意外嘅野，就係意料之外 就算你做足準備，不幸之神睇中你，你都係避無可避… 1. 唔記得帶轉插 通常發現唔記得帶轉插嘅時候…都係已經到咗酒店, 整理行李嘅時候…. 而呢啲時候, 通常都好難諗…可以去邊度買轉插!! rest in peace 電話+相機+尿袋+Wifi蛋 等等… 2. Miss咗尾班車 玩得高興、買得盡興嘅時候最易中招！ 「Oh no, 我哋miss咗尾班車呀!!」 可以點? 唯有挨貴的士返去啦… 3. 掃完貨發現買貴咗 呢個好用! 嗰個香港無! 呢個啲人話一定要試! 買買買買買…. 買完之後發現…行多幾步間舖賣得平啲 小編通常採取『阿Q』戰術，濕平之後永遠唔再格價… 4. 同朋友失散咗 『我哋陣間喺度等!』 我就到咗啦…朋友，你在哪…?? 如果遇上電話無電，又或者無network 係咪諗起都悲劇呢? 5. 相機突然壞咗 雖然小編唔係乜野都要影餐飽嘅人…但旅行當然會想影吓相，留個紀念 (同埋要打卡㗎嘛 you know~) 相機壞咗已經夠心痛… 旅行中途壞咗就真係揼心口! 成個trip都無心機!! 6. 一人遊, 無人幫手影相 無錯…當你睇到我每張相都係咁大頭嘅時候 就知道…係無人幫我影相… 一人遊的確係好自由好梳乎~ 但都好寂寞… 7. 食錯嘢…唔舒服 what?! 做乜要揀喺呢個時候唔舒服呢!!! 我仲有好多嘢要食㗎!! 公平咩! 8. 去到景點, 先發現佢今日休息 呢個就係唔做定功課嘅後果… 山長水遠, 終於搵到個景點啦!! 點知…佢今日休息?! 真係乜mood都無哂… 9. 行李過重 買買買買買、 買買買買買硬? 買咁多，有無考慮過你個喼嘅感受? 沒有，因為你只想到你自己。 […]
