今次介紹呢間餐廳好有異國風情呀，好似身處歐洲咁樣~ 等天氣涼少少，坐喺戶外座位好chill呀~ The Farmer Brunch ：呢個brunch好豐富，排盤又靚~ Chicken Club Tartine Scone 配cream同朱古力。 快約班朋友一齊食個Brunch再打卡影相啦 Le Pain Quotidien (尖沙咀) 地址：尖沙咀麼地道66號尖沙咀中心地下G38號舖 圖片來源：@foodiechans
全新歐陸風格的70s Food Dining by Vintage House 登陸尖沙咀，場內設有七間各具特色嘅餐廳！ 橫跨兩層，地面美食廣場佔地 5,000 平方呎，加上一樓餐廳Earth佔地2,500平方呎。 維多利亞風格拱形扇門通向寬敞的用餐空間，大堂的復古吊扇、遍佈各處的竹燈和懷舊翠綠色調，好適合打卡。 亞洲香味屋，可以品嚐到馬來西亞和新加坡的地道東南亞風味咖哩，風味正宗的文昌雞、肉骨茶，由前文華東方廚師興叔精心炮製。 泰 GRILL，泰GRILL由泰國廚師主理，每道菜都充滿正宗地道的滋味，當中包括特色名菜冬蔭功湯、泰式燒魷魚及串燒組合，包括豬肉、牛肉和雞肉串，搭配秘制花生沙爹醬和泰式生蝦刺身汁，充滿泰式燒烤風味。 凱之味悉心呈獻多款健康素食。凱之味大量選用純素食材，客人可為自己的車仔麵揀選更健康的配料，其菜式之一蔬河鍋，包羅十種不同配料，湯底分別有番茄、咖哩和自家製口味。 馬麻辣（Ma Spicy Cuisine）主打四川水煮系列，蘊含四川麻辣湯的精髓，用料包括來自重慶、雲南、印度及四川的四種精選辣椒。其他香辣佳餚，包括酸菜辣椒水煮魚、蒜泥白肉及辣椒醬蒸雞（又名口水雞），及自家製足料燉湯。 Treasures Burger提供的「珍堡」，餐廳嚴選美國安格斯牛肉製作的漢堡扒，鮮嫩多汁，肉質和牛脂比例平衡恰到好處，賓客可自選不同配料，份量驚人。 意日Fusion餐廳 ─ Earth 除了選用新鮮空運到港的日本食材外，其醬汁及配料都各有特色，著名的菜餚包括：蜂蜜烤慢煮巴巴拉鴨胸配檸檬和日本枝豆醬及柚子汁、吞拿魚他他配芥末醬、迷迭香炭燒羊架，以及波士頓龍蝦配北海道帶子扁意粉。賓客亦可選宇治抹茶意式奶凍作甜品。 美食廣場內的Earth 520飲品吧亦配備種類齊全的各式飲品，除了一貫茶餐廳經典飲品以外，更提供鮮果茶、梳打、珍珠奶茶等，一應俱全。 主打的蝶豆花梳打更是必試之選，切勿錯過。 70s Food Dining by Vintage House 地址：香港尖沙咀加連威老道46號地下及一樓 電話：+852 2866-0111
尖沙咀K11購物藝術館的Pound & Roll將搖身一變，化身為MiFFY Café，於8月28日起夢幻登場！ 屆時期間限定MiFFY餐單將隆重登場，由MiFFY為你準備好各款精美點心！ 同步推出女士們最愛的甜點三層架下午茶，炎炎夏日最Art Like！多款特製飲品以MiFFY色調登場，夏日涼浸浸之餘影相更是一流！ 鹹食首選芝士海鮮雜錦火鍋則結合港人摯愛的芝士及火鍋元素！ 喜愛甜食的萬勿錯過多款令人垂涎三尺的MiFFY主題蛋糕，配上夏日清涼水果口味！ 