偽日本旅行系列，大家都知道無得飛，唯有發掘香港本地影相打卡好地方，小編發現咗一個港版迷你日式庭園，好似喺日本啲溫泉旅館咁，有道趟門同一盞吊燈咁，其實呢度係天后廟道三號花園，周圍仲有足球場、籃球場同兒童遊樂園等等康樂設施，呢個小花園地方唔大，勝在好有日本feel~大家想知呢個地方係邊度？即刻睇內文喇！ 有條小石橋連接住間屋仔，充滿日式和風感覺。 仲有石燈籠。 側邊仲有啲用竹圍成嘅圍欄。 炮台山樓梯，大家可以上去天后廟道影相時，順路經過長樓梯，都可以打卡影相。 大家可以Google地圖時候搵北角抽水站。 地址：天后廟道70號（三號花園） 路線：炮台山地鐵站A出口，左邊有樓梯一路上，位於北角抽水站附近。 圖片來源：xiaohongshu@809472267
