尖沙咀美麗華廣場新開咗間和風榻榻米餐廳，好啱打卡~ 餐廳有多個區域，可選擇唔坐榻榻米位，其他位置都一樣咁IGable。 Picnic box :呢個Tea Set好靚呀，用木盒裝住，排盤精緻~ 除咗下午茶，其他菜式都幾高質！ Gentlemen’s breakfast 推介壽喜燒牛肉蛋汁意大利飯！ 仲有多款甜品選擇~ MUTA Restaurant 地址：尖沙咀美麗華廣場1期地庫B131號舖 營業時間: 9am-7pm 圖片來源：@linggholic_
今次介紹一個地方可以食到兩間日本餐廳，有omakase食，仲有炭火燒食~環境仲好似身處日本咁~ 蔵鳶係一間居酒屋，主打串燒。 餐廳環境好有氣氛~ 推介二人晩市套餐，有和牛六盛及海膽六盛兩款套餐，兩個套餐都好豐富！ 和牛六盛（2點刺身，沙律x2，唐揚炸雞6本，清酒煮蜆8本，舞茸菇清湯x2）$588 海膽六盛（3點刺身，蚧子沙律x2，串燒6本，清酒煮馬刀貝6本，舞茸菇清湯x2）$698 除咗套餐，約朋友去食幾串炭火燒配啤酒都好正~ 必試和牛牛胸腹，軟嫩香口~ 炭火鹽燒/汁燒白鱔都好正~ 依加餐廳做緊優惠： 1.星期日至四晩市只要like餐廳Facebook或者IG 送海膽一客或一合清酒。 2.於21:45之後惠顧全單8折，指定啤酒買一送一。 而鮨鳶主打omakase，食材大多由日本新鮮空運，推介呢個25品套餐（$1260） 前菜3點（水雲 水母刺身 東風螺）：前菜好清新，水雲食落酸酸甜甜，仲有少見嘅水母刺身，食落爽口彈牙。 鲂鮄魚薄切、生蠔：鲂鮄魚味道清淡，生蠔肥美~ 鰹魚、日本慢煮八爪魚、無花果：鰹魚配上鮮紫菜醬，味道鮮甜。 鱈場蟹配順菜：順菜有種Jelly口感，配上鱈場蟹肉嘅鮮甜，好似食緊一道精美嘅甜品。 釜山白蝦：呢個配上清酒飲一流！ 仲有多款手握壽司：金線鯛、絞蝶、左口魚、赤鯥 日本海膽 大拖羅 珍寶帶子 牡丹蝦 lunch都有兩款廚師發辦，午市二人同行第二位有半價優惠！ 蔵鳶Kura Tobi & 鮨鳶 Sushi Tobi 地址：尖沙咀加拿分道44-46號地庫(The One/美麗華附近) 營業時間：星期一至日 12:00 – 00:00
今次介紹嘅中菜餐廳——胡同，主打fusion中菜，融合京菜、粵菜同上海菜。 環境都好啱打卡，門口有紅燈籠，好有北京四合院傳統韻味。 餐廳仲有酒吧，中式百子櫃設計，好有feel，餐廳仲設有戶外座位，可以望住維港景色飲返杯，好chill呀~ 推介菜式：泡椒蝦餃，麻辣風味蝦餃。 辣味點心啱鐘意食辣嘅朋友，少咗傳統點心嘅飽膩感，有啲辛辣。 火焰胡椒片皮鴨係店內主打菜式，打卡一流！ 大紅燈籠高高掛：呢款菜式係辣子軟殼蟹都，係小編推介菜式，將原本辣子雞轉為用軟殼蟹，更加鮮美香口。 竹炭魚香咸水角：食落無傳統咸水角咁油膩，味道幾好。 餐廳仲有多款特色雞尾酒~可以去飲返杯~ 餐廳環境好有古代傳統韻味，又有靚海景睇，食物方面質素都唔錯，其他幾款辛辣菜式比較出色，包括麻辣蝦，大紅燈籠高高掛，仲有點心都值得一試。 胡同 地址：香港尖沙咀中間道15號H Zentre 18樓 電話：3428 8342