於MiFFY Café舉行期間，全線Smile Yogurt更會推出MiFFY’s garden雪糕乳酪，今個夏日讓MiFFY陪你High Tea！ 招牌甜品柚子紅茶味的慕斯卷蛋，鬆軟口感配以MiFFY色調浪漫登場！ MiFFY Café更有多隻可愛MiFFY駐守陪您進食，甜品更用上荷蘭正式授權的餐具、鍋具盛載，特別窩心！ 除了期間限定的甜品外，Pound & Roll還推出全新意日式主食菜單，8款全新菜式登場，包括水牛芝士牛油果沙律、蟹肉魚子意大利飯等！ 店內亦有售熱賣的MiFFY鳳梨及奶皇月餅，獲荷蘭正式授權，萬勿錯過！ MiFFY Café 詳情 日期：8月28日至11月27日 地址：尖沙咀河內道18號K11購物藝術館B1樓B104號舖 時間：12:00 nn– 10:00pm 荷蘭正式授權 2021年MiFFY鳳梨及奶皇月餅禮盒訂購詳情 預售日期：即日起至9月1日 購買地點： GoodieShopHK- MiFFY主題期間限定店： -香港九龍觀塘觀塘道418號apm大堂（近恒生ATM）/ 網上預訂 LCX- Xplus： -香港九龍尖沙咀海港城海運大廈三樓 Pound & Rolls： -尖沙咀河內道18號K11購物藝術館B1樓B104號舖 全線 Smile Yogurt： -尖沙咀河內道18號K11購物藝術館地下G32-33號舖 -銅鑼灣軒尼詩道500號希慎廣場5樓511B號舖 -旺角彌敦道700號T.O.P This is Our Place地下G05號舖 Smile Gift： […]
東京no.1沾汁麵【神山】05年曾被日本TBS電視台票選為拉麵四天王之一，一直人氣高企。 今年7月27日於尖沙咀開設新分店，並推出新店期間限定重量級2人份「火山極盛豚肉沾汁麵 」！ 重量級火山極盛豚肉沾汁麵 (2人份量) $188 *新店期間限定，每日限量10碗* 以比一般拉麵多10倍份量的最強名物「豚角燒」精心製作出日本神山「富士山」沾汁麵， 配上自家秘製豚骨及魚介雙湯頭沾汁及雙倍份量特製坑紋麵，賣相與味道俱全！ 白神山豚角拉麵 $85 (濃厚豚骨湯底) 湯頭選用大量豚骨、上乘豚肉、日本魚介及秘製醬油調味，以慢火熬製超過12小時，以招牌湯頭加入濃厚豚骨，再配上軟腍入味的秘製豬五花肉、溏心蛋、竹筍片，完美的享受。 黑神山豚角拉麵 $85 (黑蒜豚骨湯底) 與白神唔同嘅係，呢款湯底係以招牌湯頭加入黑蒜豚骨，配料都係一樣。湯底味道有黑蒜味，同埋偏油。 自家製湯咖哩雞腿定食 嚴選食材，每日堅持自家秘製咖哩湯底，選用超過9小時慢煮豚骨濃湯底，配上秘製36種香料，一同熬製，味道濃郁少甜微辣，給你最原始北海道風味！ 神山湯餃子 神山首創產品，每日以豚肉新鮮包製，並煎至表皮金黃，再放入韭黃、菠菜及秘製豚骨湯中享用。餃子微脆，滲透肉食。 神山炸雞 神山人氣小食之一。大廚將雞肉表皮炸至金黃酥脆，内裏仍然保持嫰滑多汁，完美保留雞肉嘅原有香味，配上芥末醬，下酒配拉麵都相當適合。 神山 Kanzan Menya 地址：九龍尖沙咀北京道12號及漢口道17號新聲大廈地下A&K及B號鋪
