• Mon. Jun 1st, 2026
    • '

    Tag: 香港好去處

    【香港】迪士尼公主華麗現身旺角！5 米高「奇妙夢想城堡」裝置+期間限定店｜香港玩樂｜放假去邊

    「Disney Ultimate Princess Celebration 迪士尼公主巡禮」活動由 7 月 8 日至 9 月 5 日於 MOKO 旺角新世紀廣場舉行。 14 位迪士尼公主與女王塑像華麗登場！MOKO 活動場內設有近 5 米高參照「奇妙夢想城堡」製成嘅華麗裝置，係首個展示於香港迪士尼樂園以外的城堡主題裝置！ 襯托著各位公主及女王的塑像，發放著充滿愛、勇氣及熱情正能量！，配以特別燈光效果而製嘅裝置，各位迪士尼粉絲打卡必到！ 同場還有 MOKO 新世紀廣場獨家限定的「公主美妝系列」粉絲們必定滿載而歸！   場內更設有迪士尼期間限定店，發售香港迪士尼樂園精品及過百款全新迪士尼公主主題精品，部分更由台灣，日本及英國空運直送！ 一眾小朋友更可於「小小公主變身趣拍站」化身成為心愛的迪士尼公主，影低動人照片，感受夢想成真嘅一刻！ The Point by SHKP 會員憑指定積分或於場內消費滿指定金額，及即場追蹤社交媒體專頁，更可換領多款迪士尼主題禮品， 包括「愛莎主題紙 袋 DIY 套裝」、「奇妙夢想城堡主題相架 DIY 套裝」、MOKO 獨家換領「迪士尼公主徽章」、「小 小公主變身趣拍站」拍照名額或「香港迪士尼樂園一日標準門票」。 除以上活動外，MOKO 更會舉行「神秘魔鏡王子見面會」，見面會前讓大家透過不同線索找尋萬人迷，更有機會與王子親身於 MOKO 會面，展開你哋嘅奇妙故事！敬請密切留意！ 活動詳情： MOKO 新世紀廣場「Disney Ultimate Princess Celebration｜迪士尼公主巡禮」主題活動 日期：2021 年 7 月 8 […]

    author

    【香港】坪洲古蹟秘密花園！牛皮廠特色打卡位/藝術空間｜香港玩樂｜放假去邊

    唔知大家平時會唔會去下離島玩呢？相信大家都坪洲都頗為陌生，唔知大家對坪洲牛皮廠有冇認識呢？牛皮廠於2010年已被古蹟辦事處評定為「三級歷史蹟」，曾經淪落為廢墟嘅牛皮廠，入面有好多大型藝術裝置，多半以可回收廢物組成，仲有多幅塗鴉藝術壁畫，呢度真係打卡一流，又可以欣賞下藝術空間，即刻睇有咩打卡位喇！ 小編就覺得最靚係呢個位置，多盞透明波波組成。 由多把雨傘組成嘅藝術裝置，非常特別！ 呢度寫上 Fuck Corona ，同埋哲古華拉戴著口罩嘅頭像。 大家可以帶埋自己嘅寵物嚟可以放電、輕鬆下。 同埋附近嘅餐廳都十分歡迎寵物內進。   坪洲秘密花園 地址：坪洲永安街21號地下 時間：10:30-19:00 交通：中環6號碼頭 圖片來源：@eat_zzz_fly、@ritalwy、@tenyearstraveling、@themilosodahersheydiaryhk

    author

    【香港】愛麗絲奇幻派對登陸元朗！18呎高兔子洞/5.5米仙境隧道/魔幻茶杯！｜香港玩樂｜放假去邊

    迪士尼經典動畫《愛麗絲夢遊仙境》場景登陸元朗YOHO MALL，適逢今年呢部經典70週年，商場將多個經典角色塑像登場打造十大打卡位，愛麗絲迷切勿錯過！當中仲有18呎高奇幻兔子洞、5.5米長時光仙境隧道、瘋帽子魔幻茶杯、3.5米高大紅花映襯紅心皇后、戶外撲克牌士兵架勢列陣紅心皇后花園。愛麗絲 、 瘋帽子 、 白兔先生 、 妙妙貓 、 對對的及對對得 這 對 雙胞胎兄弟 、 紅心皇后及撲克牌士兵們嘅大型塑像都會喺現場俾你影相打卡！ YOHO MALL I 中庭 – 愛麗絲童夢光影仙境之旅，於18呎高嘅帽子主題裝置親睹主角愛麗絲即將墮進「奇幻兔子洞」嘅一刻！ 5.5米長嘅時光仙境隧道，走進隧道則會看見「對對的」及「對對得」 雙胞胎兄弟喺隧道分叉點議論紛紛。 神出鬼沒嘅「妙妙貓」為大家準備咗茶飲魔法，快來親嚐奇妙滋味。 「瘋狂茶聚」，精神錯亂嘅瘋帽子誠邀各位出席瘋狂茶聚，齊齊踏進巨型茶杯。 「紅心大擊門」，3.5米高嘅大紅花與紅心皇后來個甫士大比併。 3.5米高嘅紅白撲克牌士兵守護下寫意欣賞燈海，共享動人時光。 撲克牌士兵兵團嚴肅地於兩旁列陣，要通過長廊到達瑰麗花園絕對不能掉以輕心。 於紅白玫瑰花海打卡牆前與愛麗絲欣賞奇花異草。   愛麗絲夢遊仙境70週年奇幻派對 展覽日期：2021年7月10日至8月29日 展覽時間：10:00-22:00 地點：YOHO MALL I中庭、YOHO Urban Farm及II 中庭 免費開放

