Open Tour
位於灣仔薈賢居的「川流」為如心酒店集團的川菜食府。「川流」承傳經典廚藝並注入嶄新意念，令川菜更見活力。除了傳統味道，「川流」亦會呈獻火鍋美食及多元化的雞尾酒、日本清酒和餐酒系列，以至全港餐飲業首部型格智能咖啡機，帶來非凡餐飲體驗。 點心(無限量供應）， 灌汁小籠包、紅酒京醬燒鵝包、美味素菜包、水晶蝦餃、鮮蝦藜麥豆苖餃、鮮肉燒賣、糊辣殼酸辣抄手、雞湯抄手。 主菜(任選一款），回鍋本地黑毛豚、水煮桂魚、乾燒明蝦球，飯麵(無限量供應) ，回鍋炒飯、辣腸海鮮炒飯、擔擔麵。 優惠詳情: 優惠期(預訂期)：即日起至7月10日23:59 使用日期：即日起至7月31日 供應時間：逢星期一至星期四 供應時限：90分鐘任食 ，中午12時至下午3時 (下午2時30分為最後落單時間) 餐廳地址：灣仔太和街28號地舖 預訂連結： 立即訂購
今次介紹嘅中菜餐廳——胡同，主打fusion中菜，融合京菜、粵菜同上海菜。 環境都好啱打卡，門口有紅燈籠，好有北京四合院傳統韻味。 餐廳仲有酒吧，中式百子櫃設計，好有feel，餐廳仲設有戶外座位，可以望住維港景色飲返杯，好chill呀~ 推介菜式：泡椒蝦餃，麻辣風味蝦餃。 辣味點心啱鐘意食辣嘅朋友，少咗傳統點心嘅飽膩感，有啲辛辣。 火焰胡椒片皮鴨係店內主打菜式，打卡一流！ 大紅燈籠高高掛：呢款菜式係辣子軟殼蟹都，係小編推介菜式，將原本辣子雞轉為用軟殼蟹，更加鮮美香口。 竹炭魚香咸水角：食落無傳統咸水角咁油膩，味道幾好。 餐廳仲有多款特色雞尾酒~可以去飲返杯~ 餐廳環境好有古代傳統韻味，又有靚海景睇，食物方面質素都唔錯，其他幾款辛辣菜式比較出色，包括麻辣蝦，大紅燈籠高高掛，仲有點心都值得一試。 胡同 地址：香港尖沙咀中間道15號H Zentre 18樓 電話：3428 8342
全新歐陸風格的70s Food Dining by Vintage House 登陸尖沙咀，場內設有七間各具特色嘅餐廳！ 橫跨兩層，地面美食廣場佔地 5,000 平方呎，加上一樓餐廳Earth佔地2,500平方呎。 維多利亞風格拱形扇門通向寬敞的用餐空間，大堂的復古吊扇、遍佈各處的竹燈和懷舊翠綠色調，好適合打卡。 亞洲香味屋，可以品嚐到馬來西亞和新加坡的地道東南亞風味咖哩，風味正宗的文昌雞、肉骨茶，由前文華東方廚師興叔精心炮製。 泰 GRILL，泰GRILL由泰國廚師主理，每道菜都充滿正宗地道的滋味，當中包括特色名菜冬蔭功湯、泰式燒魷魚及串燒組合，包括豬肉、牛肉和雞肉串，搭配秘制花生沙爹醬和泰式生蝦刺身汁，充滿泰式燒烤風味。 凱之味悉心呈獻多款健康素食。凱之味大量選用純素食材，客人可為自己的車仔麵揀選更健康的配料，其菜式之一蔬河鍋，包羅十種不同配料，湯底分別有番茄、咖哩和自家製口味。 馬麻辣（Ma Spicy Cuisine）主打四川水煮系列，蘊含四川麻辣湯的精髓，用料包括來自重慶、雲南、印度及四川的四種精選辣椒。其他香辣佳餚，包括酸菜辣椒水煮魚、蒜泥白肉及辣椒醬蒸雞（又名口水雞），及自家製足料燉湯。 Treasures Burger提供的「珍堡」，餐廳嚴選美國安格斯牛肉製作的漢堡扒，鮮嫩多汁，肉質和牛脂比例平衡恰到好處，賓客可自選不同配料，份量驚人。 意日Fusion餐廳 ─ Earth 除了選用新鮮空運到港的日本食材外，其醬汁及配料都各有特色，著名的菜餚包括：蜂蜜烤慢煮巴巴拉鴨胸配檸檬和日本枝豆醬及柚子汁、吞拿魚他他配芥末醬、迷迭香炭燒羊架，以及波士頓龍蝦配北海道帶子扁意粉。賓客亦可選宇治抹茶意式奶凍作甜品。 美食廣場內的Earth 520飲品吧亦配備種類齊全的各式飲品，除了一貫茶餐廳經典飲品以外，更提供鮮果茶、梳打、珍珠奶茶等，一應俱全。 主打的蝶豆花梳打更是必試之選，切勿錯過。 70s Food Dining by Vintage House 地址：香港尖沙咀加連威老道46號地下及一樓 電話：+852 2866-0111