尖沙咀最近新開了一間西餐廳，銀白色的桌椅、水晶燈再配上落地玻璃窗，進入餐廳就能感受到高級奢華的感覺，窗邊位置可以看日落和維港夜景。特別適合情侶約會或慶祝生日及特別日子。 除了浪漫的氛圍，餐廳的食物質素也很出色，食材講究，價錢卻非常親民。午市套餐三道菜人均消費只要$200多，餐具是來自英國品牌，很有質感，還有餐碟，杯具都是餐廳老闆精挑細選。精緻的餐具的確能提升整個美食體驗。 先由餐包嚐起，牛角包由法國空運到港，特別鬆軟，牛油香味濃郁。 布拉塔芝士櫻桃茄紫蘇油醋，用液態氮將芝士製作成綿密的口感，味道好像乳酪，就連平時不愛吃芝士的編輯也喜歡上這道菜。 美國西冷牛扒配甘筍茸紅酒汁，牛肉經過火山石烤製，外焦內軟，牛味濃郁。 餐廳有多款甜品，推介焦糖燉蛋及Tiramisu。 每道菜都各有巧思，餐牌和菜式會不定時轉變，從食材、烹飪方法、餐具及擺盤都感受到餐廳的用心設計。希望能持續帶給客人新鮮感。 每道菜都各有巧思，餐牌和菜式都會不定時轉變，保持到新鮮感。 PHENOMENON WINE • DINE 地址：尖沙咀彌敦道100號The ONE20樓 營業時間：星期一至日：12:00 – 00:00
大家平時多數都喺中餐廳食清蒸大閘蟹，今次小編推介大家去日式鐵板居酒屋入試全港首創和式鐵板冰火大閘蟹餐，嚴選來自江蘇的大閘蟹公，肉質細嫩且飽滿，味道更加鮮甜，相當肥美，隻隻大閘蟹都重8両，配合最上乘的食材炮製，必定能夠俘虜各位蟹迷的心。 和式鐵板冰火大閘蟹餐大部份菜式均以大閘蟹入饌，將蟹肉和蟹黃融入主菜及主食呈獻給食客，包括全港首創的冰鎮醬漬8両大閘蟹、用料豐富的火焰蟹粉甲羅燒、濃郁鮮香的蟹粉花膠扒以及粒粒分明的蟹粉蔥花 蛋炒飯等4款點題菜式。為了讓大家吃得滿足，另包括時令沙律、時令前菜、紙包花膠蜆湯、薑汁日本紫著糖 水以及紫蘇梅酒等，滿足食家們味蕾，盡享口腹之欲。 「和式鐵板冰火大閘蟹餐」（1人前、9道菜，每日限量10份 ） 原價：$1,388 期間限定八折優惠：$1,100 供應日期：2021年11月17日至12月17日 供應時間：6:00pm-10:00 樂Teppanyaki 地址：九龍佐敦偉晴街29-37號地下6號舖 查詢及訂座： 2885 8955 / 2885 8278
呢間日式居酒屋位於尖沙咀嘅，餐廳主打日式串燒，仲有多個主題房，啱朋友聚會~ Sakeh特別設有VIP區域，各具特色的4款房間。每人最低消費1000元（四位起） 餐廳除咗單點，餐牌上會提供2款特色套餐，分別是藏人、杜氏。 「杜氏」套餐 專為對清酒有要求的客人而設，店方會因應客人口味選出合適的5款酒給客人（每人5杯，各5款酒） 「藏人」套餐 可以試勻3款酒（每人3杯，各3款酒） 餐牌上也有多種類海鮮由日本直送，如燒日本蠔、海膽黃金燒虎蝦、海膽松葉蟹蓋甲羅燒、北海道帆立貝、鱈場蟹腳等 前菜九宮格 「鳥之提燈」 結合雞卵巢及未成熟雞蛋，是香港較少吃到的特別串燒。 *不定期及限量供應，必須訂座時訂購。 Sakeh 地址：尖沙咀天文臺圍5-9號 營業時間：6pm – 12am (11pm last order) 查詢電話：3709 9251
