Open Tour
適逢Gundam機動戰士高達40週年、Hello Kitty 45週年， 兩個超具人氣嘅明星呢年都因此有唔少Crossover， 好似之前嘅「Kitty高達模型」等等， 今次又再次推出兩款「HELLO KITTY / 渣古[SDCS]」組裝模型！ Hello Kitty與高達喺2020年共同展開咗名為「愛與和平」嘅聯乘企劃， 企劃都因此引伸出唔同嘅產品~ 而今次首先推出嘅有紅色「SDCS HELLO KITTY /馬莎專用渣古II」！ 套裝包括同比例嘅渣古II以及Hello Kitty 組裝模型， 可以將Kitty嘅頭部裝嵌喺渣古身體上，等Kitty帶上熱能斧衝鋒殺敵！ 除此之外， Kitty自身都有可愛嘅蘋果底座、配件等，基本上等於滿足你2個願望！ 至於綠色嘅「HELLO KITTY /渣古II」同樣型格， 與馬莎渣古規格差不多，不過紅色變為綠色，渣古則係攞住機槍~ 今次嘅聯乘有各種組裝方式，實在令人興奮， 預料將於2020年12月以2,750日圓發售~ 兩邊粉絲一定都係大滿足！
Little Twin Star作為人氣Sanrio明星， 最近即將會喺東京單軌電鐵上見到佢哋嘅身影啦！ 東京單軌電鐵聯乘Sanrio推出咗「Little Twin Stars列車」， 由車身至車廂內部都會換上Little Twin Stars嘅裝飾設計！ 列車已經於9月14日開始正式行駛，更有兩款唔同顏色嘅車卡， 分別係清新嘅嫩粉，同埋薄荷綠，兩者都啱晒打卡影相， 有幸坐到呢個列車心情都會好好！ 為配合特色列車嘅推出， 喺濱松町站、天王洲島站、羽田機場第1航廈站以及第2航廈站，更加會設置許願打卡位~ 除此之外，多個車站仲會喺同步發售獨家限定嘅商品！ 例如文件夾、鎖匙扣、公仔及貼紙等，全部都會加上東京單軌電鐵嘅主題，相當有心思~ Little Twin Stars列車將會行駛至2021年1月11日，粉絲記得唔好錯過！ 來源：Tokyo Monorail
鍾意Sanrio嘅朋友要注意啦！ 由大家票選最受歡迎嗁5款Sanrio characters將登陸將軍澳PopWalk天晉滙 舉辦「SANRIO CHARACTERS盛夏幸福物語」主題活動！ 今次嘅主題活動集合咗喺《2020 Sanrio Character Ranking》香港地區中勝出嘅前3位Sanrio characters 包括︰AP鴨、布甸狗同埋Pochacco 佢哋仲會聯同好友Keroppi同梳乎蛋一齊現身商場！ 場內更有全港首個以向日葵花海做主題的浪漫燈海 約埋另一半 / 閨蜜去打卡就啱哂啦 咁靚嘅向日葵花海，好似去咗日本一樣！ 同時大家都可以消費換領主題精品，將你心愛角色帶返屋企 The Point by SHKP會員只需憑指定會員積分，即可換領期間限定Sanrio characters主題精品， 包括環保輕食便攜袋、太陽花雨傘收納袋同埋田園派對手提袋 產品數量有限，換完即止 所有場內裝置要待政府放寬措施先可以正式開放供市民近距離拍照， 但商場亦已安排清潔消毒機械人於商場出入口來回清潔，同埋為夏日裝置噴灑光觸媒抗菌塗層等 確保裝置清潔安全 「SANRIO CHARACTERS盛夏幸福物語」 日期：展期至10月4日 地點：PopWalk 天晉滙各期商場 地址：PopWalk – 將軍澳唐俊街12號 (將軍澳港鐵站 A 出口) PopWalk 2 – 將軍澳唐賢街 19 號 (將軍澳港鐵站 B 出口) PopWalk 3 – 將軍澳至善街19號 (將軍澳港鐵站 B 出口) 時間：上午10時至下午10時
繼上次7-11喺台北推出「Snoopy主題聯名店」後， 台中都有另一間主題聯名店喺幾日前粉墨登場，就係「Sanrio主題聯名店」！ 今次嘅主題店坐落喺年輕人與遊客聚腳嘅西門町商圈，以Saniro為主，一眾角色如Hello Kitty、Melody、Little Twin Stars、蛋黃哥、布丁狗等齊齊出動撐場！ 未入到店鋪前，你已經會被佢個個高達230cm嘅大型玻璃櫥窗吸引著，因為粉色嘅外牆上喺塞滿Sanrio公仔嘅櫥窗，令人見到就好想即係攬佢地返屋企！ 今次嘅聯名店同樣採用「複式店」嘅設計，超過70坪嘅空間既係一間便利店同時亦係週邊商店，並設有子母店~ 就連便利店嘅裝飾都係粉嫩粉嫩，Counter位置下方會印有角色嘅大頭，望住你消費XD 一貫7仔嘅傳統，便利店內有售嘅飲品、關東煮等容器都會印上唔同角色嘅圖案，一路食都食得開心啲！ 