Tag: 九龍城

屯馬線開通後，相信大家都多咗去九龍城附近搵食！ 小編就推介大家想過嚟呢間Café歎番個brunch喇，餐廳由得獎咖啡師主理，呢度仲有虹吸咖啡供應，大家可以嘗到坊間少有嘅咖啡種類。 嚟到一定要歎呢個牛油果蛋多士，店員將牛油果切片後再拼成玫瑰花形,食之前梗喺要相機食先喇，呢個多士肯定夠飽肚。 因為牛油果玫瑰花下層仲有一層厚厚嘅牛油果蓉，食完超滿足。 唔洗打卡花形牛油果，都可以揀番個All Day Breakfast，可追加牛角包同埋薯餅。 仲有雞翼同埋飯可以揀番。 飲品方面一定要試下百利甜酒朱古力，有凍熱飲可選擇。 虹吸咖啡都一定要試下。   Rings Coffee 地址：九龍城衙前塱道8號地下 電話：9798 3510 營業時間： 星期一至五｜07:30 – 18:00 星期六至日｜08:30 – 18:00 公眾假期｜08:30 – 18:00 圖片來源：@sharefood2you、@missding_kitchen

By Kelly Kwok

October 15, 2021August 5, 2022

九龍城有好多泰國菜食個個都知，但唔係間間都好食嘅~ 今次介紹呢間泰國菜都幾高質㗎！ 必試：燒牛肉 配酸辣醬 $88 （牛肉分量好多，仲有炭燒味，配上醬汁好惹味） 泰式燒雞翼 $18 （燒到皮脆肉嫩，仲要好Juicy呀！） 泰式拼盤 $108 -小 /$148 -大   泰式炒金邊粉 $78 （味道不過不失） 泰式椰汁沙冰 $35  / 泰式芒果沙冰 $38 整體而言，選擇都幾多，味道都唔錯，分量都幾多，值得一試！ 泰金國 地址：九龍城侯王道9號地下A號舖 圖片來源：@852japjapjap

By yip kat

August 16, 2021August 5, 2022

位於九龍城嘅一間Cafe，前身為80年歷史嘅「大和堂蔘茸藥行」舊建築活化而成，內外嘅裝修都富有歷史價值。現已改裝成為咖啡店，店內座位非比較少，大家如果都想嚟感受下舊建築風情，就要記得預番啲時間排隊。 內外裝修依舊保留原有特色，包括中藥舖會有嘅百子櫃、牌匾都依然保存落嚟。 主打香港元素輕食，當中以「雞蛋仔與雞」最有噱頭，即港式雞蛋仔配炸雞，再淋上西檸汁糖漿，大家亦可以選擇薑汁糖漿。 大和堂芝士辣肉醬熱狗配炸薯條，配有兩款醬汁，紅色辣椒醬辣得非常過癮，白色醬汁係沙律醬。 麻辣蛋M5和牛漢堡配薯角，炒蛋真係幾辣，配上和牛牛肉碎這都幾惹味。 秋冬野菊意大利飯，份量都比較小，一個女仔食份量就啱好。 大家都可以叫個傳統英式早餐食，有粒粒薯餅同自家製嘅茄汁焗豆、烤車里茄。 大和堂鮮奶咖啡，咖啡都幾有水準，味道濃郁。 啡走，一般茶餐廳先有嘅港式飲品，不過份量略嫌細杯，味道亦較淡，大家可以忽略。   大和堂 地址：九龍城衙前塱道24號地舖 電話：2623 2006 營業時間：08:00-18:00 圖片來源：@taiwotang1932

