Tag: 甜品控

見到甜甜圈，唔知你會唔會諗起童年？ 近年食物配搭層出不窮， 芝士芋頭加甜甜圈嘅組合，你又有冇試過呢？ [instagram photo=”CK9HT3fn2Gl”][/instagram] 喺台中中友百貨附近有一間外賣咖啡店～ 以水果咖啡同手作甜甜圈作為賣點！ 而呢款「芋見泥鮮奶酪甜甜圈」更加係受到唔少客人嘅青睞！ [instagram photo=”CKJUDNQprpn”][/instagram] 粒粒芋泥口感實在！ [instagram photo=”CLMeX-plFTQ”][/instagram] 仲有勁厚嘅自家製芝士，超滿足！ [instagram photo=”CIzJRNJHUBh”][/instagram] 不得不提，連甜甜圈拎上手嘅時候都係暖嘅，食落帶點脆口～ 口感豐富，芋頭控必試！ [instagram photo=”CJ8ft8WHWSW”][/instagram] 不過限定逢星期五、六、日先有得賣， 手快有手慢冇～有機會你都過嚟試吓啦！ [instagram photo=”CL3EWnMBK8h”][/instagram] MIXO Coffee 米索咖啡 地址：台中市北區錦平街6號1F

By Katie Lo

April 1, 2021August 5, 2022

泰國有間餐廳超有諗頭！ 最近推出咗「百潔布蛋糕」，瞬間成為網上熱話！　 [instagram photo=”CLL8g_9nLSl”][/instagram] 嗱～有圖有真相，睇過都話真！ 果然神還原「百潔布」！ [instagram photo=”CKsNFD4LQPK”][/instagram] 呢個食得落肚嘅蛋糕，有檸檬清香㗎～ 真係創意十足！ [instagram photo=”CJxGHLjrhUH”][/instagram] 唔單止有洗潔精一樣嘅蜂蜜～ 連側邊嘅奶油都做到好似洗碗泡泡咁，細節位都做足！ [instagram photo=”CMEVLJfA-6A”][/instagram] 仲食到可可粉同杏仁片～ [instagram photo=”CP93GrMtFv7″][/instagram] 唔知你又有冇諗過將呢件「百潔布」放入口呢？ [instagram photo=”CLpcgL8H-o-“][/instagram] 百潔布蛋糕 地址：Into the Woods (69 14-16 Phayathai Rd, Thung Phaya Thai, Ratchathewi, Bangkok 10400, Thailand) [map url=”https://www.google.com/maps/embed?pb=!1m18!1m12!1m3!1d3875.391668393466!2d100.53109241477931!3d13.755238290345236!2m3!1f0!2f0!3f0!3m2!1i1024!2i768!4f13.1!3m3!1m2!1s0x30e29eca457cde67%3A0x555390ea0953f561!2sInto%20the%20Woods%20Cafe!5e0!3m2!1sen!2shk!4v1616321344179!5m2!1sen!2shk”][/map]

By Katie Lo

March 31, 2021August 5, 2022

每次去日本旅行，有冇人同小編一樣都會買好多日本手信同零食返香港呢？ [instagram photo=”CKySlT4lOh5″][/instagram] 嚟自北海道嘅「白い恋人」，相信有唔少人都已經試過佢嘅招牌奶油朱古力夾心餅～ 最近白い恋人就同森永朱奶推出限定甜品同特飲啊！ [instagram photo=”BJEsn8pAoEx”][/instagram] 今次將經典奶油朱古力夾心餅變身成為朱古力夾心雪糕餅～ [instagram photo=”CKynIN8phSM”][/instagram] 外面係鬆軟嘅奶油餅乾， 而中間就由白朱古力夾心變成白朱古力雪糕，夠哂滋味啊！ [instagram photo=”CKyb44-g8Tv”][/instagram] [instagram photo=”CKyjimMsWVI”][/instagram] 唔單止甜品，今次仲出埋限定特飲～ 食著經典朱古力夾心餅，再飲埋白朱古力特飲， 真係雙重味覺享受！ [instagram photo=”CKykMoSHYxa”][/instagram] [instagram photo=”CKykL-rHz2y”][/instagram] 如果有機會飛去日本，真係好想試哂啊！ [instagram photo=”CKyiLzXj1Fh”][/instagram] 白い恋人限定甜品特飲 售價：¥160 銷售地點：日本便利店（由2月1號起） // 日本超市及各零售店 （由3月1號起）

