今次介紹呢間餐廳主打日本定食~ 推介慢煮封門牛柳定食！牛肉軟嫩juicy~定食仲有配紫薯蓉，米飯同湯。 一啖牛肉一啖飯，好正~ 蒲燒鰻魚味噌炒蛋定食，味噌炒蛋幾特別~分量就較細份~ 咖啡用木盒裝幾特別~ 仲有意粉，石燒吉利牛扒等食物選擇~ hōmu by favilla 地址：荃灣青山公路荃灣段398號愉景新城2樓2013號舖 圖片來源：@poorjjfoodie
上環又有美食又有靚景，一向都係覓食好地方！ 今次就同大家推薦上環三間高質嘅餐廳，全部都係食東南亞菜～ 睇吓邊間啱你心水？ 1. Lee Laksa 新加坡喇沙 ($82) 係餐廳嘅招牌菜！湯底用咗南薑、蝦米、桂皮等10幾香料炮製超過5個鐘！ 超級濃郁！微辣得嚟帶有椰香，真心好好好好食！ 材料超豐富，絕對值食！連鮮蝦都有4隻～ 彈牙米線、豆卜、魚片、魚蛋… 吸晒湯底濃郁香味～ 另外仲試咗餐廳另一推介 李派海南雞飯 ($88)！ 份量都幾多！勁多雞件、油飯，仲有碗冬瓜湯～ 海南雞皮薄肉嫩，配黑醬油、雞油飯簡直一流！ 油飯都算幾入味、唔會過份油膩，依然keep到米粒分明～ 而小編最鍾意嘅係 檳城蝦麵 ($86)！湯底嘅蝦味係極級濃郁！ 啖啖飲落都好鮮甜、好重蝦味，但飲晒都完全冇口乾～ 份量同樣好足～ 重點係佢哋用咗油麵+米粉，夠晒正宗！ Lee Laksa 地址：上環皇后大道中302號地舖 電話：2265 8999 2. 泰館 泰館係上環其中一間人氣餐廳，小編當日就襯晏晝少啲人嘅時間，去試吓佢個Lunch～ Menu選擇唔算多，以傳統泰菜 (例如炒金邊粉、泰式咖哩等等) 為主，所以就揀咗佢嘅 泰式黃咖哩雞 ($148)！ 肉質好嫩滑，輕鬆可以撕晒雞脾啲肉落嚟！ 而且咖喱夠晒濃郁惹味！小編表示好想配白飯啊… 可惜價錢有少少貴… 套餐唔包飲品、唔包飯/麵… $148只有兩隻雞脾、幾件薯仔+青瓜 🙁 泰館 地址：上環上環蘇杭街23號地下 電話：2234 0080 3. 越蘆越南牛肉粉 食越南菜就梗係要試生牛河！餐廳主打嘅 越南牛肉粉 ($72) 份量十足，有齊生牛肉、牛腩片、牛丸、牛柏葉… 湯底惹味醒胃，牛肉味香濃～配埋滑溜河粉食，味道都幾正宗！ 不過小編最鍾意嘅係 […]
