繼小熊維尼之後，午後紅茶又再出招，今次被困喺樽入面嘅係大鼻與鋼牙! 由2020年9月19日起喺台灣7-11便利店就可以搵到佢哋喇~ 呢次嘅合作限定可以話係可愛度爆燈，同2018年版唔同嘅地方，除咗係增加森林風可拆式小配件「蘑菇小帽」同「樹洞」之外… 原來公仔手嘅部份仲加入咗隱藏磁石，方便大家可以將大鼻鋼牙佈置喺辦公室入面。 快啲同大鼻鋼牙一齊享受療癒嘅下午茶啦~ 大鼻與鋼牙 x 午後紅茶 發售日期：2020年9月19日起 地點: 台灣7-ELEVEN 售價：台幣$259 (數量有限，售完為止)
繼上次7-11喺台北推出「Snoopy主題聯名店」後， 台中都有另一間主題聯名店喺幾日前粉墨登場，就係「Sanrio主題聯名店」！ 今次嘅主題店坐落喺年輕人與遊客聚腳嘅西門町商圈，以Saniro為主，一眾角色如Hello Kitty、Melody、Little Twin Stars、蛋黃哥、布丁狗等齊齊出動撐場！ 未入到店鋪前，你已經會被佢個個高達230cm嘅大型玻璃櫥窗吸引著，因為粉色嘅外牆上喺塞滿Sanrio公仔嘅櫥窗，令人見到就好想即係攬佢地返屋企！ 今次嘅聯名店同樣採用「複式店」嘅設計，超過70坪嘅空間既係一間便利店同時亦係週邊商店，並設有子母店~ 就連便利店嘅裝飾都係粉嫩粉嫩，Counter位置下方會印有角色嘅大頭，望住你消費XD 一貫7仔嘅傳統，便利店內有售嘅飲品、關東煮等容器都會印上唔同角色嘅圖案，一路食都食得開心啲！ 而便利店嘅入口位置其實仲有呢隻高170cm嘅大門神Kitty歡迎你，可以順便同佢打個卡、影靚相！ 就連天花都唔放過！ Kitty、布丁狗、Kuromi嘅大頭喺天花上閃耀，超搶眼~ 而冷凍櫃嘅位置就以彩虹色設計，色彩繽紛令人感覺好開心、好young！ 最後當然唔少得擺放週邊嘅展櫃，以開放式展櫃放住多年來Sanrio推出嘅各類偶像公仔、證件包、袋仔、雨傘等，多達46款限定商品，且牆上仲有不同嘅角色裝置，相當立體可愛~ 值得留意嘅喺由即日起至2020年9月8日，只要買任何2件週邊貨品就可以享用95折，Sanrio迷要準備好啦！ 「7-ELEVEN Sanrio聯名店」 地址： 母店｜7-ELEVEN六福門市（台北市萬華區漢口街二段73號） 子店｜7-ELEVEN欣漢華門市（台北市中正區中華路一段41號1樓）
上次7-11推出咗兩款巨型互動遊戲「變裝三眼仔推糖機」同埋「米奇老鼠與唐老鴨對戰籃球機」 由於反應熱烈，今次佢哋再加推第二波巨型遊戲！ 以人氣經典遊戲為設計藍本，分別有「手指拳撃機」同埋「氣墊球機」，真係見到都想玩 首先介紹嘅「小熊維尼手指拳撃機」以黃色為主，好搶眼！ 拳撃機最啱幾個人一齊進行大比拼，玩家可以用手指取代拳頭，睇吓自己嘅手指有幾大力 電子數字會顯示你所分嘅分數，如果達標，就會跌出機入面嘅波波，用嚟紓壓都唔錯 波波球入面仲有小熊維尼貼紙，好得意 隨機更會附送「任務卡」同「懲罰卡」各十張，刺激好玩！ 小熊維尼手指拳撃機 換購價$299；零售價$499；預購價$299 換購日期：7月22日早上7時至8月4日 預購日期：7月22日早上7時至8月4日 另一款「大鼻鋼牙對戰氣墊球機」係小編推介！ 喺遊戲機中心中最受歡迎嘅遊戲之一就係氣墊球機，超好玩 氣墊球機玩法簡單，遊戲機備有出風功能，玩家只需揮動擊球手柄，將氣墊球推入對方龍門，就會得分 你仲可以將氣墊球打向牆邊令到佢反彈，增加樂趣！ 每個氣墊球機都會附有2個擊球手柄同2個氣墊球，另外單獨使用電池8粒AA電池，方便易用 大鼻鋼對戰氣墊球機 換購價$249；零售價$449；預購價$249 換購日期：7月29日早上7時至8月4日 預購日期：7月29日早上7時至8月11日
