慈雲山名物除咗有煲仔沙嗲牛肉麵，呢間鐵板煎餃都值得一試呀！ 有13款口味咁多，實有款啱你~ 店內有辣菜埔、酸蘿蔔等配料任食~一口餃子，一口酸蘿蔔，香口又解膩~好正！ 餃子每日新鮮包，每隻都好飽滿足料！ 用鐵板裝，冬天食就最啱啦！熱辣辣~ 咖哩薯仔豬肉餃 另外仲有湯餃~番茄湯都唔錯呀~ 店內嘅醉雞都可以試下，雞肉滑嫩，酒味香濃~ 兩三碗餃子 (慈雲山) 地址：慈雲山毓華里20號華麗商場高層1號及5A號鋪 圖片來源：23.bowl@IG
慈雲山名物沙嗲煲仔麵終於登陸旺角喇！大家以後去嘅旺角都可以食，而新店更推出多款美食，包括虎蝦Come撈汁冰煲冷麵、蘭王窩蛋牛小排煲仔飯、燒瀨尿蝦干、茶走奶凍同鹹蛋黃流心撻，客人仲可以試拉奶茶，自己奶茶自己整，非常特別~ 虎蝦Come 撈汁冰煲冷麵，本身麵底已經有蝦油，大家食嘅時候可以落蒜油或Come 撈汁。 沾麵沙嗲，沙嗲醬極濃~食落仲有好明顯顆粒感，帶有小小甜味~超級正，大家仲可以加錢試埋龍蝦湯。 蘭王窩蛋牛肉飯，配上試食用級蘭王，提升全個煲仔飯口感層次~食用級生雞蛋配上米飯，撈埋一齊食超級正。 茶走奶凍，上檯時候仙氣十足~好啱影相，面層係煉奶，下面個奶凍茶味超濃~ 燒瀨尿蝦幹，呢個真係好有大澳漁村風味~一般市區比較難食到呢類型即燒海味，起碼要去到離島先食得到。 有三款醬汁，包括蒜油、Come 撈汁、蝦油，三款醬汁都係賣更$38蚊，大家過嚟食飯嘅時候不妨買支番去試下！ 煲仔榮記 地址：旺角花園街1號鴻禧大廈地下K號舖 營業時間：星期一至日 12:00-22:00
