Open Tour
甜記餃子向來都係長沙灣人氣小店，門口經常有人龍～依家唔止長沙灣，早排旺角都開咗分店，最近仲登陸太子～ 咁大家可以有多個地方食到好味嘅餃子～ 店內有11款口味餃子，可以揀湯餃或煎餃，餃子好足料，每隻都係漲卜卜～配上秘製蝦米辣菜脯，正呀～ 煎餃煎得好香口，餡多皮又薄～雙併煎餃 $46/10隻～ 除咗豬肉餡，都推介試下粟米芝士雞肉餃～雞肉餡好少地方有～味道都唔錯～幾特別～ 湯餃都係咁好味！必試蕃茄湯～單/雙併湯餃 $42/10隻 覺得齋食餃子有啲悶，仲可以加啲小食～ 甜記餃子（太子） 地址：太子砵蘭街454號 HQ大廈地下 圖片來源：@olfooddiary、@eat_ho_d、@venus_foodholic、@cr.eating_hk
位於旺角東附近新開嘅咖啡店，店舖呈黑白簡約設計~呢間小店最出名嘅係招牌蒜蓉忌廉芝士包，呢個係韓國近期大熱嘅麵包宜家香港都有得試喇！大量鮮綠嘅香蔥蒜蓉配埋極邪惡嘅忌廉芝士，食落鹹香十足~ 如果可以再多啲忌廉芝士就好了，以為始終麵包都比較干身。 貝殼窩夫都係唔可以錯過嘅甜品，一個個窩夫形狀好可愛~ 個窩夫要配住個香蕉雪糕一齊食，香蕉燒到一層焦糖脆，好有心思~ 卡邦尼粗管意粉，坊間比較少選用粗管意粉製作，但粗管意粉口感更好，以意粉管內掛滿意粉醬汁，餐廳係用蛋汁製作，並無添加任何忌廉製作醬汁，食落都唔會好膩。 記得試埋呢個Bacon & Smoked Salmon Benedict ，一切開個水波蛋即刻流啲蛋醬出嚟，點埋個酸種麵包食就最夾。 栗子蒙布朗，份量都超級大，餅底係蛋白餅整成，食落栗子味都幾香濃。 Tune Coffee & Roastery 地址：太子洗衣街163-163A號鴻德大廈地下B號舖 營業時間：星期一 至 12:00-22:00 圖片來源：@explorerhk、@hkfoodelicious、@littlemsfoodie
太子近日新開一間以Pantone色為主題咖啡店，佢係長洲角落嘅姐妹店，店內嘅角落、餐具同食物都襯過色嚟~望落非常和諧舒服，仲特設3張檯係榻榻米，店主仲好細心咁準備咗拖鞋，食物方面都係行Pantone顏色。宜家喺試業期間，大家記得去之前要book位啊！逢星期一仲係寵物日，大家可以星期一帶埋你隻愛寵過嚟一齊歎~即刻睇有咩食先。 大家可以見到個環境佈置都係用番Pantone顏色。 餐廳有三張榻榻米位置。 All Day Breakfast，炒蛋就食得多啦，鳥巢炒蛋你又試過未呢？用薯仔絲炸至酥脆在放上炒蛋，配料有煙肉、豬肉腸、煙三文魚同大啡菇。 軟殼蟹滑蛋吐司，多士邊角位仲印上MOONTONE舖頭個名，而軟殼蟹又炸得幾脆口，入面炒蛋仲配有啲蟹籽。 鰻魚滑蛋吐司，秘製醬汁配上軟滑牛奶炒蛋，軟綿綿鰻魚配上炒蛋。 角酪卷蛋，用上碟豆花製成嘅藍色賣相非常吸精，卷蛋中間夾住厚厚一層士多啤梨乳酪，酸酸甜甜，口感非常清新。 莓莓角酪。 MOONTONE（試業中） 地址：太子砵蘭街440號地下 營業時間：星期一至日 12:00-22:00 電話：9656 4962 圖片來源：@msliy.cafelove、@nat.dailyyy