召喚一眾鍾意三眼仔＋米奇老鼠＋唐老鴨嘅朋友！ 迪士尼推出兩款巨型互動遊戲，包括有「變裝三眼仔推糖機」同埋「米奇老鼠與唐老鴨對戰籃球機」， 兩款巨型互動遊戲即將登陸 7-11啦 只需於7-11分店購物滿$20^，即可選擇以換購價換購或零售價購買呢兩款遊戲，另外亦可以預購 「變裝三眼仔推糖機」上印有 Cosplay Pixar 各個角色造型嘅三眼仔，好得意 推糖機有「硬幣」提供，將「硬幣」放入去推糖機度，就會開始計時～ 你需要喺限時內透過控制操縱桿，將小飾物撈到推盤上，令佢哋跌落獎品台，就完成任務啦！ 變裝三眼仔推糖機 換購日期:7 月 8 日早上 7 時至 8 月 4 日 預購日期:7 月 8 日至 7 月 21 日 換購價$399；零售價$599 如果你鍾意籃球，你一定要試玩「米奇老鼠與唐老鴨對戰籃球機」 米奇老同鼠唐老鴨以運動裝示人，畫面經典又得意！ 籃球機可以支援二人對打，有自動計分功能，仲有音效，刺激好玩 每邊都有兩個籃球，可以一較高下！ 米奇老鼠與唐老鴨對戰籃球機 換購日期:2020年 7 月 15 日早上 7 時至 8 月 4 日 預購日期:2020年 7 月 15 日至 7 月 28 日 […]
台灣7-11推出一系列實用又可愛嘅迪士尼商品，fans一定要留意！ 系列有超可愛嘅屁屁充電座、手提風扇同AirPods套～ 大家想買就要留意住時間預購啦！咁療癒嘅商品好肯定又造成搶購熱潮！ 呢一套迪士尼「電臀無線充電座」真係好可愛啊！ 可以將電話放喺米奇嘅pat pat度充電啊～ 維尼呢款我都想買！ 全部都係大熱嘅迪士尼卡通角色！ 史迪仔pat pat超可愛～ ============================== 好可愛啊！維尼趴喺風扇上面！ 一路吹一路望住可愛嘅維尼～ ============================== 仲有好得意嘅Chip ‘n’ Dale AirPods套！！！ 有兩款唔同size嘅形號俾你揀。 【迪士尼系列 夏日舒活3C小物】 預購地點：全台7-ELEVEN 預購期間：2020年5月20日 至 6月16日
【日本】又有新款和菓子 今次係米奇同唐老鴨 兩粒都勁可愛 食べマス Disney（ハートver.） 地點：日本7-11 發售日期：2020年8月22日起 售價：258円 網址 : www.bandai.co.jp ========== 【日本】美戰fans必定大愛 用六款水手服嚟做飲品杯 超級靚啊！ 美少女戰士摩卡咖啡 期間限定 : 2020年8月18日起 地點 : 日本Lawson ========== 【日本】名偵探柯南和菓子 Q版好得意！我想放佢哋喺屋企裝飾，多過食咗佢喎 食べマス 名探偵コナン 地點：日本7-11 發售日期：2020年4月25日起 售價：258円 網址 : www.bandai.co.jp ========== 【日本】召集鬆弛熊fans 日本又出新款和菓子，今次仲有埋鼻窿雞添啊 食べマス リラックマ 2020 地點：日本Lawson 發售日期：2020年4月28日起 售價：264円 網址 : www.bandai.co.jp ========== 【日本卡樂B】鹽味極厚薯片 比起普通版厚多3倍，但依然keep住脆卜卜 薯片迷不能錯過！ ポテトデラックス マイルドソルト味 期間限定：2020年4月13日起東京開始發售／預計2020年底日本全國上架 售賣地點 : 日本各大超市及便利店 […]
