• Mon. Jun 1st, 2026
    • '
    HomeHello Kitty (Page 2)

    Tag: Hello Kitty

    日本舞妓風Hello Kitty主題套房正式登場 僅此一間！｜日本旅遊｜放假去邊

    最近京都京町家住宿「レジステイ錦」(RESI STAY錦)推出咗Hello Kitty主題房啊！ 係由擁有京都80年歷史嘅町屋改建而成～ 呢間Hello Kitty主題客房真係好令人期待㗎！ 由房間嘅牆身、地板、浴室、衣櫃等，都可以見到舞妓風格嘅Hello Kitty圖案！ 想打卡真係唔可以錯過每一個角落啊！ 不過Hello Kitty主題房僅此一間， 如果大家喺疫情過後想去嘅話，咁就記得預早Book房喇！ レジステイ錦 (RESI STAY錦) 地址：京都府京都市中京區菊屋町 521 詳情：㩒呢度 [map url=”https://www.google.com/maps/embed?pb=!1m18!1m12!1m3!1d3268.0464724590747!2d135.76127881519733!3d35.00554178035728!2m3!1f0!2f0!3f0!3m2!1i1024!2i768!4f13.1!3m3!1m2!1s0x60010890dd05a7a5%3A0x8c429d5913d304c3!2sRESI%20STAY%20Nishiki!5e0!3m2!1szh-TW!2shk!4v1609599103327!5m2!1szh-TW!2shk”][/map]

    author

    【台灣】食得落肚嘅Hello Kitty造型包！必試爆漿朱古力加珍珠內餡｜台灣美食｜放假去邊

    台灣嘅「Hello Kitty」迷有福啦！ 最近台灣7-11開始畀大家預購呢款新上架嘅「Hello Kitty朱古力珍珠造型包」 以Hello Kitty可愛大頭模樣做外型，配上爆漿朱古力同珍珠內餡 無論係口味定係外型都係人氣之選！ 呢款Hello Kitty造型包印上咗Hello Kitty可愛表情，加埋橢圓形臉蛋，真係還原度十足！ Hello Kitty嘅招牌紅色蝴蝶結勁搶眼，俘虜咗一班Kitty粉絲 除咗外型啱哂用嚟打卡之外，呢個包仲好有「內涵」 一搲開個包就有熱騰騰嘅爆漿朱古力流出，仲加埋甜甜珍珠 呢個口味嘅包真係又甜蜜又邪惡，令人流哂口水！ 朱古力珍珠口感勁Q彈，口感極佳，當做下午茶或者甜品都好OK 呢款咁吸引嘅「Hello Kitty朱古力珍珠造型包」已經可以喺台灣7-11預購到啦 而且仲有以粉色做主題嘅禮盒裝，一盒4個，而且外型得體又可愛，做嚟送禮都唔錯 大家係咪好羨慕台灣嘅朋友呢！？ Hello Kitty朱古力珍珠造型包 規格：65公克/個X4，共260公克 售價：280台幣/盒

    author

    【香港】7-Eleven推出限量版Sanrio小夜燈！Hello Kitty、My Melody大頭款勁可愛｜香港購物｜放假去邊

    香港7-Eleven又同Sanrio合作啦！ 今次會推出限量版Sanrio LED 感應小夜燈，令人少女心爆發呀 小夜燈有 Hello Kitty 同 My Melody 兩款大頭造型 ，有聲控或觸控功能，超實用 兩款夜燈嘅感應功能並唔同 Hello Kitty 小夜燈有 3 段式聲控感應，而 My Melody 則是 3 段式觸控感應， 兩款小夜燈底部亦設有「ON」、「OFF」同埋「SENSOR」鍵， 方便大家使用！ 當「ON」鍵開啓時，感應燈發光至約 10 分鐘後就會自動關閉，咁就唔怕臨瞓前唔記得熄燈啦 當「SENSOR」鍵開啓時，就可以使用感應調節 3 段 LED 亮度，配合你唔同嘅需要 「Sanrio LED 感應小夜燈」採用柔軟矽膠物料製造，易清潔而且不黏塵， 又可愛又易用！ 「Sanrio LED 感應小夜燈」換購詳情： 由即日起至 2021 年 1 月 5 日， 顧客於 7-Eleven 分店購物滿$20即可享印花 1 張，其後每$10 可 獲多 1 張印花，如此類推 […]

