Open Tour
Pokemon 界嘅夢幻逸品， 「10級初版噴火龍」遊戲卡， 一張竟然價值10萬美金！？ 近日美國有一個男人攞住珍藏已久嘅Pokémon卡去典當，表示呢啲卡片價值連城。 起初老闆都唔相信，一度疑惑「Pokémon卡唔係俾8歲細路玩嘅遊戲卡咩？」~ 點知一經鑑定，呢堆Pokémon卡竟然總值38到39萬美金（約港幣300萬）！？ 老闆一聽完卡片價值之後，即刻O哂咀！ 原來係因為當中有好多張BGS鑑定10級加持（最知名卡片鑑定公司，以出名嘅嚴苛享譽業界）嘅卡片，全球唔超過50張嘅「10級卡片」，呢個男人手上竟是有10張！ 其中最人氣、經典的角色之一嘅「10級初版噴火龍」遊戲卡，可以講係全球只有一張！價值約5到10萬美金（約港幣40萬至80萬）~ 只能說，小編同老闆一樣眼拙，到底咩人先有錢玩咁貴嘅玩具呢？ Source ：youtube @ Pawn Stars =============== 放假去邊 更多好介紹: 快啲like我哋Facebook 同follow我哋Instagram啦!
Cosplay 見唔少， 咁恐怖嘅cosplay你又有冇見過？ 日本網友「いくら」係超級伊藤潤二迷， 佢嘅願望係希望住進伊藤老師的世界入面， Cosplay嘅角色同伊藤潤二嘅漫畫一樣咁恐怖… 無論眼神、頭髮、可怕表情，甚至係道具都完美還原！ 只有眼白嘅眼睛，望耐咗有種毛骨悚然嘅感覺，好似下一秒就會突然張開眼嚇我T 面上嘅血跡紋路全部一樣！對眼到底點先可以還原度高到咁… 臉上血跡斑斑，加埋沾滿鮮血嘅衫，半夜見到真係會嚇餐死… 凸出嚟嘅眼球，加埋笑容嘅弧度，簡直係從漫畫入面走出嚟！ 完美還完到根本分唔出係漫畫定真人… 將原本漫畫誇張又極致恐懼嘅神情，徹底表現出嚟，真係超犀利啊~~~ 亂飛嘅眼珠、邪惡嘅表情，只要伊藤潤二畫得出嚟，佢就有辦法COS成功~~ 一人分飾兩角，後面嗰個根本喺漫畫入面走出嚟~ 假如伊藤潤二嘅作品要拍成電影，一定要搵佢做女主角啊~~ 嗚嗚嗚小編邊寫邊驚到震，今晚可能訓唔著喇TT Source : twitter@mamakiteru =============== 放假去邊 更多好介紹: 快啲like我哋Facebook 同follow我哋Instagram啦!
內地興共享， 有共享單車、共享KTV、共享尿袋， 估唔到連男朋友都有得共享！？ 南京一間商場為慶祝三八婦女節，推出租借「共享男友」活動~ 市民只要掃描QR Code，支付人民幣1蚊，就可以租借一個男朋友兩個鐘~ 現場有六位男模特兒充當共享男友，平均身高都有一米八，西裝look真係不得了！ 租借男友兩個鐘可以做咩？咪可以喺商場範圍內陪行街、攞袋、傾計、影相等等，有啲女仔洗一蚊只係為咗換取一個擁抱，睇你個人選擇喇~ 每位女性客人最長租用男女兩小時，最多竟然可以租兩個男朋友，左擁右抱，太幸福了吧~~ 單身女仔係咪好羨慕呢？好可惜呢個活動只限3月8號一日，希望好快有機會再租男友啦TT =============== 放假去邊 更多好介紹: 快啲like我哋Facebook 同follow我哋Instagram啦!
麥當勞中國喺2017年被中信資本收購咗之後，就將註冊名改為「金拱門」，引發大量討論同瀏覽次數，成為舊年最具宣傳效果嘅行銷 但中信資本高層最近透露當初其實係想沿用「麥當勞」呢個舊名，但可惜美國總公司唔同意，所以「一怒之下」就叫咗…金拱門！ 麥當勞要改名喎? 咁爆嘅事一班內地網民又點會放過機會，緊係要發揮無限嘅創意同想像力惡搞一番啦! 改名預想圖 金拱門叔叔? 點叫餐好呢? 除咗「金拱門」，內地網民仲幫各大國際品牌諗埋新名，真係創意無極限~ 不過中國麥當勞亦喺較早前發微博強調只是公司名稱改成「金拱門」，對外商標仍然係「麥當勞」，並無改動。 以後大家喺中國可以繼續叫「麥當勞叔叔」啦~ 圖片來自網絡 =============== 放假去邊 更多好介紹: 快啲like我哋Facebook 同follow我哋Instagram啦!