By Katie Lo

February 3, 2021August 5, 2022

喺台灣，想食到經典美食——雞蛋糕？ 總會搵得到！食得到～ [instagram photo=”CIDh6eQHSsi”][/instagram] 只要一聞到香噴噴嘅雞蛋奶香， 真係無論大人定細路，都會忍唔著買嚟食！ [instagram photo=”CHVWglajPmW”][/instagram] 最近台北西門町出現咗一間以貓貓為造型嘅雞蛋糕——貓貓燒 秒速融化哂貓奴嘅心啊！ [instagram photo=”CIF8gRxhsDz”][/instagram] 貓貓燒外皮酥脆， 大大啖咬落去，入面係雞蛋糕，超鬆軟㗎！ [instagram photo=”CH7ad7pjiQO”][/instagram] 人氣不敗嘅朱古力味做到濃而不甜膩，真係唔可以錯過！ 同樣焗到熱辣辣、充滿芝士香嘅雞蛋糕一樣冇令人失望 [instagram photo=”CHm6gXzDgvK”][/instagram] 最有驚奇反而係煉奶味，小心一咬就爆漿！ 一次過仲試哂三款口味，令人大飽口福～ [instagram photo=”CIFzHc0Bi_X”][/instagram] 一條貓貓燒 地址：台北市萬華區漢中街25號 [map url=”https://www.google.com/maps/embed?pb=!1m18!1m12!1m3!1d3614.673661443762!2d121.50562421484209!3d25.04514658396707!2m3!1f0!2f0!3f0!3m2!1i1024!2i768!4f13.1!3m3!1m2!1s0x3442a90ead74311f%3A0xf7411e760f15ba6e!2zMTA45Y-w54Gj5Y-w5YyX5biC6JCs6I-v5Y2A5ryi5Lit6KGXMjXomZ8!5e0!3m2!1szh-TW!2shk!4v1606743410438!5m2!1szh-TW!2shk”][/map]

By Katie Lo

December 29, 2020August 5, 2022

踏入12月，八月堂把握時機， 強勢推出限定草莓系列嘅牛角包！ 呢款人氣草莓牛角包睇見都令人心動！ 新鮮嘅粉紅草莓配上蜂巢牛角包， 裡面仲有順滑濃郁嘅吉士醬添～ 仲有草莓檸檬千層派！ 外表金黃酥脆嘅批皮，裡面同樣係經典吉士醬， 鮮甜多汁嘅草莓配上糖霜，每一啖都覺得好滿足啊～ 下面呢款草莓吉士牛角包都冇令人失望！ 裡面仲係濃郁嘅草莓吉士醬， 絕對令人少女心噴發啊！ 如果嫌草莓配吉士醬唔夠特別？咁就要試呢款草莓黑森林喇！ 酥脆嘅牛角包包著朱古力牛奶餡，相當濃郁！ 上面撒滿黑朱古力碎片，仲放咗半粒新鮮草莓作為襯托，夠哂吸引！ 呢四款草莓牛角包都好吸睛， 相信無論男士定女士都一定會鍾意！ 八月堂限定草莓系列牛角包 期間限定：2020年12月1至17日 詳情：官網

