Tag: 親子好去處

一年一度嘅「香港綠色建築週」將於9月21至22日舉行。 今年以「綠建大搜查」為主題，透過連串精彩活動，讓公眾探索和認識九龍東嘅綠色建築，了解綠色建築如何紓緩氣候變化，並鼓勵實踐綠色生活。 話明係嘉年華，當然要有新奇好玩嘅攤位遊戲啦！多個有關 “香港綠色建築” 嘅謎題等緊咁多位綠建偵探幫手破解！ 而「綠趣空間」入面就有好多紙滑梯、特色蘑菇椅子等一系列具可持續性發展嘅紙藝術品俾小朋友同大朋友一齊玩！ 另外仲有非常受大眾歡迎嘅「綠惜市集」，行到攰仲可以享受埋WWF嘅「100%太陽能流動咖啡車」嘅咖啡添！ 重頭戲就有首次舉辦嘅「綠建大搜查定向挑戰賽」，一齊探索同發掘九龍東嘅綠色建築特色，有偵探頭腦又夠晒Green嘅你哋一定唔可以錯過，仲有豐富奬品等緊你㗎！ 呢個有嘢玩又有嘢學嘅綠色嘉年華，仲舉辦咗巴士團同工作坊添～ 咁多嘢玩，快啲叫齊親戚朋友總動員，嚟享受一個綠色假期啦！ <九龍東綠色建築巴士遊> 坐上 “城巴” 嘅電動巴士及開蓬巴士，帶你探索九龍東嘅綠色建築，更有機會入內參觀，認識當中嘅綠建設計。車上亦會有「綠建大使」為大家介紹途經嘅綠色建築特色。 立即預先登記➡️ http://bit.ly/323CC9k <綠色升級工作坊> 以可重用嘅 “環保建築物料” 去創造全新嘅藝術品，學習到綠色建築嘅知識之餘，完成後仲可以將靚靚嘅手作拎返屋企做擺設添！咁吸引，立即按下面連結報名啦！ 環保玻璃燈球吊飾工作坊➡️ http://bit.ly/2Zx4WTS 竹風鈴工作坊➡️ http://bit.ly/2L0nUdr　 多肉植物水泥盆景工作坊➡️ http://bit.ly/2Ubuelq 綠建紙模型工作坊➡️ http://bit.ly/2UcdDxM 【香港綠色建築週2019】 「綠色嘉年華」 日期：2019年9月21-22日 (星期六至日) 時間：正午12時至下午6時 地點：九龍灣常悅道8號 建造業零碳天地 活動：九龍東綠色建築巴士遊、升級工作坊、綠「惜」市集、遊戲攤位、導賞團、舞台表演等 「綠建大搜查定向挑戰賽」 日期：2019年9月21日 (星期六) 時間：上午10時至下午1時 起/終點：建造業零碳天地 組別：公開組、企業組、家庭組 獎品：德國KERBHOLZ木製手錶、Elle行李箱、禮品現金劵 ⬇️事不宜遲，立即報名啦⬇️ https://www.hkgbc.org.hk/tch/engagement/public-initiatives/hkgbw/ 資料來源 : 香港綠色建築議會

By Wendy Lam

September 12, 2019September 12, 2019

趁住中秋節一於放鬆吓！「秋日青藝節」將於9月14日(星期六)登陸西九文化區，一系列精彩文化活動陪伴大家追月。 <送精美TOTE BAG或野餐墊！> 免費送入場人士一個Tote Bag或一張野餐墊作為紀念，先到先得，送完即止！ <5大分區 X 打卡巨型發光月兔> 超多打卡熱點！ 「秋日青藝節」共分為5大區，分別係文藝攤檔、工作坊、美食攤檔、主舞台及親子遊戲區，用一日時間先玩得晒呀！ 仲有由本地藝術家卓文設計嘅3米高巨型發光月兔，切合中秋佳節主題，係必去嘅打卡位！ <充氣彈床+人肉保齡> 放電好幫手！ 現場有大型充氣彈床、人肉保齡，喺大草地瘋狂滾動、體驗360度旋轉快感，刺激過癮，絕對係「放電」嘅好地方！ 爸爸媽媽們，快啲帶埋小朋友一齊嚟玩喇！ <60個文藝攤檔> 除咗Busking表演，當然唔少得文藝攤檔，今次會有60個攤檔俾大家慢慢行！ 呢班深藏不露嘅手作高手，有售賣飾物、服裝、皮革產品、玩具⋯⋯到時要儲定彈藥瘋狂Shopping！ <林奕匡X R.O.O.T DUO X小塵埃> 等緊大家！ 當日將有三組唱作歌手到場表演，包括林奕匡、R.O.O.T DUO及小塵埃，演唱多首人氣歌曲。 如果唔想錯過，星期六就要準時喺下午2點入場，一家大細霸定靚位睇Show啦！ <帶埋毛孩一齊參加吧！> 今次活動歡迎參加者帶同寵物到訪，但謹記要加以管束，確保牠們喺任何時候都繫上牽繩，咁樣大家都可以玩得盡興～ <西九藝術公園海濱草坪介紹> 活動當日（下午4時30分至晚上8時30分）將有穿梭巴士來回九龍站A出口和活動場地。 【秋日青藝節】 日期：2019年9月14日（星期六） 時間：下午2時至晚上10時 地點：西九藝術公園海濱草坪 費用：免費入場 資料來源：YouthAndArtFestival Facebook