    author

    【香港】荔枝角都有POP MART HONG KONG ROBOSHOP啦！仲有香港首次亮相嘅DIMOO紙盒太空人大型公仔｜香港玩樂｜放假去邊

    知名ART TOYS潮牌POP MART ROBOSHOP終於登陸荔枝角D2 Place啦！ 今次ROBOSHOP雲集咗10幾位海內外頂尖設計師嘅原創作品， 有MOLLY、PUCKY、LABUBU、DIMOO、INSTINCTOY，真係好吸引！ 而且仲有好多跨界合作品牌嘅的盲盒玩具， 如DISNEY、SESAME STREET、HELLO KITTY、火影忍者，Fans一定唔可以錯過 而且仲會展出首次喺香港亮相嘅DIMOO紙盒太空人大型公仔 同埋一直深受大家喜愛嘅PUCKY馬戲團大型公仔，大家可以盡情影相打卡 依家買滿指定盒數仲會送DIMOO行李牌同PUCKY小錢包，大家一定唔可以錯過   POP MART HONG KONG ROBOSHOP 日期: 2020年11月27日至2021年11月26日 地點：D2 Place二期地下The Garage入口旁

    author

    【香港】首間Sanrio Characters攀石場登場！五大角色打卡位/超巨大布甸狗氣球/6.5米高滑梯｜香港玩樂｜放假去邊

    全港首間Sanrio Characters攀石場登陸鰂魚涌！ 鰂魚涌的攀岩訓練場Verm City最近同Sanrio合作，改頭換面變成勁可愛嘅首間Sanrio Characters攀石場 場內以五位人氣角色做主題，包括︰HELLO KITTY﹑BAD BADTZ-MARU（XO）﹑OSARUNOMONKICHI（馬騮仔）﹑POCHACCO（PC狗）同埋POMPOMPURIN（布甸狗） 五大角色分別打造咗超過 19 款唔同遊戲，啱哂一家大細嚟玩！ 當中必玩呢個以布甸狗做主題嘅「6.5米高滑梯」，非常刺激 除咗滑梯/攀石場，場內當然唔少得唔同角色嘅打卡位 餐廳場境可以令你同角色融入同一個空間，影相好靚 Verm City仲推出一套5款獨家Sanrio攀岩造型毛公仔同T-shirt，粉絲一定要買嚟收藏  Sanrio Characters 攀石場  活動期間：2020年11月7日到2021年5月6日 地址：鰂魚涌柯達大廈一期 4 樓 Verm City 預約網址

    author

    【香港限定】7-Eleven 聯乘Sanrio推出隨身Mini Pouch！8款人氣角色邊款你最鍾意？｜香港購物｜放假去邊

    香港7-Eleven 聯同Sanrio 推出限定嘅Sanrio characters「隨身Ｍini Pouch」 一共有8款人氣角色齊齊化身做可愛實用嘅「隨身Mini Pouch」，色彩繽紛勁得意，11月25日早上7點起就可以去7-Eleven換購！ 8款人氣Sanrio characters 包括咗Hello Kitty、My Melody、Pompompurin布甸狗 、Kerokerokeroppi、Little Twin Stars、AP鴨、XO 同埋Cinnamoroll 玉桂狗 佢哋推出咗一套8款矽膠物料嘅「隨身Mini Pouch」 矽膠質地柔軟，容易清潔，又靚又實用 今次呢個系列仲用咗夢幻糖果配色，真係令人少女心爆發 「隨身Mini Pouch」高約12厘米 x 闊約8.5厘米，背面設有拉鍊，方便大家收納唔同小物，好似鎖匙、耳筒、零錢等等 而且仲附有掛帶連啪鈕，可以勾喺手腕/手袋上，勁方便！ 而且呢一系列Mini Pouch 係香港限定款式，粉絲一定要收藏！ Sanrio characters「隨身Mini Pouch」換購詳情︰　　　　　　　　　　　　　　　　　　　 推廣日期：由2020年11月25日早上7時起至2021年1月5日 顧客於7-Eleven分店*購物滿$20#即可享印花1張，其後每$10可獲多1張印花，如此類推 推廣日期：由2020年11月25日早上7時起至2021年1月8日， 儲齊8張印花加$65，即可隨機換購「隨身Mini Pouch」2個；或儲齊5張印花加$38，即可隨機換購「隨身Mini Pouch」1個。 yuu 獎賞計劃會員專享優惠 -以7,000 yuu積分加$1，隨機換購「隨身Mini Pouch」 1個。 推廣日期：由2020年11月25日早上7時起至2021年1月5日止 獎賞有效期：由2020年11月25日早上7時起至2021年1月8日止。  