近日尖東新開一間南美洲風餐廳，主打特色雞尾酒同埋燒烤，部分飲品更添加CBD（大麻二酚），餐廳樓高兩層，用餐區分室內同戶外，室內環境好有情調，戶外座位就最啱同班friend一齊Chill下~即刻睇有咩食喇！ 牛油果粟米脆片，將新鮮牛油果肉連同辣椒粒、洋蔥粒、大蒜粒、青辣椒粒用石磨杵混合成蓉，有得食又有得玩，點埋牛油果蓉非常惹味！ Chicken Milanesea，麵包糠沾滿雞胸肉，加入番茄及mozzarella芝士烤焗；Milanesa是南美洲阿根廷等地普遍菜式。 醃紅鯛魚配牛油果，配埋Leche de Tigre醬汁同檸檬油，開胃清新。 八爪魚配阿根廷青醬，選用西班牙八爪魚，以低溫慢煮12小時後再香烤而成，配上傳統自家製嘅阿根廷青醬，濃郁蒜味，咬落好有口感。 焗芝士黑松露通粉，絕對係一道經典、深受歡迎嘅美式食物，將通心粉加入芝士醬汁、麵包糠、芝士撈勻，咁就食得啦！ Tres Leches蛋糕，蛋糕選用3款唔同牛奶製成，包括淡奶、煉奶同忌廉，個蛋糕完全冇牛油，鬆軟且綿滑，仲有新鮮士多啤梨、藍莓同覆盆子等等。 酒杯呈葫蘆形狀，Green Aura則餘韻猶存且清新醒神，雞尾酒以低溫蒸餾技術浸泡班蘭及香茅伏特加、混合青蘋果、新鮮青檸汁、梳打水製成。 除咗外形獨特，呢杯係士多啤梨味嘅特色cocktail，用上干邑、士多啤梨檸檬脂、味噌、柑橘等製成。 而最後一杯就係添加咗CBD元素嘅雞尾酒，讓人心神放鬆療愈！ Boticario 地址：尖沙咀麼地道66號尖沙咀中心地下5號舖及UG樓15號舖 營業時間：星期一至五 12:00-00:00｜星期六日及公眾假期 11:00-00:00
尖沙咀出名多好嘢食，今次小編介紹一間食物造型好靚嘅小店俾大家，小店主打日式和風洋食，雪糕筒意粉、富士山甜品、富士山黑豚肉咖喱飯、粉紅色latte多款打卡美食，除咗賣相了得之外，食落味都唔錯，即刻睇內文介紹喇！ 富士山黑豚肉咖哩飯，絕對係店舖人氣之選，藍白間款與富士山外形近似，咖喱食落有點微辣，不過都可以接受到程度。 魔鬼雪糕紅菜頭意大利麵伴日本甲紋魷魚，哇~呢個靚，粉紅色嘅意粉真係未試過，再加埋個黑色雪糕筒造型，其實個雪糕筒入面係擺醬汁，係撈埋啲意粉一齊食。 粉色紅菜頭拿鐵加懸浮棉花糖，紅菜頭呢啲superfood嘅味道都唔係人人都可以接收到！ 雙色醬炸蘑菇，香脆惹味，好食到停唔到口！ 仲有呢幾款富士山造型甜品~ Floom Floom 地址：尖沙咀厚福街12-12A號藍馬商業大廈10樓 電話：5425 4733 營業時間：星期一至四 12:00-21:30｜星期五、六12:00-22:30 圖片來源：@hkfoodkiller、@floomfloom
全港首間大麻二酚（Cannabidiol）簡稱CBD，CBD係大麻植物內的化合物，可以抗氧化、消炎同保護神經得作用。餐廳全部菜式都會加入微量嘅CBD，當然你亦可以要求唔加，大家亦都唔需要擔心會上癮~ 威靈頓三文魚配秘魯黃椒醬，酥皮相當鬆脆，三文魚咬落口感亦非常嫩滑，仲保留些小肉汁，配上黃椒醬非常惹味~ 香蒜橄欖油海虎蝦扁意粉，有三隻大虎蝦，非常吸引，意粉蒜蓉味濃，都幾彈牙。 班尼迪蛋銀鱈魚配白酒芥末汁伴香蔥薯蓉，面層嘅班尼迪蛋流心效果非常好~墊底嘅薯蓉好香牛油味！ 芒果莎莎吉列蝦墨西哥薄餅，墨西哥薄餅烤至酥脆可口，配上芒果莎莎醬、番茄同洋蔥粒，好惹味。 