Open Tour
聖誕唔想出街同人逼？不如外賣自取到會啦！ 西餐廳Angel & Devil提供日韓泰同西式惹味外賣自取套餐 聖誕派對套餐分別有8-12人份量同13-20人份量，一次提供燒美國火雞同各種精選美食， 啱哂唔同口味嘅客人，等大家安在家中都可以食到豐富嘅聖誕大餐！ 一齊睇吓有啲咩食 聖誕派對套餐 Set A （8-12人用）： 燒美國火雞 (約5kg) 俄羅斯薯仔沙律 (1.5kg) 雜菜春卷 (24 件) 雞肉及牛肉沙嗲串 (24 件) 燒無骨火腿伴蜜糖汁 (1.5kg) 瑤柱蛋白炒飯 (1kg) 蝦肉意大利粉配辣茄汁及意大利青瓜 (1kg) 聖誕樹頭蛋榚 (2磅) 迷你藍莓芝士餅 (12件) 聖誕派對套餐 Set B （13-20人用）： 燒美國火雞 (約8kg) 煙挪威三文魚 (500g) 凱撒沙律 (24 件) 雞肉及牛肉沙嗲串 (24 件) 燒美國豬肋骨伴烤BBQ汁 (1kg) 煙肉腸仔卷 (24 件) 燒美國西冷伴洋蔥燒汁 (1kg) 瑤柱蛋白炒飯 (1kg) 蝦肉意大利粉配辣茄汁及意大利青瓜 (1kg) […]
年年尖東嘅聖誕新年燈飾都係萬眾期待嘅節目 「閃爍尖東耀香江」活動今年踏入第三十八年啦，尖東海濱長廊大廈外牆燈飾已經亮起 今年由8萬2千顆變色LED圓點燈組成嘅多媒體幕牆燈飾會化身為維港最大跳舞機， 配合埋快樂動感節拍躍動畫面，令大家一齊投入呢個節目派對 麼地道沿路嘅三條天橋有禮物盒為主題燈飾，充滿節目氣氛， 加埋色彩繽紛浪漫燈飾圖案，一定會成為打卡熱點 而南洋中心外牆掛上以笑哈哈公仔為主題嘅燈飾，帶畀大家正能量 永安廣場嘅聖誕老人從天而降，同大家一齊慶祝聖誕 唔同嘅酒店都掛上咗唔同主題嘅燈飾，全部都好靚 今年一定要約埋另一半一齊睇！ 閃爍尖東耀香江 活動日期︰2020年11月5日‑2021年1月1日、2021年1月29日‑2月27日 時間︰下午6時‑11時
今個聖誕，利園會為大家呈獻「MERRIER TOGETHER利園聖誕樹林大道」， 大家可以喺銅鑼灣街頭見到歐洲「聖誕樹大道」，多裸唔同顏色嘅聖誕樹出現喺香港街頭， 呢個聖誕幻境令人好似置身外國一樣！ 聖誕樹掛上高貴金銀聖誕吊飾、專屬LEE GARDENS MERRIER TOGETHER木製吊牌， 加上柔和氣氛燈飾，成為咗一個浪漫又夢幻嘅打卡熱點！ MERRIER TOGETHER仲為大家送上多個聖誕心靈語錄，希望為大家帶嚟正能量 「不平凡的2020，讓我們牽著手，攀越高與低。」大家見到一定會感到好溫暖 利園亦整合咗4大IG-able聖誕攝影教學，包你整到最靚最正嘅呃Like相 當中包括「絕美電影感逆光」，靚到好似拍緊電影一樣 而「男／女友視角」就係低調放閃嘅好時機 「散景浪漫光點」嘅角度畀人一種浪漫又夢幻嘅感覺，勁有聖誕氣氛 最後一定唔少得「半空跳躍角度」，真係隔住張相都感受到你嘅開心！ 除咗打卡熱點，利園亦同場加映「IG聖誕街頭攝影禮遇」 參加遊戲嘅朋友更有機會嬴取MiNT InstantFlex TL70 2.0 雙鏡即影即有相機（價值HK$2,999） 詳情可以去返利園Facebook睇吓啦 MERRIER TOGETHER利園聖誕樹林大道 開放日期︰即日起至2021年1月3日 地址︰利園一期地面私家路
今年大家都留港過聖誕，個個商場都有唔同嘅聖誕主題佈置，你諗咗去邊個商場打卡未呢！ 旺角波鞋街商場 THE FOREST今年會舉行「THE FOREST Jingle Feast」 以「Glamping」打卡位作為賣點，同一般商場大型聖誕樹裝飾好唔同 大家可以喺真草草坪露營野餐打卡，同場仲會有聖誕市集同大量又抵又正嘅免稅商品 啱哂一班潮人、文青，可以喺草地上邊chill邊嘆美食，好正！ 今年聖誕THE FOREST仲會同主打清新東南亞菜嘅青花ATUM餐廳合作， 除咗將餐廳戶外嘅真草坪佈置成超搶眼「打卡味」十足嘅營地之外， 仲為你準備咗八款新派聖誕特色小食同飲品，大家可以喺帳幕下享用美食，遠離煩囂 而露營設備亦係由野外用品品牌「The Overlander」 聯乘，外觀夠哂有特色，打卡一流 而THE FOREST 商場內嘅三大人氣餐廳：BIGPACK Café 、Green Common同青花ATUM亦分別推出聖誕餐單， 大家可以試盡德國菜、素食店同埋新派東南亞菜餐廳，一定可以滿足你嘅口味 除咗食同影，商場仲打造咗歐陸風聖誕市集！ 