    author

    【香港】上水超靚小野菊花海！佔地四個足球場咁大！｜香港玩樂｜放假去邊

    夏天梗係要同陽光玩遊戲喇！上水安圃村附近盛開一大片小野菊花花海，佔地面積有四個足球場咁大，絕對影相打卡好去處喇！不過如果大家都想影得開心，小編就提提大家要帶齊蚊怕水、風扇仔同水，以免不時之需！ 趁花兒盛放，大家係時候遠離城市，去番郊區感受下大自然。 去呢啲地方帶飯頂草帽、著裙仔同拎埋個野餐籃做道具就一定唔會錯。 一大片嘅小野菊，要去到郊區先見到，趁繁花盛放，大家記住要把握機會嚟喇！   地址：上水松仔園附近 交通：上水小巴57K瑕公地站落車或上水巴士77K安圃村落車→步行15分鐘→行果安圃村公廁繼續向前行→進入小巷後步行5分鐘→見到條小徑左邊同前面都有 圖片來源IG：@pinkywu20、@dinglalalalala、@joman316

    author

    【香港】Nike藝術籃球場+粉紅天橋！石籬輕鬆半日遊！｜香港玩樂｜放假去邊

    平日大家放假都係去開啲熱門地方影相打卡，放鬆下！今次不如近近睇揀番個葵青區喇，今日同大家介紹位於葵涌石籬嘅新開全港首個結合藝術環保與運動Nike 籃球場，除咗籃球場，附近行遠小小仲會見到石籬邨隔離嘅粉紅色天橋，都係一個特色影相位。 「石籬Grind主場」結合可持續藝術元素，用上兩萬對回收運動鞋製成Nike Grind。 插畫家兼玩具設計師James Jarvis於籃球場地面上展示著他標誌性圓型公仔正在打籃球的各種動態。 Nike更特別將全球Reuse-A-Shoe舊鞋新生企劃，將會從社區收集舊運動鞋，轉化成有用物料，並透過藝術作品甚至其他形式，賦予舊運動鞋新的生命。 石籬GRIND主場 開放日期：2021年6月25日 (星期五) 地址：新界葵涌圍乪街6號石籬商場一期天台 嚟到嘅時候不妨試下行出天橋以外嘅地方，先可以影到天橋嘅外形。 全條天橋都係粉紅色，絕對稱得上全港特色天橋之一。 石籬粉色天橋 地址：石籬邨石泰樓附近 圖片來源：@nikehkg、@jamesjarvis、@emily_0224

    author

    【香港】鯉魚門三家村一日遊！廢墟石礦場輕鬆打卡｜香港玩樂｜放假去邊

    如果大家都想去到鯉魚門石礦場，就必須穿過三家村先可以到達目的地，石礦場位於三家村嘅深處，荒廢之後嘅鯉魚門石礦場絕對係近期打卡熱點。地方好空曠，影日落時候都幾靚，路線簡單易去，大家假日時候不妨都可以過去行下，肚餓時候附近都有好多餐廳俾大家揀。 鯉魚門石礦場位於三家村後方，由港鐵油塘站開始走，沿茶果嶺道往鯉魚門邨方向步行十分鐘即可到達。 三家村村尾，你就會見到入口。 途徑碼頭位置，都有好多人係呢個位置影日落。 大家如果嚟嘅時候沿途記住要著鬆身衣服同波鞋，因為好多石頭路要行。 都好多人鐘意係呢個位置影相。 大家如果好彩嘅話仲會見到石頭上生滿青苔，非常特別。 石礦場遺址非常空曠，大家記著注意安全，稍有不慎容易跌落海，因為周邊並沒有任何安全圍欄設施。 圖片來源：@victoreasyhk、@HelloKathy1218、@canon_hk  

