最近日本天馬航空同Pokémon合作， 聯手推出「飛翔比卡超計劃」（そらとぶピカチュウプロジェクト）！ 一連串宣傳推廣活動，相信一定會吸引Pokémon粉絲嚟朝聖！ 而當中最受觸目嘅一定係限定彩繪機！ 鮮黃色為主嘅機身超搶眼！ 官方以沖繩為地標，航線往返那霸或下地島機場～ 仲特登為乘客設置限定比卡超自動報到櫃檯，好可愛啊！ 細心嘅朋友應該留意到登機證上面， 印著用黃色線條勾劃而成嘅比卡超圖案，真係要好好收藏先得！ 如果行李上有易碎物品，地勤職員仲會貼上以「精靈球」為造型嘅標籤， 好想要！！ 上機前仲有時間？咁千祈唔好錯過機場2樓（國內線）嘅RYUBO百貨～ 裡面售賣唔少比卡超周邊商品㗎！ 上機之後亦有驚喜～ 每個座位上都有「比卡超枕頭紙」，好想即刻坐定定！ 而所提供嘅紙杯同小食，一樣離唔開比卡超造型！ 就連機組人員都換上「比卡超圍裙」服務乘客， 就連接駁那霸機場同浦添市嘅單軌列車、巴士嘅車身都有比卡超主題！ 包括森林、大海和天空等等六種風格～ 有機會要去朝聖！ 為咗紀念「飛翔比卡超企劃」嘅誕生， 那霸市、沖繩市、宜野灣市、宇流麻市亦推出四款「Pokémon」造型嘅人孔蓋， 大家到時記得要留意吓！ 來源：Famitsu.com、Pokémon官方