By Wendy Lam

September 11, 2019September 12, 2019

歷奇公園 ~~ 很想去吧？ 葵芳新都會廣場有個逾萬呎嘅歷奇公園，視覺同刺激感都滿分，絕對係放電必去熱點！ ⬆ 3.5米超高滑梯筒，刺激感十足！ ⬆ 獨有親子鞦韆，大人細路一齊玩 ⬆ 巨型蔬菜藝術雕塑，好可愛嘅南瓜、茄子及青椒 ⬆ 場內仲有各式氹氹轉、親子健身充電設施、豎琴狀樂器 =============================================== ● 點去!? ⬆ 地鐵站E出口，經天橋直達新都會廣場L3， 然後出戶外沿樓梯上L5 歷奇公園 地址：葵芳新都會廣場 L5 (葵芳站E出口 ~ 經行人天橋過/ D出口 ~ 經路面過) 開放時間：上午10時至晚上7時

By Wendy Lam

October 30, 2018November 1, 2018

以後去開 MOKO 新世紀廣場，如果未夠鐘食飯、買咗戲飛等開場……不妨上3樓嘅戶外「兒童樂園」玩吓! 喺寸金尺土嘅旺角，有咁大又就腳嘅室外遊樂場，真係好難得~~ ⬆ 跳飛機 ⬆ 滑梯、攀爬架 ⬆ 平衡搖搖板 ⬆ 氹氹轉 ⬆ 鞦韆 =============================================== ● 點去!? ⬆ 先去商場3樓嘅 Food Opera食代館 ⬆ 右邊有道玻璃門出遊樂場 兒童樂園 地址：旺角新世紀廣場 MOKO 3樓 (旺角東D出口) 開放時間：上午10時至晚上7時

By Wendy Lam

October 30, 2018October 30, 2018

太空樂園位處荃灣廣場5樓，佔地超過23,000平方呎，備有區內獨有嘅戶外空中休憩公園及兒童遊樂場，遊樂設施一應俱全。 ⬆ 太空樂園為主題嘅戶外遊樂場 ⬆ 攀石架 ⬆ 鞦韆 ⬆ 滑梯、攀爬架及搖搖板 ⬆ 地方相當闊落 =============================================== ● 點去!? ⬆ 呢個最方便，搭電梯或扶手梯上商場5樓，中華書局隔離就係入口 太空樂園 地址：荃灣大壩街4-30號荃灣廣場L5 (荃灣西站A2出口) 開放時間： 上午10時30分至晚上6時，每天下午3時至4時進行清潔 (遊樂區) 上午10時30分至晚上8時 (休憩區)

By Wendy Lam

October 30, 2018November 1, 2018

九龍站(圓方)上蓋隱藏咗一個露天遊樂場，設施新穎多元化，按不同年齡劃分多個區域，小朋友可因應自己能力去挑戰~~ ⬆ 腳踏氹氹轉單車 ~ 極受小朋友歡迎 ⬆ 幼童版 ~ 滑梯、小城堡、繩網、車呔攀架、攀爬梯、滾珠機 ⬆ 跑住轉車呔 ~ 成班小朋友企上去一齊嗌 : 繼續跑，唔好停!! ⬆ 站立式搖搖板、搖搖車、攀架 ⬆ 攀爬城堡~~刺激好玩，訓練小朋友膽量，攻頂成功好有滿足感呢! ⬆ 垂直攀石牆、繩索鞦韆 ⬆ 平衡木 =============================================== ● 點去!? ⬆ 九龍站C1或C2出口，經兩條扶手梯上 <公眾休憩空間> ⬆ 出玻璃門轉右 ⬆ 行樓梯直上 ⬆ 沿右邊小路入遊樂場 ⬆ 亦可選擇由小路旁電梯，往返商場或停車場 ⬆ 遊樂場位於商場 PR 層 九龍站上蓋公眾休憩用地 地址：圓方ELEMENTS商場PR層平台 (九龍站C出口) 開放時間：上午6時至晚上10時