開心果青檸鮮奶油芒果千層酥，千層酥鋪上芒果肉、開心果同青檸Cream，口感清新而不甜膩。 室內用上彩色霓虹燈連同偏黑色嘅室內設計，讓人感覺非常放鬆自在。 Med Chef 地址：尖沙咀厚福街12-12A號藍馬商業大廈1樓 營業時間： 星期一至四12:00-15:30｜18:00-10:30 星期五至日12:00-23:00 電話：9682 4946 圖片來源：@melody.eathard、@medchefhk
咁耐無得去日本，係咪好掛住日本嘅燒肉呢？！ 日式燒肉店燒肉臻會喺9月中旬開始推出期間限定鳥取和牛menu，嚴選極品稀有鳥取縣和牛作為食材 產量稀少嘅優質鳥取和牛肉入口即溶，肉汁濃厚而不膩，真心正！ 鳥取和牛係和牛始祖之一，飼養數目只有日本全國百份之一，稀有程度勁高 每年只有10隻以下輸入香港，要食真係唔容易 勁靚嘅雪花紋理出現喺牛肉上面，見到都流哂口水！ 除咗極品鳥取和牛，店鋪仲有好多其他高質牛肉供應 而呢款招牌「牛肉盛合」就集合咗牛肉最好味嘅7個部位，啱哂一班選擇困難症嘅朋友 可以樣樣都食到！ 而且店內仲會有專人幫你烤製高級肉類，咁就唔怕自己燒燶哂 和牛以牛肉脂肪百份比分為等A至C分級，而鳥取和牛係A4級高級牛肉，真係好吸引 除咗牛肉之外，店鋪嘅豚肉盛合亦好吸引 同其他鋪頭唔同，佢哋仲會有內臟提供，好特別 炭火烤雞肉又香又多汁，必試！ 燒肉臻更設有熟成櫃，可以鎖住肉汁同即場享用，坊間真係好小見 店鋪仲引入咗全港第一部自助清酒售賣機，有多款清酒俾大家選擇 你只需輕掃代幣券收據上嘅QR code，清酒就會即時從機內傾注到杯中 仲可以紀錄自己飲過嘅酒同品評，係非常特別嘅體驗！ 燒肉臻 地址：九龍尖沙咀寶勒巷3-7A號萬事昌廣場1樓102號舖 電話：2518 3828 營業時間：星期一至日12:00 – 15:0 / 18:00 – 23:0
尖沙咀K11最近新開咗間好靚嘅花花Cafe， 裝修以粉色為主，充滿少女心~ 原來佢係尖沙咀另外一間特色樓上Cafe—「鳥語」嘅姊妹店， 佈置就100分啦，唔知佢嘢食都係咪咁高質素呢？小編帶大家試食！ 「花香特色大蝦卡邦尼意粉」 呢個卡邦尼係呢到嘅招牌，賣相都真係幾靚，而且都夠哂大碟，中間仲有大大粒流心溫泉蛋~ 足足有4隻大蝦，每隻都算幾肥美！ 意粉嘅汁做得幾好，Creamy得嚟食耐咗都唔覺漏或者滯，撈埋蛋汁一齊食成個意粉口感幾好~ 「玫瑰牛肉湯飯」 呢個湯飯嘅食法好特別，湯與飯分開上，食用時就將煲內嘅蕃茄湯倒上飯面，用熱湯嚟整熟新鮮嘅半熟肥牛！ 有得食又有得玩係過癮嘅，而且蕃茄湯好濃味，酸酸甜甜幾開胃，非常啱小編口味，不過即使淋咗好多湯，飯粒都係略嫌煮得有啲硬~ 「草莓鮮奶厚吐司」 食完正餐當然要食甜品，呢到有唔同類型嘅Toast揀，小編就嗌咗個士多啤梨吐司，賣相已經勁吸引，食落啲Cream牛奶味濃厚，士多啤梨都好甜，不過吐司就烤得唔太夠脆 呢到仲有唔同飲品嗌，例如髒髒朱古力、Mocha、Latte等~ 場內唔同嘅打卡位更加係最吸引嘅地方，人人都爭住影相！ 花香 Floom Floom 地址：尖沙咀河內道18號K11購物藝術館B2樓201號舖
