• Mon. Jun 1st, 2026
    • '
    Home觀塘 (Page 2)

    Tag: 觀塘

    【香港】MiFFY期間限定店登陸觀塘！必買MiFFY造型月餅/獨家精品｜香港購物｜放假去邊

    嚟梗中秋節大家又點少得食月餅玩燈籠，小編喺度召集MiFFY迷！嚟梗以MiFFY為主題嘅期間限定店即將登陸觀塘APM，仲有多款精品包括下午茶最佳配搭MiFFY掛耳茶包，MiFFY精美碗碟套裝、文具控必收藏的文件夾等，獨家於限定店發售！ 大家記得試埋個MiFFY月餅啊，有特式鳳梨月餅同經典奶黃月餅兩款口味，餡料係有台灣直送，新張期間凡購買月餅禮盒即可以7折價錢換購指定產品，各位MiFFY迷萬勿錯過！ （早鳥價錢）價錢:HK$188 荷蘭正式授權 2021年MiFFY鳳梨及奶皇月餅禮盒，特色鳳梨口味、經典奶黃口味各2件。 （早鳥價錢）價錢:HK$468【特別版】荷蘭正式授權 2021年MiFFY雙層月餅禮盒，除咗有特色鳳梨口味、經典奶黃口味各2件、仲有10cm巨型曲奇3件、懷舊燈籠、防水面料雙面日式手挽袋。 一袋10包的MiFFY茶袋，有伯爵茶口味或莓果口味。 MiFFY懷舊燈籠，中秋一定唔少得燈籠！ 仲有環保餐具套裝、硅藻土杯墊、文具、陶瓷碟等等，多款精品等你嚟揀！       GoodieShopHK 期間限定店 地址：香港九龍觀塘觀塘道418號apm大堂（近恒生ATM） 日期：2021年8月22日至9月30日 月餅預首日期：即日起至2021年9月1日 預訂link：按此

    author

    【香港】觀塘宮廷式Cafe，閨蜜談心打卡好去處/精緻西餐及甜品！｜香港美食｜放假去邊

    約朋友食飯揀唔到餐廳？小編推介去呢間宮廷風餐廳，最啱女仔傾計打卡啦！ 餐廳設有室外座位，望到少女心爆發！ 餐廳每個角落都係打卡位！ 感覺自己好似係貴婦歎緊下午茶…… 慢煮澳洲和牛臉肉配紅酒燒汁 $208  大蝦牛油果藜麥籽沙律 $108 香桃、檸檬、忌廉班戟卷 $78 餐廳喺觀塘新開商場，食完飯都可以去行下呀！ INN – I’m Not Nothing 地址：觀塘協和街33號裕民坊YM² 2樓205號舖 圖片來源：IG @foodie.yvonne

    author

    【香港】觀塘日系簡約風西餐廳 多個打卡位、高質西餐和義式咖啡｜香港美食｜放假去邊

    觀塘呢間Cafe裝潢好日系，周圍仲有啲植物，窗邊位就最適合打卡！ 餐廳仲有精品售賣，有興趣食完飯可以行下。 食物味道都幾好！Lunch set可以揀前菜：湯或沙律，跟餐可揀指定飲品。 香煎北海道帶子紫薯意大利飯：擺盤幾靚，帶子煎得幾好，紫薯意大利飯味道幾清新。 蒜香野菌紅蝦青口炒意粉：蝦同青口都有幾多，無雪味，唔係得一兩隻。調味適中，味道唔錯，幾香口。 lunch set加錢可以將跟餐飲品轉義式咖啡。 仲有甜品食！ 餐廳menu偶爾會轉，詳情和最新Menu請留意餐廳FB。 Relish 地址： 觀塘鴻圖道63-65號鴻運工業大廈5樓B號舖

    author

    【香港】觀塘特色酒吧餐廳！必試火焰豬手、免費畫畫！｜香港美食｜放假去邊

    平時慶祝生日諗爆頭？唔知揀咩餐廳，一於試下呢間位於觀塘嘅特色酒吧餐廳喇，特別在呢度店員可以係個碟上畫上你鐘意嘅動漫角色或人物肖像，全部像真度都好高。仲有必試招牌菜，德國火焰豬手配酸椰菜、美國頂級牛小排同德國香腸。 大家要注意，免費畫畫係必須提前2天訂臺及說明畫畫內容及要求！另需最低消費250/位！畫畫服務不能與其他優惠同時共享（例如-優惠二人餐/午市套餐/訂臺折扣等）。 除咗卡通角色，人物肖像呢度嘅店員一樣畫得咁靚。 之後，就係呢度嘅招牌德國火焰鹹豬手，豬手上嚟嘅時候先即場點火，大家到時候記得要揸實部相機喇！ 呢度嘅美國牛小排，食落有豐富嘅肉汁、熟成度燒到啱啱好，肉質嫩滑。 紅酒燉美國牛仔骨。 鵝肝配蝦尾。 有酒精或無酒精嘅飲品呢度都會提供，梗有一款啱你！ February 地址：觀塘駿業街56號中海日升中心2樓A號舖 營業時間：11:30-02:00 電話：2237 1119 圖片來源：@february_bar_restaurant