餐廳環境寬敞，在不少細節上加入了中國風。主打傳統重慶小麵，麵上加入花生米、豌豆醬、青蔥等佐料，再拌以辣椒油，十分惹味，小食方面亦提供棒棒雞、四川冰粉同埋串串等正宗四川菜。店內所有麵類或小食均使用自家製辣椒油，誠意十足，即刻睇有咩食先！ 瘋狂肥腸麵，講番個麵底先，個質感非常特別~肥腸如果可以多啲就好喇！ 瘋狂擔擔麵，有雞蛋、肉醬、青瓜絲、花生同埋自家製辣椒油，撈埋一齊食真係超惹味~ 正宗重慶酸辣粉，薯粉煙韌，只係得花生同蔥，咩配料都冇，價錢略貴。 棒棒雞，味道夠香麻辣~雞肉就太過腍身。 成都老冰粉，食完辣嘢梗係要整番碗喇，舒緩麻辣不適嘅感覺~ Menu上小面配料非常多。 仲有四川招牌串串，呢個係凍食嘅，大家可以自己揀鐘意食咩。時不時整番餐麻辣菜，真係超過癮~ 瘋狂小面 地址：中環士丹利街66-72號佳德商業大廈1樓 電話：23113905 營業時間：星期一至日 11:00-20:30 （公眾假期休息） 圖片來源：@eatortrip、@852japjapjap、@chloehahahahahaha
各位鐘意嗜辣嘅朋友仔注意喇~今次呢間位於旺角人氣川菜館，大家一定要試，店舖多款必食正嘢，包括冷鍋酸菜魚、冷鍋麻辣魚、雜錦香鍋、口水雞、辣子雞、香炒有機紫薯粉、芒果沙冰同麻婆豆腐。睇到呢度大家係咪口水都流埋呢？ 冷鍋酸菜魚，辣度可以自選，份量非常足料，魚片都好大塊，酸菜夠酸，唔會係果啲好淡嘅酸菜魚，個底仲有寬粉、芽菜同金菇，大家食完啲魚仲可以加湯打邊爐。 鴨血，入面都有10舊左右。 夫妻肺片，有牛、牛脷、金錢肚。 黑糖糍粑，小編就最推介呢個，煙煙韌韌，點埋黑糖醬食。 麻辣海蜇，海蜇爽口不過講唔停會想味道麻啲。 仲有多款特色川菜小食。 捌壹壹 地址：旺角奶路臣街33號地下F號舖 營業時間：12:00-22:00 電話：2481 3030 圖片來源：@eat_better_worldwide、@eat5ting_foodie
鍾意食酸菜魚、水煮魚嘅朋友一定要認識下呢間川菜外賣小店「麻王」 平時食呢類菜式多數都要幾個人一齊食，而且都要幾百蚊起 但「麻王」主打一人份量嘅酸菜魚、水煮魚，方便大家隨時一個人都可以食到！ 重點係佢每份只係$68，足料又大份，真係好抵 唔掛得開張無耐，就已經大排長龍 酸菜魚用黑魚片製成，肉質嫩滑，唔會有腥味，而且夠酸夠開胃！ 鍾意辣嘅你亦可以試吓食水煮系列同湯麵麻辣燙 小店提供30幾款自選配料畀大家選擇，一定有一款啱你口味 「麻王」仲有提供多款人氣小食畀大家，當中必試麻辣蜂巢豆腐 配埋酸菜魚、水煮魚一齊食，夠哂惹味！ 而鴨血都好受歡迎，咁抵食又咁多選擇，大家一定唔可以錯過啦 「麻王」地址 銅鑼灣店︰銅鑼灣禮頓道禮信大廈地下4&15號鋪 灣仔店︰灣仔道保和大廈地下H鋪(克街) 炮台山店︰北角宏安道宏暉大廈地下6號舖 營業時間︰12pm-9pm
中環有間以四川菜為主嘅餐廳～ 對於無辣不歡嘅朋友嚟講，呢度嘅四川麻辣砵砵雞真係好吸引！ [instagram photo=”Bp2CSrIBoMU”][/instagram] 呢款砵砵雞相當有特色， 一碟有60串，包括30串肉類+30串素食類～ 適合2個人分享～ [instagram photo=”BtX1dsJHppA”][/instagram] 食材相當新鮮，裡面有淮山、薯仔、蓮藕、鵪鶉蛋、牛肚～～ [instagram photo=”BuMJiMUgg70″][/instagram] 浸著喺辣油加芝麻上，齋望都已經覺得好辣～～ 聽講上檯後5分鐘先食會更加入味！ [instagram photo=”Bq9oxcCAHtS”][/instagram] 無論係汁定湯底都係自家熬製～ 麻而不辣！食得好痛快！ [instagram photo=”Bs5Kns3hzwK”][/instagram] 雖然每一串份量唔太多，但真係食得好過癮！ 如果真係食唔到辣，落單嘅時候亦可以要求小辣～ [instagram photo=”BpYtzAFD7-I”][/instagram] 自問係辣控好值得去試吓！！ 瘋狂小面 地址：中環士丹利街66-72號佳德商業大廈1樓 =============== 放假去邊 更多好介紹: 快啲like我哋Facebook 同follow我哋Instagram啦!
