦！ <九龍東綠色建築巴士遊> 坐上 “城巴” 嘅電動巴士及開蓬巴士，帶你探索九龍東嘅綠色建築，更有機會入內參觀，認識當中嘅綠建設計。車上亦會有「綠建大使」為大家介紹途經嘅綠色建築特色。 立即預先登記➡️ http://bit.ly/323CC9k <綠色升級工作坊> 以可重用嘅 “環保建築物料” 去創造全新嘅藝術品，學習到綠色建築嘅知識之餘，完成後仲可以將靚靚嘅手作拎返屋企做擺設添！咁吸引，立即按下面連結報名啦！ 環保玻璃燈球吊飾工作坊➡️ http://bit.ly/2Zx4WTS 竹風鈴工作坊➡️ http://bit.ly/2L0nUdr 多肉植物水泥盆景工作坊➡️ http://bit.ly/2Ubuelq 綠建紙模型工作坊➡️ http://bit.ly/2UcdDxM 【香港綠色建築週2019】 「綠色嘉年華」 日期：2019年9月21-22日 (星期六至日) 時間：正午12時至下午6時 地點：九龍灣常悅道8號 建造業零碳天地 活動：九龍東綠色建築巴士遊、升級工作坊、綠「惜」市集、遊戲攤位、導賞團、舞台表演等 「綠建大搜查定向挑戰賽」 日期：2019年9月21日 (星期六) 時間：上午10時至下午1時 起/終點：建造業零碳天地 組別：公開組、企業組、家庭組 獎品：德國KERBHOLZ木製手錶、Elle行李箱、禮品現金劵 ⬇️事不宜遲，立即報名啦⬇️ https://www.hkgbc.org.hk/tch/engagement/public-initiatives/hkgbw/ 資料來源 : 香港綠色建築議會
趁住中秋節一於放鬆吓！「秋日青藝節」將於9月14日(星期六)登陸西九文化區，一系列精彩文化活動陪伴大家追月。 <送精美TOTE BAG或野餐墊！> 免費送入場人士一個Tote Bag或一張野餐墊作為紀念，先到先得，送完即止！ <5大分區 X 打卡巨型發光月兔> 超多打卡熱點！ 「秋日青藝節」共分為5大區，分別係文藝攤檔、工作坊、美食攤檔、主舞台及親子遊戲區，用一日時間先玩得晒呀！ 仲有由本地藝術家卓文設計嘅3米高巨型發光月兔，切合中秋佳節主題，係必去嘅打卡位！ <充氣彈床+人肉保齡> 放電好幫手！ 現場有大型充氣彈床、人肉保齡，喺大草地瘋狂滾動、體驗360度旋轉快感，刺激過癮，絕對係「放電」嘅好地方！ 爸爸媽媽們，快啲帶埋小朋友一齊嚟玩喇！ <60個文藝攤檔> 除咗Busking表演，當然唔少得文藝攤檔，今次會有60個攤檔俾大家慢慢行！ 呢班深藏不露嘅手作高手，有售賣飾物、服裝、皮革產品、玩具⋯⋯到時要儲定彈藥瘋狂Shopping！ <林奕匡X R.O.O.T DUO X小塵埃> 等緊大家！ 當日將有三組唱作歌手到場表演，包括林奕匡、R.O.O.T DUO及小塵埃，演唱多首人氣歌曲。 如果唔想錯過，星期六就要準時喺下午2點入場，一家大細霸定靚位睇Show啦！ <帶埋毛孩一齊參加吧！> 今次活動歡迎參加者帶同寵物到訪，但謹記要加以管束，確保牠們喺任何時候都繫上牽繩，咁樣大家都可以玩得盡興～ <西九藝術公園海濱草坪介紹> 活動當日（下午4時30分至晚上8時30分）將有穿梭巴士來回九龍站A出口和活動場地。 【秋日青藝節】 日期：2019年9月14日（星期六） 時間：下午2時至晚上10時 地點：西九藝術公園海濱草坪 費用：免費入場 資料來源：YouthAndArtFestival Facebook
各位消防迷如果想知多啲消防救護員嘅工作同人員嘅培訓，機會嚟喇！ 消防處將於 10月6日 (星期日) 喺將軍澳「消防及救護學院」舉行開放日，門票會於本月14號免費派發。 開放日嘅節目內容包括： 消防及救護車輛巡遊和多項滅火及救援示範，屆時百勝角模擬鐵路站和消防及救護教育中心暨博物館亦會開放給市民參觀。 當日亦有訓練設施展覽、消防處裝備和特別車輛展示、防火安全教育展覽、與內地同業交流相關的展覽、攤位遊戲、互動投考體驗區和消防工作犬示範等。 【消防及救護學院開放日】 日期：2019年10月6日 (星期日) 時間：上午 9 時至下午 4 時 地點：將軍澳百勝角路11號 ⭐ 市民須憑票入場 (3歲或以下嬰幼兒無需門票) 【門票派發詳情】 派發日期：2019年9月14日 (星期六) 派發時間：上午 10 時開始 派發地點： (1) 上環消防局 (地址：香港上環西消防街2號) (2) 黃大仙消防局 (地址：九龍黃大仙鳳德道28號) (3) 沙田消防局 (地址：新界沙田源禾路26至28號) (4) 消防及救護學院 (地址：將軍澳百勝角路11號) ⭐ 每人限取 2 張，先到先得，派完即止！ 資料來源 : 香港消防處