    author

    【香港】觀塘全新商場即將登場！全港首個室内空調智能公共運輸交匯處、特設裕民市集｜香港玩樂｜放假去邊

    等咗咁耐！觀塘終於有新商場啦 市區重建局觀塘市中心重建計劃第 2、3 期發展區內嘅全新商場即將登場！ 商場已正式命名為「裕民坊 Yue Man Square 」，又稱「YM2 」 「YM2 」商場及公共設施總面積逾 35 萬平方呎，勁大！ 場內更設有全港首個室内空調智能公共運輸交匯處，一眾觀塘區居民有福了！ 商場更全面覆蓋 5G 無線網絡同埋免費提供 Wi-Fi 6 高速上網服務 而且引入咗多項智慧科技設施， 包括人工智能空調系統、防疫消毒設施機械人等等 同時，商場內設有唔少零售同埋休閒餐飲商戶，真係好全面 場內更特設「裕民里 Yue Man Lane」，邀請咗多個因重建計劃遷移嘅小店復業，令到大家都可以重新感受到小店情懷 而且亦推出「裕民市集 Yue Man Hawker Bazaar」 ，市集會聚集昔日同仁街臨時市場嘅經營者， 以售賣大眾化日常用品為主，集體回憶返哂嚟！ 商場以優化嘅營商環境重新連結新舊社區，亦增設咗多個綠色設施同埋綠化休憩空間， 當中包括3樓嘅空中花園，花園內會種植多種唔同種類嘅植物，打造全新綠洲！ 大家係咪好期待呢，記得密切留意最新發展啦

    author

    【香港】拍拖好去處！觀塘迷你霓虹燈工作坊｜香港玩樂｜放假去邊

    成日都要諗拍拖去邊，真係好煩惱！ 唔想喺街同人逼嘅你不如試下參加呢個「迷你霓虹燈工作坊」 迷你霓虹燈除咗可以作為家居嘅小佈置之外，仲可以帶出街做打卡道具 位於觀塘嘅「Myosotis.flower」歡迎情侶/一個人/閨密一齊嚟參加工作坊 親手學整一個有自己風格嘅迷你「霓虹燈」 你可以整有意義嘅文字/圖案！ 而工作坊完結後，仲可以喺studio打卡影靚相 studio現場有小燈飾同小帳篷做背景，啱哂嚟拍拖！ 快啲約埋另一半去整啦！ 迷你霓虹燈工作坊 開放時間：星期一至日，10am – 10pm 課程時間：約2.5至3 小時 課程語言：粵語 開班人數：最少1人，最多16人 上課時間：開放時間內的任何2.5至3 小時 地址：觀塘成業街16號怡生工業中心B座1樓B27室 訂購網址 立即訂購

    author

    【香港】全新日式飯糰品牌登陸香港！日本直送食材鮮製壽司飯糰｜香港美食｜放假去邊

    日本人同香港人都好鍾意食飯糰，因為方便、飽肚又好味 最近就有一間全新日式飯糰品牌「味覺堂」登陸香港！為大家帶嚟多一個選擇 「味覺堂」現已於觀塘apm商場開幕，主打獨特創新壽司飯糰，選用日本直送極上鮮味魚生為食材 味覺堂嘅壽司飯糰全部採用100%日本原產大米，每日新鮮製造 一撕一拉即食包裝方便食用，啱哂上班族 味覺堂嘅壽司飯糰以鮮味魚生為主，三款皇牌分別係：拖羅魚蓉他他醬、拖羅魚蓉蘿蔔漬、香蔥拖羅魚蓉， 由日本直送的拖羅肉質肥美，仲有豐富魚脂油香，每款只係$23，真係好抵 除咗拖羅，鍾意吞拿魚嘅朋友一定要試吓吞拿魚醬油漬，特製醬油醃漬勁惹味， 仲有唔係成日有得食嘅左口魚裙邊芥末漬，層次豐富，好想試下！ 味覺堂另有多款壽司飯糰，可以滿足大眾口味 包括︰三文魚籽、炙燒三文魚沙津、松葉蟹味、雜錦海鮮、海蝦沙津等，價錢都係由$20-$23不等 用料咁高質，算係非常實惠 除此之外，亦有深受港人歡迎嘅紫菜飯糰系列， 以熟食為主，當中有壽喜燒安格斯牛肉  、麻辣肉燥、麻辣牛肉 、泡菜豚肉 、台式滷肉、龍蝦沙律等等 除咗飯團，味覺堂仲推出咗日本國產十六穀米健康系列，啱哂注重健康、養生嘅人士 十六穀米內含有大麥、糙米、黑米、赤米、藜麥、玉米、糯米、豆、高樑、芝麻等等16種穀類， 含豐富膳食纖維，有助改善腸胃健康同減少吸收脂肪 味覺堂同時亦嚴選多款唔同產地嘅高品質原片茶葉， 提供新鮮嘅冷泡茶畀大家，同飯團一齊食勁夾 唔想飲凍嘢嘅亦可以試下佢哋嘅關東煮同湯品 關東煮以正宗鰹魚做成高湯，而湯品就有粟米忌廉湯、磨菇忌廉湯、番茄濃湯同洋蔥湯，好多選擇 味覺堂 地址： 觀塘觀塘道418號創紀之城5期APM L2層11號舖 營業時間： 早上11時至晚上8時

