一年一度嘅「赤柱廣場 Wild West Adventure聖誕市集」」即將舉行啦！將會由12月11日起一連三個星期六、日及公眾假期盛大舉行。 有多個美食攤檔，價錢唔貴，選擇都幾多~ 呢個可以掛喺胸前嘅飲品好得意呀！ 呢間係主打日本炸雞皮+芫茜餃子 今年將以西部牛仔為主題，現場氣氛極具異國風情，廣場中央雪糕店上蓋特設2.5米高吹氣巨型木筒及氈帽，十分吸睛，歡迎大家以牛仔打扮齊來打卡！ 丹丘蒸餾所推出新嘅咖啡甜酒——淡墨，係一款無糖嘅咖啡甜酒。同香港人氣咖啡品牌Urban Coffee Roaster合作，研發出首個批次嘅淡墨。 另外都有紅酒可以買嚟聖誕節煮 mulled wine~ 呢個攤檔主打鹹味曲奇，其中蝦味曲奇係佢地主打~店主話食完返唔轉頭，會深陷其中，不能自拔~有興趣嘅朋友都可以去試下~ 另外都有好多禮品選擇可以買，包括果醬配咖啡禮盒，果仁，聖誕糖果同朱古力，竹製杯套裝，飾物等等 小編私心推介呢間Slowwood，有多款可愛貓貓木製飾物~包括耳環，頸鏈等等~價錢都相宜，買嚟聖誕節送俾朋友都好啱噶！ 仲有多間人氣餐廳、咖啡店進駐，當中包括Blue Bottle Coffee、2020年全球最佳漢堡Honbo、IG人氣甜品店Infinity C by October、LIFETASTIC、廿一由八pantry等等…… 最重要係有免費車船接載~由金鐘、筲箕灣及香港仔直接往返赤柱。 各位入場顧客如果喺赤柱廣場、美利樓及赤柱聖誕市集內消費滿1,000元，即可換領限定版狂野仙人掌玻璃杯。數量有限，先到先得， 換完即止。 於2021年12月11、12、18、19、24-27日，大會將安排免費穿梭巴士及渡船往返赤柱廣場及港島各區，詳情如下： 免費穿梭巴士* 候車地點 及 服務時間 及 班次 : 金鐘 港鐵站A出口海富中心對開位置 中午12時至晚上6時，每30分鐘一班 愛東商場 愛東商場正門對開位置 下午3時至晚上7時，每60分鐘一班 赤柱廣場 (往金鐘) 赤柱廣場五樓平台 下午2時至晚上9時30分，每30分鐘一班 赤柱廣場 (往愛東商場) 赤柱廣場五樓平台 下午3時至晚上9時，每60分鐘一班 免費穿梭渡輪* 候船地點 及 服務時間 […]
