Open Tour
餐廳佈滿乾花，木系主題裝潢，非常適合打卡！ 店內有多款甜品 純素蛋糕（紅絲絨、伯爵茶）$54：賣相非常IGable！比較推介伯爵茶味，蛋糕口感比較偏硬身，cream有啲甜。不過配咖啡飲都幾好！ 豬柳芝士竹炭Bagel(套餐) $103：豬柳係用impossible meat，配料好豐富，分量十足！ 大啡菇、芝士及牛油果沙律 $108 Beetroot latte($44) 、Caramel Charcoal latte ($44)：latte顏色好特別，適合打卡，味道不過不失。 整體而言食物質素都唔錯，環境舒適。 齋啡 地址：尖沙咀柯士甸道154-156號花園大廈地下7B號舖 圖片來源：IG @sohyeon_sharing、@imeatstock
今次要介紹嘅新餐廳Ministry of Mussels係位於蘭桂坊加州大廈~齊集運動酒吧及餐廳於一身啱晒收工之後去Relax吓~ 見到餐廳名都有 Mussels就知呢間餐廳係以青口做主打啦~除咗唔同嘅青口菜式之外仲有好多惹味小食，想知更多就碌落去睇詳情啦！ 設有多部4K電腦直播各種運動賽事，仲有beer pong 啤酒遊戲枱比大家邊波邊Battle！ 泰式香辣鮮魷，選用本地鮮魷再加入自家製泰式甜辣醬好開胃！ 主打多款口味青口菜色~今次小編就試左新加坡叻沙煮青口，青口吸晒叻沙湯超惹味！ 呢到嘅煮青口仲可以自選配焗法包、法式薯條、或炸饅頭，小編就推薦炸饅頭~ 新加坡辣椒蟹意粉~ 雞全翼配自家製韓式辣醬、車打芝士或Cajun香料醬~ 火焰心太軟~ 仲有小朋友放電區！ 依家仲有暢飲優惠，一星期七日無間斷、每日下午3點至晚上7點提供優惠優HK$80享用精選紅白餐酒乙杯或是烈酒乙杯、HK$75享用精選啤酒乙杯或HK$270享用2公升啤酒塔~ 想試嘅朋友唔好錯過喇~ Ministry of Mussels 地址: 中環德己立街30-32號加州大廈3樓
銅鑼灣呢間Pizza長期爆滿，門口長期都有人龍，傳聞係香港最好食嘅Pizza？ 小編覺得每個人口味都唔同，不過鐘意食Pizza嘅就建議唔好錯過呢間啦！ 呢間Pizza好足料，餅底鬆軟又煙韌，價錢都合理，幾抵食！ 香蒜芝士焗麵包($138)：呢個係店內招牌，蒜味香濃，同一般蒜蓉包唔同，配上芝士味道更加濃郁，口感更豐富！ 山洞人啖啖肉 ($198)：Pizza係用火爐燒，所以好香口。加上採用酸種麵團，食落鬆軟。大大塊又足料！ *Pizza可揀雙拼，咁就可以試多隻味， 除咗Pizza，意粉都值得一試！ 意大利雞肉茄醬意粉($148)：意粉掛汁，口感啱啱好，調味適中。 Mother of Pizzas 地址: 銅鑼灣禮頓道13-19號地舖 圖片來源：IG @food_stoppp @motherofpizzashk
入到去，餐廳嘅熱帶島嶼設計營造出一種悠閒的氛圍，好似去咗旅行咁！ Momo Platter 饃饃拼盤 (HK$168)：Funky Monkey嘅招牌菜之一，饃饃（Momo）係由麵粉和肉餡製成嘅尼泊爾餃子，普遍以清蒸手法烹調，非常受當地人歡迎。而Funky Monkey饃饃拼盤則集合了四種風味 – 清蒸、脆炸、香辣和香煎的饃饃。各有特色，外皮輕薄，內餡飽滿！ Sekuwa Chicken 尼泊爾燒雞肉 (HK$75)：雞肉香料味濃郁，配上香辣嘅醬汁，幾惹味！ Lotus Root Salad 蓮藕沙律 (HK$88)：蓮藕片香脆，味道酸酸甜甜，好開胃。 Malekhu Ko Machha 尼泊爾炸魚 (HK$78)：唔係普通魚柳，而係用多春魚，味道好香口，送酒一流。 除咗尼泊爾菜式，店內嘅cocktail都幾特別，值得一試！ Flaming Monkey (HK$128)：參考著名提基雞尾酒Zombie調製，朗姆酒極濃，飲落口就能嚐到少少果味，上檯時會有火光熊熊嘅火焰表演。 Monkey Blaster (HK$138)：最啱女仔打卡，上檯時會有泡泡，充滿少女心！味道飲落有少少辛辣，帶有果味，都幾易入口。 Funky Monkey *唔同分店供應嘅食物會有唔同，詳情請留意Funky Monkey Facebook專頁。 佐敦店 地址: 佐敦偉晴街17號地舖 營業時間: 12pm to 10pm 聯絡電話: 2469-0055 尖沙咀店 地址: 尖沙咀諾士佛臺9號冠福中心9樓 營業時間: 5pm to 10pm 聯絡電話: 6847-2018 東涌店 地址: 東涌怡東路9號灣景薈1樓101號舖 […]