    author

    【香港】 Sanrio角色登陸馬鞍山！Hello Kitty 跳入世界名畫陪你打卡｜香港玩樂｜放假去邊

    多位Sanrio 可愛角色即將登陸馬鞍山新港城中心啦！ 馬鞍山MOSTown新港城中心首次同Sanrio合作，一齊打造「MOSTown x Sanrio characters Christmas Galleria」主題活動 今次邀請咗台灣文藝團隊Seven Apex 同Sanrio characters 大玩聯乘，Sanrio大熱角色會融匯喺多幅世界藝術大師嘅經典作品入面！ 今次展覽係全球首度合作，可愛又經典，快啲約埋朋友去打卡 新港城中心商場中庭會化身大型藝術展覽館，大家可以參觀由光影同聲音導賞嘅「星夜光影聲樂之旅」、「莫內寫意浪漫遊」、 「梵高午睡梳乎藝拍區」、「優雅印象派」同埋「大師名畫藝廊」等18幅1:1比例藝術館畫作同1件主題藝術品！ 各位可以喺作品中搵到Hello Kitty、Little Twin Stars、My Melody、Cinnamoroll 玉桂狗、Pompompurin 布甸狗、Gudetama 梳乎蛋同埋Kuromi！ 大家同時可以使用智能電話體驗AR聲音導賞，發現 Sanrio角色唔同嘅面貌，真係好吸引 「MOSTown x Sanrio characters Christmas Galleria」活動詳情 日期： 2020年11月20日至2021年1月17日 時間： 早上10時至晚上10時 地點： 馬鞍山鞍祿街18號MOSTown新港城中心L2天幕廣場

    author

    【經典聯乘】渣古 x Hello Kitty周年限定組裝模型 推SDCS系列可愛與型格俱備｜日本購物｜放假去邊

    適逢Gundam機動戰士高達40週年、Hello Kitty 45週年， 兩個超具人氣嘅明星呢年都因此有唔少Crossover， 好似之前嘅「Kitty高達模型」等等， 今次又再次推出兩款「HELLO KITTY / 渣古[SDCS]」組裝模型！ Hello Kitty與高達喺2020年共同展開咗名為「愛與和平」嘅聯乘企劃， 企劃都因此引伸出唔同嘅產品~ 而今次首先推出嘅有紅色「SDCS HELLO KITTY /馬莎專用渣古II」！ 套裝包括同比例嘅渣古II以及Hello Kitty 組裝模型， 可以將Kitty嘅頭部裝嵌喺渣古身體上，等Kitty帶上熱能斧衝鋒殺敵！ 除此之外， Kitty自身都有可愛嘅蘋果底座、配件等，基本上等於滿足你2個願望！ 至於綠色嘅「HELLO KITTY /渣古II」同樣型格， 與馬莎渣古規格差不多，不過紅色變為綠色，渣古則係攞住機槍~ 今次嘅聯乘有各種組裝方式，實在令人興奮， 預料將於2020年12月以2,750日圓發售~ 兩邊粉絲一定都係大滿足！

    author

    【德福廣場】人氣卡通中秋快閃限定店！三眼仔、Hello Kitty、LINE FRIENDS全部嚟哂｜香港旅遊｜放假去邊

    鍾意三眼仔、Hello Kitty、LINE FRIENDS嘅朋友要注意啦！！ 德福廣場由9月25日起開始，會有人氣卡通中秋快閃限定店登場 入面會有一系列全新登場嘅精品同應節食品，等你可以大買特買 呢個限定店將會以快閃形式舉行，場內仲有兩大打卡位 去影相一流 大家可以同大眼仔、毛毛、跳跳虎一邊玩層層疊一邊影相 快閃店將亦有推出全新三眼仔ALIEN REMIX自選公仔系列，真係見到都想買！ 場內有大量迪士尼精品、多款Sanrio可愛燈籠，仲有Line Friends用品 咁多人氣卡通集合哂，一定有一個啱你心意 中秋人氣卡通快閃限定店 日期：9月25日至10月20日 營業時間：中午12時至晚上9時 地點：德福廣場1期地下中央展場

    author
    Uncategorized

    日本Hello Kitty主題酒店房 淺草風情造型可愛｜日本旅遊｜放假去邊

    日本淺草東武飯店開設咗兩款超可愛「Hello Kitty Room」。 「Hello Kitty Room」有「櫻天女」同「摩登和風」2種房型。 以Hello Kitty充滿淺草風情嘅造型裝飾房間，身為Hello Kitty fans一定要嚟打卡！ 連logo都整埋，真係相當隆重其事！ 淺草東武飯店預計會喺2020年10月8日正式開幕～ 「櫻天女」主題房間以櫻花做設計，成間房都粉紅色啱哂Hello Kitty fans！ 「摩登和風」就滿日式風情，著住和服嘅HELLO KITTY好可愛啊～ 【淺草東武飯店 Hello Kitty客房】 地址：東京都台東区浅草1-1-15 開幕日期：2020年10月8日 網址：tobuhotel.co.jp

    author