    author

    【香港】全球首個The Macallan光影藝術展！小型TeamLab打卡位！｜香港玩樂｜放假去邊

    夏天有咩做好？梗係涼冷氣就最舒服，宜家嚟尖沙咀就可以參觀全球首間The Macallan威士忌概念店，呢個展覽係由英國Pop藝術教父Peter Blake與Macallan合作，展出一系列爵士波普藝術同威士忌展。 一大片光影麥田由多盞黃色LED組成，真係好IGable啊！ 十足小型TeamLab咁啊！ 用燈束整成嘅麥穗超逼真。 大家記住影麥田時候，記住抬頭欣賞埋天花嘅LED燈海。 Macallan入面除咗有迷你TeamLab俾大家打卡，仲有其他畫作可以欣賞。 睇完迷你Team Lab 唔夠喉？不如搵埋商場其他藝術品一齊影相喇！商場內仲有一係列藝術展覽、工作坊全部都係免費入場，仲有全亞洲最高嘅巨型玫瑰藝術裝置，高達8.5米。 Isa Genzken《玫瑰 II》。 潮流界藝術家Daniel Arsham 、Alex Mustonen 共同創作嘅《THE BROKEN SERIES PINK EDITION》，展出全球獨家限定粉紅色家具藝術品。   The Macallan Anecdotes of Ages Pop-up 地址：尖沙咀K11 MUSEA Level 1，105室 日期：即日起至6月23日 時間：11:00-21:00   圖片來源:@K11 MUSEA、@themacallan_hongkong

    author

    【香港】探秘皇后山軍營印度廟！僅有蓮花形建築物！｜香港玩樂｜放假去邊

    位於粉嶺軍地嘅皇后山軍營印度廟，於1960年代興建，當時由駐守嘅尼泊爾（Gurkhas）士兵建造，該廟於2010年度被評定三級歷史建築物。印度廟與軍營內嘅建築物有一定嘅距離，為此讓人感覺印度廟有一種神秘感。 廟宇外形呈六角形皇冠形狀建築物，頂部有六個尖頂，並由12塊三角形砌成。 此印度廟為香港僅有嘅蓮花形建築物。 於2010年度被評為三級歷史建築，廟內天花呈六角形，非常特別。 有橙黃色、藍色嘅墻身組成。 仔細咁穩下周圍嘅建築物，就會見到呢塊水牌。 大家亦都可以係六角形中間嘅一點影相打卡。 交通： 粉嶺地鐵站→52B綠色小巴→布格仔落車（沿途有很多狗，怕狗人士注意）→沿布格仔路直入，見到鍾記士多轉右→公廁方向直行就見到印度廟入口處 注意： 自己垃圾自己帶走，穿著長袖衫褲 圖片來源：@tibby_chiu

    author

    【香港】零距離纜車咖啡店！仲有戶外小花園、鞦韆｜香港美食｜放假去邊

    今次推介去呢個Cafe非常特別，位於花園道纜車站側邊嘅咖啡店，仲可以零距離同纜車影相打卡，除咗室內位置之外，呢度仲有個花園仔可以俾大家坐。 咖啡店最佳打卡位，絕對係坐係窗邊，有纜車經過時候即刻影番張。 坐係窗邊食番個All day breakfast，仲配埋個龍蝦火腿忌廉通粉，真係超醒神。 菠蘿幻彩新地。 出邊個小花園仲擺放幾張座椅，仲有個小鞦韆都可以坐㗎。 玫瑰Latte同抹茶Latte都唔錯，大家都可以嗌嚟試下。 大家假日不妨都過嚟呢度放鬆下，同朋友嚟番個輕旅行~ Tram View Cafe 地址：半山䌫車徑2號地舖 電話：2323 6873 營業時間：星期一至五 11:00-19:00 ｜ 星期六至日 10:00-18:00 圖片來源：@vanessafooddiary、@melody.eathard

    author

    【香港】隱世神秘樹屋！必影奇幻打卡位！｜香港玩樂｜放假去邊

    位於大埔靈顯法院入面嘅樹屋，靈顯法院由海法師於1953年師建立而成，而樹屋就係隱藏於小靈山（靈顯法院）入面，大家前往時候切勿大聲喧嘩，始終呢個地方係屬於寺廟擁有，切勿阻礙他人參拜。另外，小編都建議大家去嘅時候穿著長衫長褲，因為附近比較多樹木，蚊蟲都會非常多。 小靈山顯靈法院。 樹屋周邊全部都係樹木。 大家可以見到樹屋已經荒廢咗好耐，剩餘幾枝柱都被樹根緊緊包住，可想而知應該好多年了。 建議番大家都係企係呢啲位置影相打卡就好喇，另注意切勿亂拋垃圾，自己垃圾自己帶走，切勿破壞環境。 雖然側邊有條小樓梯，不過都唔建議大家上去，因為荒廢多年嘅房屋可能涉及安全隱患。 全個樹屋都係比一顆大榕樹包圍。 前往樹屋地址比較複雜，大家可以根據以下呢幅地圖去搵下。 交通： 太和火車站A出口→太和廣場→錦和橋→錦石新村→沿著路牌往「蓮澳」方向→露天停車場→左邊有條小路行到最入→「咩咖探嘩哪一林寺」果度就係泰國寺→泰國寺行入去左手邊樓梯下去，就會見到樹屋。 圖片來源：Facebook@HKD、@tibby_chiu、xiaohongshu@weilthatter 資料來源：靈顯法院

    author