Open Tour
大埔林村一個佔地3萬呎嘅植物空間，場地經過悉心擺設，從入門口至室內有好多個打卡位俾人影相。 場地超大，包括室內同戶外空間。 例如：門口嘅復古汽車，汽車前後都插滿鮮花，大家入門口前都可以係度影張相先！ 大家行入啲就會見到入面幾個唔同位置都擺放唔同設計嘅張藤椅喺度。 呢個位又有啲唔同，張凳可以搖搖下~ 仲有個陳列櫃，擺晒啲植物出嚟，款款多肉植物都咁可愛，多肉愛好者一定要嚟參觀！大家如果想買都可以咨詢店主~ 不定期會有植物工作坊，教導市民種植和培育植物知識。 呢個位係戶外藤椅和超巨型仙人掌，大家可以帶埋寵物嚟一齊影番張。 Botanic_union 營業時間：星期一至日10:00-18:00 IG@botanic_union
香港有好多又靚又好食嘅餐廳，而位於長沙灣嘅「Boholic」亦係其中之一 主打波希米亞打風嘅「Boholic」係一間打卡餐廳，店內有多個影相位，個個都充滿異國風情 一踏入店內就會見到懸掛嘅藤製吊椅，呢個係佢哋嘅招牌打卡位 唔少人都特意為咗呢個位嚟打卡！ 另外亦可以喺店內見到仙人掌小樹林、長椅等等，個個位都好唯美，好似去咗外國旅行一樣！ 「Boholic」同時亦係一間寵物友善餐廳，好多人都會帶埋毛孩一齊嚟 佢哋出品嘅食物都非常高質，外型靚之餘仲好好食 一般西餐意粉同輕食甜品都有提供，啱哂同另一半/好姊妹齊齊去！ 朱古力咖啡嘅拉花好特別！ 餐廳亦會不時推出鳥籠下午茶拼盤，呢個三兩層架下午茶勁受歡迎 想食就要預先同餐廳查詢啦！ 呢款「洛神花巴斯克烤微焦芝士蛋糕」都好好食，令人少女心爆發！ 咁吸引嘅餐廳，快啲約埋朋友去試吓啦！ Boholic 地址︰長沙灣福華街561號君凱豪庭地舖及1樓