就到年尾，想搵間餐廳食餐好？不如去試下尖沙咀新開創意新派Omakase！ 餐廳主打新派廚師發辦，以日、法烹調為基調，再糅合多國頂級時令食材、煮法和創意為賣點，精心設計一系列無國界菜式！ 為提升用餐體驗，餐廳精心挑選一系列如Hermes、Versace、Baccarat等高級精美餐具，讓食客獲得加倍視覺享受 由前五星級酒店法國餐廳主廚及曾於米芝蓮餐廳擔任管理及菜單設計工作的Thomas主理 餐廳採用無餐牌設計，只設14道菜（$680）、17道菜（$880）的午市廚師發辦及21道菜（$2,180）的晚市廚師發辦 脆皮東星班配牛蒡忌廉泡沫：皮脆肉嫩，尤其鍾意個汁，更加突出咗東星斑嘅鮮甜～ 拖羅、海膽、魚子醬搭配多士：用料新鮮，食落鮮美香脆，口感豐富。 慢煮法國鴨胸配梅菜：小編最愛呢道菜，第一次品嚐嘅配搭，鴨胸非常軟嫩，配上梅菜，味道意外地夾！ 適逢蟹嘅季節，有多道料理都會用到蟹～唔同嘅蟹料理會搭配返唔同嘅酒～包括清酒、梅酒同釣魚臺。 北海道慢煮帶子大閘蟹膏搭配清酒 蟹粉車海老搭配梅酒 清酒醉蟹肉他他搭配釣魚臺 蟹肉配梅子素麵：麵質爽口彈牙，湯汁清甜。 栗米魚濃湯：魚湯非常鮮美，盛載嘅杯亦都非常精美，令人賞心悅目。 栗米甜品：日本白栗米食落好清甜，栗米味雪葩配上脆脆清新可口。 Decree by T 令 地址： 尖沙咀棉登徑 7-9 號憙酒店地下 B 號舖 電話： 68216212 營業時間： 星期一至日及公眾假期 中午 12 時至下午 3 時；下午 6 時至晚上 10 時
近日尖沙咀新開5000呎高級日本料理「螢火Hotaru」，餐廳以吧檯式設計為主，並分為兩大主題區域，包括日式鐵板燒、Omakase壽司吧檯，兩者都可即席欣賞師傅精湛廚藝，場內座位寬敞舒適，空間感十足，坐得好舒服。食材用料新鮮高級，搜羅自世界各地嘅矜貴食材，包括菲律賓巨型斑馬瀨尿蝦、澳洲龍蝦、南非三頭鮑魚同埋鹿兒島/宮崎縣A5和牛。場內更設有超靚互動投射打卡牆，仲有多款動畫場景變換，大家可以即場為朋友、家人及愛人送上小驚喜，即刻睇下有咩食同有咩玩喇~ 首先食嘅第一款前菜：豆腐沙律，清一清個口腔再享受之後嘅美食。 另外一道開胃前菜係黑魚子蒸蛋連殼，蛋味濃郁，再綴以黑魚子，賣相精緻到不得了。 刺身三點（金目鯛、拖羅、鰹魚），金目鯛呈淺粉色，肌理實淨，咬落口感肥而不膩，拖羅超肥美~食落魚油甘香，入口即溶，鰹魚坊間一般比較少有，口感清爽都幾有嚼勁。（小編都喺度提番大家，店舖會採用新鮮時令刺身，次次都會有唔同驚喜）。 