而便利店嘅入口位置其實仲有呢隻高170cm嘅大門神Kitty歡迎你，可以順便同佢打個卡、影靚相！ 就連天花都唔放過！ Kitty、布丁狗、Kuromi嘅大頭喺天花上閃耀，超搶眼~ 而冷凍櫃嘅位置就以彩虹色設計，色彩繽紛令人感覺好開心、好young！ 最後當然唔少得擺放週邊嘅展櫃，以開放式展櫃放住多年來Sanrio推出嘅各類偶像公仔、證件包、袋仔、雨傘等，多達46款限定商品，且牆上仲有不同嘅角色裝置，相當立體可愛~ 值得留意嘅喺由即日起至2020年9月8日，只要買任何2件週邊貨品就可以享用95折，Sanrio迷要準備好啦！ 「7-ELEVEN Sanrio聯名店」 地址： 母店｜7-ELEVEN六福門市（台北市萬華區漢口街二段73號） 子店｜7-ELEVEN欣漢華門市（台北市中正區中華路一段41號1樓）
台灣嘅七仔、OK同全家便利店一齊同Sanrio推出一系列嘅造型酒，每款都超特別！ 每間唔同公司嘅便利店都有唔同款式嘅酒，梅酒、蜜桃酒、蘋果酒等等～ 而且每款嘅酒樽都唔同造型，而OK便利店嘅更加係一套有4個唔同卡通角色～ 想儲齊嘅朋友睇嚟要去哂3間便利店啦～ Hello Kitty粉紅蜜桃酒 超可愛嘅許願星酒樽已經好值得收藏，而且蜜桃酒入口香甜，女仔就最鍾意。 Hello Kitty紅茶梅酒 外型係窯化嘅手工酒樽，好有古代嘅感覺～而裡面係紅茶加上台灣青梅長時間泡浸，味道充滿茶香而且酒味甜而醇！ 全家便利商店（2020/5/6 – 7/22預購，售完即止） ==================== Hello Kitty香草天空酒 香草令酒有種清新嘅甜味，淡淡得嚟又唔會影響酒嘅本身味道！而且仲有一個可愛嘅酒杯附送，俾完錢就即刻開嚟飲啦～ 7-ELEVEN（2020/4/8 – 6/18預購，售完即止） ==================== Sanrio Characters花草酒四入禮盒組 一套有4個唔同卡通角色已經好值得買～而且4款卡通4種唔同味，Hello Kitty係櫻花酒，Melody係玫瑰酒，little twin stars係紫薰淡酒，布丁狗係香柚酒～飲又好儲又好都一定要買啦！ Hello Kitty芙蓉蘋果酒 蘋果造型酒樽嘅蘋果酒，加上芙蓉花增加花香味，用嚟送俾朋友都好大方得體！ OK便利店（2020/3/30 – 6/15預購，售完即止） ==================== Sanrio造型酒 地點: 全台七仔、OK、全家便利店
相信大家對可愛嘅布丁狗都唔會陌生， Sanrio眾多卡通人物當中人氣高企， 但日本一個twitter網友竟然將佢煮咗嚟食… 布丁狗迷慎入！！！ 推主「地獄」(@narok___) 用麵粉搓成布丁狗嘅身體，內裏塞入麵、肉等配料，整成一個「布丁狗餃子」~ 下一步已經準備將布丁狗推去送死！ 落鑊嘅布丁狗喺熱油當中好快就變到紅卜卜… 本当にただの拷問になってしまってポムポムプリンに申し訳ない。 pic.twitter.com/vAdrjAvL9M — 地獄 (@narok___) 2019年9月4日 啊，好殘忍，炸到布丁狗血肉模糊… 上菜！仲要特登將伴碟擺靚靚 一刀切開，見到滿滿嘅餡料湧出嚟 其實撇除殘忍嘅烹煮過程，相信應該都幾好食… 小編睇完心理陰影+100，真係要講返句「怎麼可以吃狗狗」~ 來源： Twitter @narok___
日本Sanrio推出咗一系列超可愛嘅卡通大頭拖鞋！ 最特別係當你每行一步佢哋耳仔都會跟住郁～ 一路行睇住佢哋耳仔不停上下擺，咁可愛真係好想買返對啊！ 一共4款拖鞋都搵嚟耳仔大嘅卡通角色～ 除咗玉桂狗，當然唔少得Melody啦～ 連好少登場嘅PC狗都有啊！！ [instagram photo=”B8nMorTF6x_”][/instagram] 好可愛啊！我會想不停係屋企行路～ 新出嘅眼訓系列公仔都好得意～ 攬住嚟訓就啱哂～ 而呢款受傷系列更加係可愛到爆！ 好想買哂佢哋全部返屋企啊！！ sanrio大耳卡通拖鞋 售價：2,500円/套（含稅） sanrio眼訓卡通公仔 售價：2,530円/套（含稅） sanrio受傷卡通公仔 售價：2,200円/套（含稅） 網址：cocode