多檔歐陸簡約風流動車仔攤檔喺度迎接大家， 當中包括Chef & Taste、Green Common 、Twinkie Cookies 同埋G.O.A.T Barbershop， 可以買到各種節日或韓式必吃小食，你仲可以選購精美禮盒包裝送畀家人朋友，保證你會有驚喜！ THE FOREST 中庭設有知名音響品牌 Bose 期間限定店，可以用限時超抵價購物 同場亦會有Free Duty期間限定店售賣機場免稅店中最受港人歡迎嘅貨品，好似烈酒、護膚品等等 ，大部分售價更比免稅店同網店仲低，送禮定自用都OK！ 商場二樓亦設有10多個聖誕攤檔，展出逾百款聖誕主題禮品如手作 當中好多本地手作品牌參與，鍾意手作品嘅你一定要去 青花ATUM「Glamping」 推出日期：12 月 12 日至 27 日 地點：THE FOREST 1樓 […]
位於朗豪坊嘅kkplus即將會舉行聖誕嘉年華！ kkplus嘅大門會化身成馬戲團帳幕入口，加埋門外越2米高電動巨型摩天輪，仲有LED閃閃聖誕樹同大棕熊公仔 呢三大打卡位可以畀大家盡情影相，勁有聖誕氣氛！ 今次會帶嚟兩個本地玩具單位Karenkei – Babedu同埋BigBoysToys 嘅首個展覽， 展覽會展出原創角色Babedu同經典街機遊戲街頭霸王阿隆等角色嘅限量Figure，機會好難得 BigBoysToys獲得Capcom官方授權製作Street Fighter《街頭霸王》立體模型「新挑戰者」系列， 今次展出嘅Bulkyz Collection系列，以高1.2米嘅Ryu阿隆巨型搪膠Figure坐鎮 大家好似置身《街頭霸王》遊戲入面一樣，亦有機會買到唔同嘅限量新品，好吸引！ kkplus亦會同辰時雜貨店聯手打造Pop-up Plant Lab，等大家過一個懷舊聖誕 佢哋會帶來多款塊根植物，結合週邊器具同精選古物，勁有特色 而且由即日起至2021年1月3日，凡消費滿200元或以上， 仲可以參加懸浮玩具工作坊，將購買嘅玩具以PE膠膜同方框鑲起，做聖誕禮物一流！ 參加者除工作坊外仲可以獲贈kkplus 聖誕卡，配合專屬IG Filter， SCAN之後就會啟動AR 虛擬實境功能，可以製作屬於自己嘅立體聖誕樹，同一般聖誕咭好唔同 咁多嘢玩，今個聖誕記得唔好錯過啦 kkplus 地址： 香港旺角亞皆老街8號 朗豪坊L12 02-03號舖 營業時間：中午十二時至下午九時（星期一至四） 中午十二時至下午十時（星期五至日及公眾假期）
荃灣廣場為咗迎接聖誕節， 準備咗全港首個GOOLYGOOLY FRIENDS主題佈置「GOOLYGOOLY FRIENDS繪本聖誕森林」， 除此之外，佢哋亦同場加碼兩間期間限定店，真係令人好期待呀！ 分別喺蠟筆小新+ A Playful Christmas! 期間限定店，兩間Pop-up Store即將會喺12月陸續登場 大家一定唔可以錯過！ 蠟筆小新期間限定專門店會由即日起至2021年2月21日進駐荃灣廣場 到時會有多款由日本直送嘅新貨，大家唔洗飛日本都買到 仲有大量扭蛋玩具、文具、家品，全部都好想要呀 另外嘅A Playful Christmas! 期間限定店亦齊集咗數百隻可愛毛公仔 當中有來自迪士尼嘅米奇、小熊維尼、《魔雪奇緣》嘅Elsa同Anna 等等，全部都好可愛 而且仲會有由Sanrio多個大熱角色、人氣卡通角落生物同Baby Shark砌出嘅3米高聖誕樹同逾1.6米高摩天輪， 大家可以慢慢打卡 而聖誕限定店內仲有多款獨家精品、公仔等等，款式好多 「蠟筆小新期間限定專門店」開放詳情 日期：即日起至2021年2月21日 時間：星期一至日: 上午11時至晚上9時 地點：荃灣廣場L2樓226 – 229 及 230 – 231舖 「A Playful Christmas 期間限定店」開放詳情 日期：即日起至2021年1月3日 時間：星期一至日: 中午12時至晚上9時 地點：荃灣廣場 L 1樓長廊