香煎鵝肝多士，配上焦糖蘋果醬一齊食，中和番油膩嘅口感，鵝肝面層焦脆帶點酸酸甜甜，口感幼滑細膩。 小編私心推介呢個嚟自菲律賓巨型斑馬瀨尿蝦，約成人手臂長嘅瀨尿蝦，相信大家睇見都流晒口水~小編幫你試食先，入口啖啖肉，肉質好鮮甜，加上鐵板燒嘅方式，除咗可以保留肉質爽口彈牙，食落每啖都充滿肉汁，最重要係有金黃色流心膏，口感類似溏心蛋嘅軟綿綿口感，回味無窮！食落超有驚喜一定要試！ 澳洲龍蝦，新鮮生猛龍蝦，食落肉質爽彈、鮮甜，廚師只係落咗少許黑胡椒、海鹽、白酒簡單調味~最正嘅係廚師會用剩餘龍蝦頭內嘅蝦膏倒入新鮮龍蝦肉中番兜，好Creamy！ 南非鮑魚，廚師話呢隻鮑魚足三頭（約一斤重），煎嘅時候更非常細心切咗豎紋，大家食嘅時候只需輕輕打橫切就會變成一粒粒，方便食用。 鮑魚食落口感厚肉又彈牙，火候啱啱好，再搭配秘製嘅鮑魚肝醬同埋黑松露醬，口感一流。 日本鹿兒島A5和牛厚燒，厚燒比較有口感，都幾重油分，配上蒜片一齊食，口感層次更豐富，A5級和牛肉絕屬上品。 櫻花蝦炒飯，由清淡到濃味，全個鐵板燒都食到七七八八，最後嚟番個炒飯真係非常滿足，撈埋啲蛋汁一齊食，超正~ 仲有炒野菜，有芽菜、紅蘿蔔絲同埋椰菜，都keep到口感爽脆。 龍蝦麵豉湯都好足料，湯底用龍蝦頭熬製，飲落超鮮甜~ 最後再食埋個柚子雪芭甜品，口感微酸，食落清新香甜。（提提大家甜品都會不定期轉換款式） 午市套餐最平$380試勻9道菜連甜品，呢款「星」午市套餐包括沙律、帆立貝、汁煮白鱈魚、大蝦、美國牛肉薄燒或厚燒、櫻花蝦炒飯、炒野菜、吸物、漬物，甜品或咖啡。 晚市套餐就主打螢火廚師精選，有齊刺身三點、鵝肝多士、澳洲龍蝦、南非鮑魚、 日本和牛等矜貴9道菜，非常豐富。 而小編推薦嘅巨型斑馬瀨尿蝦套餐共有10道菜，每晚限量供應㗎！欲知詳情，請向餐廳查詢。 另一邊嘅Omakase壽司吧亦提供多款$308起嘅午市套餐，包括足料魚生丼同埋壽司十貫定食套餐。如果想食好啲嘅，都可以揀番有海膽杯嘅午餐廚師發辦都只係$488！超抵食！ 更設有自家養殖魚缸、凍肉櫃及清酒櫃，確保食材生猛、新鮮，再搭配師傅即席鐵板烹調配以特製嘅汁醬，令食材及配方昇華到更高嘅層次~讓食客滿足味覺享受。 餐廳內仲有一幅超靚嘅互動投射打卡牆，有多款動畫場景變換，例如：許願天燈、櫻花樹下、清明上河圖、海洋世界等唔同嘅場景，會不定時轉換！當中最特別嘅一定係天燈許願牆，大家可以用IPad將你嘅願望及祝福語寫上，隨即天燈上會顯示出你所寫嘅文字，啱曬各位想俾驚喜家人或者情人嘅你，真係好浪漫好sweet呀！ 餐廳另設有獨立包廂，分別可容納12位或6位顧客，包廂隱私度極高，投射牆上同樣有多款動畫場景變換，大家不妨都可以約番三五知己包房喺度把酒談歡。 螢火 Hotaru 地址：尖沙咀尖東加連威老道96號希爾頓大廈LG樓1號舖 電話：21518133 Whatsapp預約：84893133 營業時間： 星期一至日 12:00 – 15:00｜18:00 – 23:00