By Kelly Kwok

June 3, 2021August 5, 2022

鍾意食日本嘢嘅你有福啦！全新東瀛日式食店「上戶酒場」正式登陸九龍城 食店會供應多款日本美食，由酒肴、刺身壽司、揚物到鐵板等都有供應， 仲會提供多款東洋美酒，選擇好多！ 「上戶酒場」嘅特製煙燻系列係主打菜式之一，酒場特意選用頂級櫻花煙燻木去處理味道濃郁嘅肉類 鍾意食海鮮嘅客人亦可以試下用菊花煙燻約5-7分鐘嘅海鮮系列， 味道較清淡，可以保留海產鮮味，勁好食！ 而必食之選就係「煙燻五重芝士Pizza」，分別用咗日本製嘅藍芝士、達芝士、德國草原芝士、車打芝士同埋格拉娜·帕達諾芝士混合製成 味道層次好豐富！ 除咗熟食之外，酒場亦提供多種原條活魚刺身，款款都好新鮮 而且仲有各種來自日本等地嘅飛機貨、清酒，食物質素高，好似去咗日本一樣！ 另外，上戶酒場亦提供多款鐵板小食同埋午市肉類定食 價貴唔貴之餘亦好足料，好抵食！ 下次記得約埋朋友去試吓啦！ 上戶酒場 地址：九龍城龍崗道33-39號龍翔閣地下A號舖 電話：5548-0891 營業時間：星期一至日 12:00 – 22:00

By staff5

April 1, 2021August 5, 2022

各位搖搖迷要留意啦！ 今個新年，九龍城廣場繼續以「搖搖」主題打造新年打卡裝置 為大家呈獻「全齡‧傳承‧擁抱愛」新春全城轉運樂消 「搖」活動， 大家可以喺2021年1月15日至2月26日去隨 KCP九龍城廣場慢慢打卡！ 廣場今年換上一幕幕 80年代賀年喜慶場景，打造6大打卡同展區，陪大家懷舊一吓 當中必影逾八百個金光閃閃搖搖組成嘅4米高環保「許願「搖」錢樹」 設計師以「環保關愛」同埋 「傳承」為設計概念，將聖誕樹翻新大改造成金光閃閃嘅「搖」錢樹 佳節後更會透過社福機構將搖搖轉贈弱勢社群或有需要人士，勁有意義！ 另一亮點「「搖」來運轉 風車許願亭」以巨型彩虹風車陣打造而成 只需喺KCP九龍城廣場內商戶或食肆消費滿 HK$250 就可獲得「KCP 金福滿堂利是封及搖搖許願牌套裝」， 可以喺特製嘅「搖搖許願牌」 上寫下專屬的新年願望，再掛喺許願亭入面，為自己或親朋好友掛上祝願！ 作為搖搖迷又點可以錯過賀歲「動感搖搖錯覺幻視藝術區」， 大家可以盡情喺多幅以搖搖為主題嘅 3D Trick Art 錯覺幻視插畫藝術前打卡 鍾意懷舊嘅你必去「福星照满屋打咭區」， 你可以見到紅白藍、紅膠櫈仔同埋碌架床呢幾個「老香港家居三寶」，加埋一屋紅噹噹揮賀年家居場景布置 十足返咗舊時嘅香港一樣！ 商場於推廣期間更設「KCP 金福滿堂八寶袋」同埋「KCP 金福滿堂 利是封及搖搖許願牌套裝」 每日限量贈送，只需於商場商戶消 費滿指定金額就可以拎到啦 除咗大量打卡位，場內亦設有「歷代珍藏搖搖展區」 可以展出過百款50年代至90年代嘅經典搖搖 每件展品背後都蘊藏著不同年代趣事，絕對會勾起港人集體回憶 今年商場邀得 90 後本地薑漫畫家一鋒原創巨型立體搖搖漫畫「搖搖傳承跨世代」 大家可以認識搖搖文化同時亦可以盡情影相留念 咁多嘢睇，記得留定時間去啦！ KCP 九龍城廣場「全齡‧傳承‧擁抱愛」新春全城轉運樂消「搖」 日期：2021 年 1 月 15 日至 2 月 26 日 […]

By staff5

January 18, 2021August 5, 2022