By Wendy Lam

October 30, 2018October 31, 2018

奧海城二期有個由港鐵管理嘅奧海公園，好多人以為屬私人屋苑，其實係開放畀公眾使用㗎！ 一於帶大家睇吓有咩設施啦~~ ⬆ 旋轉式滑梯 ⬆ 管道滑梯 ⬆ 直式滑梯 ~ 幼童區域 ⬆ 體能攀爬架 ⬆ 平衡木 =========================================== ● 點去!? 首先到奧海城二期 UG 層，然後跟住以下路線就揾到~~ ⬆ UCC Coffee 一直向前行 ⬆ 沿利寶閣旁邊樓梯上 ⬆ 推開玻璃門就見到平台公園 奧海公園 地址：奧海城二期平台 (奧運站D出口) 開放時間：上午6時至晚上10時

By Wendy Lam

October 30, 2018October 31, 2018

喺嚟緊嘅11月2至25日，「建造業議會」將舉辦「築月2018」，有超過20個與建造業相關嘅文化藝術、運動、教育及趣味消閒等活動，實行與眾同樂。 當中兩個星期六日仲會有「築月童樂日」，大人細路都啱玩㗎，一連串精彩活動等緊你哋呀！ 【築月童樂日】 日期：2018年11月3-4 及 10-11日（星期六及日） 時間：上午 11 時正至下午 6 時正 地點：建造業議會．零碳天地 (九龍灣常悅道8號) 1. Super Builders 講故仔 透過繪本故事及互動遊戲，帶領小朋友認識建造業世界，創造無限可能。「肥哥哥」更會於11月10及11日跟過百名家長及細路講故仔、玩遊戲，一同發掘建築樂趣！ <講故仔時間表> 日期：2018年11月3-4 及 10-11日（星期六及日） 第一場時間：下午 1時15分至2時15分 第二場時間：下午 3時至4時 第三場時間：下午 4時45分至5時45分 人數：每場20人 對象：3至10歲小朋友 2. 迷你工地 建造業議會．零碳天地變身為「迷你工地」，於室外特別設置「推土樂園」及以竹棚搭建的「竹築遊樂場」，讓一眾小朋友化身成為小小工程師。完成任務，小朋友更可獲發證書及紀念品。 3. 建築樂團 來自不同建造業崗位的「建築樂團」會於周末期間帶來現場音樂演出，為大家送上多元風格的音樂。 4. 「木人巷」競技場 古代著名工匠家魯班發明木榫結構。利用入榫原理將六根有槽的木條相嵌而成的則叫「六通」。「木人巷」考考大家腦力，歡迎所有人士挑戰，以最快的時間將簡易版「三通」拆開再還原！ 想知多啲詳情，快啲click入下面條link，睇下有咩玩啦！ http://www.cic.hk/chi/main/construction_month_2018/ 記得喎，有啲活動名額有限，先到先得，如果想玩記得早啲報名喇！‍ 圖片及資料來源：建造業議會

By Wendy Lam

October 25, 2018October 26, 2018

景賢里加開 11月公眾開放日 ＊＊＊＊＊＊＊＊＊＊＊＊＊＊ 為了讓更多市民可以參觀法定古蹟景賢里，欣賞和了解其建築特色及歷史，景賢里將於11月加開2天免費公眾開放日。 開放日除提供定點導賞服務外，更會展出前業主借出的古董家具、播放景賢里紀錄片，並設有資料展板及展品。 ⬇ 加開公眾開放日 ⬇ 日期： 11月17日及18日 (星期六及日) 時段： ＊第1節　上午9時30分至11時 ＊第2節　上午11時至下午12時30分 ＊第3節　下午2時至3時30分 ＊第4節　下午3時30分至5時 ⬇ 11月開放日 免費索取入場券 ⬇ 日期： 10月27日及28日 (星期六及日) 時間： 上午10時至下午6時 地點： 九龍尖沙咀海防道九龍公園香港文物探知館 每名市民限取其中一節參觀時段最多4張入場券，先到先得，派完即止。 若11月開放日的入場券未能全數派出，剩餘入場券將於10月29日起在香港文物探知館繼續派發。 此外，10月20日、21日及12月15日、16日的公眾開放日尚餘少量入場券，歡迎公眾到香港文物探知館索取。 香港文物探知館的開放時間為星期一至五（星期四除外）上午10時至下午6時；星期六、日及公眾假期上午10時至下午7時（查詢電話：2208 4400）。 景賢里位於香港司徒拔道45號，不設泊車設施，公眾人士請乘搭公共交通工具前往參觀。 ＊ 新巴15號線 (中環—山頂) ＊ 新巴15號B線 (灣仔(會展新翼)—山頂) (只於星期日及公眾假期提供服務) ＊ 專線小巴26號線 (銅鑼灣利園山道—景賢里) 乘搭巴士或小巴下車後，請依照下圖紅色虛線前往景賢里﹕ 有關景賢里開放日的詳情，請瀏覽發展局文物保育網頁（https://www.heritage.gov.hk/tc/whatsnew/events_54.htm）， 亦可致電2848 6230或電郵至[email protected]查詢。

By Wendy Lam

October 16, 2018October 26, 2018