    author

    【如心艾朗酒店】甜蜜滋味住宿體驗！$792起住宿連雙人下午茶+朱古力雪糕火鍋｜香港旅遊｜放假去邊

    如心艾朗酒店推出「甜蜜滋味住宿體驗」， 只需$792就可以有一晚住宿加雙人下午茶 ，仲可以食到迷你MÖVENPICK雪糕配Lindt朱古力火鍋，好吸引 一晚住宿啱哂同閨蜜嚟個Girl’s Night！ 尊享禮遇： 一晚住宿 免費雙人早餐 雙人下午茶及迷你MÖVENPICK®  雪糕配Lindt朱古力火鍋 免費享用迷你吧飲品 免費使用無線及有線網絡 免費使用健身中心及游冰池 (視乎情況而定) 購買呢個套票嘅住客可以享用瑞士品牌MÖVENPICK®雪糕，再配上Lindt朱古力， 一邊品嚐酒店餐廳嘅精緻下午茶，同好姊妹共渡開心時光！ 小編特別推介野莓流心芝士撻，酸酸甜甜勁開胃，啱哂用嚟做下午茶 真係見到都流哂口水！ 套票仲可以免費享用雙人早餐同迷你吧飲品 仲可以免費使用健身中心及游冰池 (視乎情 況而定) 除開每人只係$396，平時食個下午茶都唔止，快啲約埋好姊姊嘆返晚 如心艾朗酒店「甜蜜滋味住宿體驗」 優惠期︰由2020年10月23日至12月20日 下午茶供應時間︰由下午3時至晚上6時 價錢︰$792/2人 訂購網址︰甜蜜滋味住宿體驗 地址︰香港觀塘創業街38號

    author

    【觀塘如心艾朗酒店】情侶住宿優惠！$660起雙人房＋亞洲風味套餐｜香港旅遊｜放假去邊

    炎炎夏日，喺街行多兩步都出哂汗～ 如果你想搵個室內地方舒舒服服咁休息一吓，過吓二人世界，觀塘如心艾朗酒店係唔錯嘅選擇！ 酒店推出咗兩個專為情侶而設嘅住宿優惠，最平只係$660起，超值 寬敞嘅房間，加上有格調嘅裝潢，性價比好高 「窩心二人甜蜜亞洲滋味」套餐只需用$660起，除咗可以入住一晚酒店客房，仲包埋亞洲風味套餐 酒店職員會直接送晚餐上客房，保證衛生 如果想入住房型更大，擁有飯廳、客廳嘅艾朗套房，你亦可以選擇$999嘅「二人同行 甜蜜出走」住宿優惠 呢個套餐亦都包咗兩位用嘅早餐同送到房上嘅晚餐，好抵住 咁抵嘅優惠，約埋另一半去玩一日都係唔錯嘅選擇 如心艾朗酒店 「窩心二人甜蜜亞洲滋味」 預訂日期：由即日起至2020年7月31日 (包括首尾兩天) 入住日期：由2020年6月1日起至2020年7月31日 (包括首尾兩天) 價錢︰ 超每晚港幣$660起 *所有價目另加10%服務費 訂座電話︰3968 8366 / 訂座網址 地址: 香港觀塘創業街38號 如心艾朗酒店 「二人同行 甜蜜出走」 預訂日期：由2020年5月18日起至2020年7月31日 (包括首尾兩天) 入住日期：2020年6月1日至2020年7月31日 (包括首尾兩天) 價錢︰ 超每晚港幣$999起 *所有價目另加10%服務費 訂座電話︰3968 8366 / 訂座網址 地址: 香港觀塘創業街38號

    author

    觀塘工廠必食推介 足料創新蛋牛治！｜香港美食｜放假去邊

    想食好味嘅蛋牛治？ 觀塘打工仔有口福喇！ [instagram photo=”5_R22ciluJ”][/instagram] 呢間Cafe隱身於觀塘工廈，佢嘅蛋牛治真係好出色！ [instagram photo=”BFvDSl1C3GX”][/instagram] 厚麵包夾著新鮮牛肉同嫩滑嘅炒蛋～ 麵包烘埋底仲正！ [instagram photo=”BMoZTaxjNDO”][/instagram] 值得一提，呢度嘅牛肉亦係經過醃製，食落勁juicy！ 放埋午餐肉同芝士落去，夠哂創新！ 整體充滿口感，好飽足！ [instagram photo=”BNRGuXPligN”][/instagram] 返工lunch hour唔知食乜好？ 嚟呢間Cafe嘆返件啦！ [instagram photo=”BFLwB_2g67v”][/instagram]   SHY Dance Cafe 地址：觀塘開源道60號駱駝漆大廈3座1樓I室   =============== 放假去邊 更多好介紹: 快啲like我哋Facebook 同follow我哋Instagram啦!

    author