2018年1月，台灣7-ELEVEN推出咗無人店「X-STORE」， 喺市場上非常轟動，最近再次推出「X-STORE 3」，有更高嘅智能化，甚至加入咗酒吧同咖啡館！ 新嘅「X-STORE 3」位於高雄三多商區，以全新嘅「智能化複合店」面世， 希望以全智能方式為顧客帶嚟各方面嘅服務~ 當然最基本嘅係會有智能化嘅零售便利店 而今次最受矚目嘅就係新加入嘅複合店運作模式， 有咖啡、閱讀、烘焙、啤酒等嘅自助服務提供~ 店面除咗以上嘅自助體驗區，仲會加上7-11早前新出嘅店型「Big 7複合店」~ 呢個「BUCKSKIN Beer複合店」，酒吧區會賣Wheat beer（德式小麥啤酒），同埋三月鮮釀啤酒；店入面仲有得坐，可以極嘆咁享受飲酒~ 一間店可以滿足哂唔同嘅需要，都真係幾正，會去高雄嘅朋友留意吓啦，可以去體驗吓！ 「X-STORE 3 星海灣門市」 地址：高雄市前鎮區林森三路1號 營業時間：X-STORE自助體驗區24小時、「Big 7複合店」07:00-23:00
唔知大家有冇聽過台灣超大型嘅氣球遊行？ 今年大氣球遊行將會以全新面貌亮相，已經係自2006年起舉辦第14屆~ 「2019 7-ELEVEN OPEN！大氣球遊行」將會喺12月14日高雄時代大道舉行，到時就會有20幾個卡通大氣球、過千個表演單位一齊喺街到浩浩蕩蕩咁遊行~ 「OPEN！家族」係台灣7-11嘅吉祥物，每年7-11氣球遊行都一定有佢地嘅身影！ 「OPEN小將」係7-11最大代言人，喺台灣最受歡迎~ 「LOCK小醬」係OPEN嘅最大對手 呢隻「小桃」粉粉嫩嫩咁好可愛~ 睇唔睇得出其實係一隻可愛嘅天竺鼠，叫「小竹輪」，後面仲有大家都熟悉嘅Hello Kitty 除咗「OPEN！家族」之外，亦有其他高人氣嘅卡通人物，例如P助同兔兔~ 仲有超經典嘅大型史努比！ 遊行當然唔少得表演，今年嘅活動主題係「DANCE OPEN！THE WORLD」， 遊行前將會舉辦「麥香街舞大賽」，市民事前可以喺7-ELEVEN APP投票，票選出12組人氣街舞團體，喺活動當日表演~ 下午嘅遊行結束，仲會有夜間舞台帶來各式各樣表演，更加會有台灣勁舞男團C.T.O為大家大展舞技~ 就算冇去過，小編都已經預想到當日節目精彩，氣氛會係幾咁熱鬧！好想去！！ 「2019 7-ELEVEN OPEN！大氣球遊行」 日期：2019年12月14日 (六) 時間：2pm-10pm 地點：高雄時代大道 資料來源：台灣 7-ELEVEN
好多人都中意啫喱個種煙煙韌韌嘅口感， 韓國7-11最近就推出提子啫喱，圓碌碌嘅外形可愛得嚟，似十足真嘅提子~ [instagram photo=”B2vRu_BhuGk”][/instagram] 啫喱有兩種包裝，第一種就係用膠杯裝住嘅 [instagram photo=”BvgLOPFF3nw”][/instagram] 第二種就係包裝成一串提子咁~ [instagram photo=”B3OSi_VAff9″][/instagram] 值得留意嘅係，呢啲提子唔係就咁食㗎，而係要吉穿佢㗎！ [instagram photo=”BvYhq-WFg2U”][/instagram] 或者其實啫喱咁出名嘅原因就係因為要整穿佢，好多人都以咬穿/拮穿佢地為樂XD 小編之前都食過類似嘅啫喱，好難拮穿，拮到支牙籤倔埋都未穿… 大家有興趣可以到韓國7-11買嚟玩下、食下XD 資料來源： 韓國7-11