Open Tour
好多朋友一有時間就會約埋出嚟打麻雀～ 但如果手痕、麻雀癮起，但身邊朋友唔得閒呢？ 呢款產品就啱你喇！ Photo Credit: 網路圖片 (Wiktionary) 最近美國紐約有間商店推出麻雀扭計骰 (Mahjong Rubiks Cube)～ 設計小巧，方便攜帶出街～ 重點係平時一個人都玩到！ Photo Credit: Chop Suey Club官網 將西方嘅扭計骰＋東方麻將元素結合一齊， 每一面都分別對應一至九嘅萬子、筒子同索子～ 就連番子都有㗎！ Photo Credit: Chop Suey Club官網 將每一隻麻雀縮細兼神還原，精緻得嚟又可愛， 相信麻雀控一定愛不釋手呀！ INFO 售價：12美元 (約港幣94元) 詳情：Chop Suey Club官網
仲有唔夠一個月嘅時間，就踏入2021年喇！ 最近澳洲出版咗一本集多位爆肌猛男消防員同可愛動物於一身嘅主題月曆， 各位有興趣不妨考慮買返本！！ 由1993年開始，每年都會推出澳洲消防員月曆(The Australian Firefighters Calendar)！ 今年亦搵嚟爆肌猛男消防員赤裸上身， 抱著可愛動物一齊影相，刊印喺月曆上！ 呢班消防員哥哥真係太有型吧（心心眼！！） 外表＋身材冇得輸！係咪睇到心跳加速呢？ 真係睇到令人「嘩」出嚟啊！！！ 月曆入面仲有唔同組合嘅照片～ 例如：動物＋消防員、狗狗＋消防員、貓咪＋消防員～ 除咗樹熊同袋鼠之外，仲有羊駝、小鴨、羊仔、大袋鼠等～ 動物真係好乖又好得意！！ 今年仲推出埋愛心枕頭攬枕～ 等你發個美夢～哈！ 買賀卡都一樣做到善事㗎！ 其實近年澳洲持續出現森林大火，令到好多野生動物不幸離世～ 所以收到嘅部分金額將會作為慈善用途，支援當地嘅動物保護機構～ 好有意義㗎！有興趣就入手啦！ 澳洲消防員月曆2021 (The Australian Firefighters Calendar) 詳情：官網 相片來源：Australian Firefighters Calendar