By Katie Lo

December 8, 2020August 5, 2022

話咁快仲有兩個月又到聖誕節喇！ 唔少商店都睇準時機，陸續已經開始宣傳聖誕限定食品同商品～ 就好似日本神戶北野飯店，最近宣佈將會喺今年11月1號提前舉行聖誕派對晚會「ナイトデザート Private Party ～Christmas～」 今次派對會提供大約17款甜品同10款料理餐點～ 其中一個賣點，就係呢個超級巨無霸嘅千層士多啤梨蛋糕「ミル・ミルフィーユ」！ 蛋糕除咗頂部之外，每一層都鋪滿大大粒新鮮嘅士多啤梨！ 果然夠哂睇頭！ 酥脆嘅蛋糕餅皮，仲有順滑嘅奶油，齋望相都已經流哂口水～ 但咁大件蛋糕，大家都係唔好諗著自私食喇～ 一於call齊朋友嚟KO佢啦！ 到時飯店亦會準備好多精緻嘅小甜品，當中就有唔少係以士多啤梨做主題～ 除咗甜品之外，仲有以歐式家庭料理嘅餐點，例如係愛爾蘭嘅傳統開胃菜「Colcannon」、俄羅斯牛肉特羅加諾、羅宋湯等，異國風味100分！！ 如果有機會去日本旅行，大家千祈唔好錯過啊～ 圖片來源：Fashion Press ナイトデザート Private Party ～Christmas～ 開幕期間：2020年11月1日至12月22日 時間：下午6:00至晚上9:30（最後點餐時間為晚上8:30） 地點：神戸北野ホテル ダイニング[イグレック] (飯店地址：兵庫県神戸市中央区山本通3-3-20 1F)

By Katie Lo

December 1, 2020August 5, 2022

台灣超市全聯不時都會同朱古力品牌合作推出聯名甜品， 最近全聯We Sweet甜點系列又有新甜品曝光！ 今次竟然係同瑞士三角朱古力品牌「Toblerone」首度合作啊！ [instagram photo=”CGcAsjOhaJF”][/instagram] 索先推出第一彈！推廣期係2020年10月16日至11月19日～ 「巧克力邦特蛋糕」 呢款濃郁嘅朱古力慕斯，上層流著朱古力醬， 中間仲放咗一塊迷你經典Toblerone朱古力， 係咪好吸引呢？ [instagram photo=”CGhrjCxD-a-“][/instagram] 「巧克力拿破崙捲」 呢個唔係普通嘅朱古力蛋糕！ 蛋糕包著脆皮千層同朱古力碎塊～ 一啖一啖咁食，真係好滿足㗎！ [instagram photo=”CGtjVhbDaDo”][/instagram] 「巧克力雪藏蛋糕」 濃醇嘅瑞士三角朱古力融入綿密嘅蛋糕， 配上香脆嘅杏仁粒，散發濃郁嘅香氣， 相信食落一定充滿口感啊！ [instagram photo=”CGkAIdHFREL”][/instagram] 「巧克力香緹蛋糕捲」 呢款外形獨特嘅三角蛋糕捲，其實係象徵著瑞士馬特峰～ 香濃朱古力醬包著粒粒杏仁同香緹奶油， 真係好食到令人無法抗拒！ [instagram photo=”CGuEip3nqMz”][/instagram] 咪住咪住～～仲有第二彈啊！ 推廣期係2020年10月30日至11月19日～ 「巧克力榛果布丁」 苦中帶甜嘅朱古力蛋糕， 配上滑嘟嘟嘅布丁同特製嘅榛果鮮奶油～ 上面仲有瑞士三角朱古力碎粒作為點綴，口感層次好豐富啊！ 「巧克力布蕾派」 以瑞士三角朱古力製成嘅夾心， 仲有喺香酥朱古力批皮鋪上香滑嘅朱古力布丁， 一次過食到三種層次配搭，簡直完美啊！ 咁多款甜品，小編款款都想食～ 一於買哂返嚟試啦！ 全聯 X Toblerone聯名甜品 地址：全聯福利中心各分店

By Katie Lo

October 28, 2020August 5, 2022