Open Tour
又有新餐廳登陸佐敦喇！今次要介紹嘅新店仲係區內少見嘅居酒屋~hare晴舍座落於佐敦全新日本小社區，由專業咖啡師同埋唎酒師共同創立，主打精品咖啡、清酒同手工啤酒配搭和洋食同炭火串燒，而午餐時段就有多款和洋定食，啱晒約埋班朋友去放鬆下~ hare晴舍請咗有豐富日本菜經驗嘅廚師坐鎮用上時令食材~ hare 沙律配油醋汁，作為開胃菜就啱晒~ 多款炭火串燒~其中免治雞肉棒仲係自家製！仲有市面少見嘅雞皮蝦~ 啤酒煮大蜆~ 燒飯團茶漬飯~ 午餐嘅吉列廣島蠔定食~廣島蠔好大隻！ Sake Flight清酒體驗旅程~清酒由唎酒師親自挑選，按清酒薰、爽、醇、熟四大特色配搭唔同菜式等客人可以試唔同特色嘅清酒。 除咗酒類，仲有一系列茶同飲品，茶類全部都用咗本地「瑜茶舍yú teahouse」嘅茶葉，而圖中嘅Mocha latte就用宇治抹茶。 hare 晴舍 地址：佐敦德成街2號本木1樓
活化後嘅南豐紗廠內除咗有唔同文化藝術展出外，近年都多咗好多餐廳、文青Cafe等，喺南豐紗廠周圍行吓嘅時候，就會見到呢間TAP The Ale Project，門口有啤酒桶嘅裝飾，一睇就知係一間手工啤專門店，同時都有啲正餐提供~ 不過單嗌啤酒都要成$200，按以下網址可以享用$120特價套餐：www.kkday.com/zh-hk/product/37756/ The Ale Project係由香港本地「少爺啤酒廠」設立，原先喺旺角開店，後來再喺The Mills開店~ 一行到入The Mills分店就feel到個種愜意，裝修以木製為主，仲有落地玻璃令陽光射入店內，勁舒服，小編可以坐喺到飲著啤酒休閒地享受一個下午 唔似其他酒吧，店入面有超過20個TAP頭，擁有獨立氣壓計，確保啤酒喺最佳狀態 手工啤(Craft Beer)之所以同普通啤酒唔同，係因為佢地以麥芽同啤酒花經過發酵而成，唔似大型酒廠為降低成本，會加入粟米同豆類「溝淡」啤酒，故此手工啤嘅味道都更濃烈、新鮮~ $158特價啤酒套餐 (原價: $180)，包1份全份吐司雞同埋1杯440ml嘅本地啤酒，吐司雞嘅雞肉非常嫩滑，連埋小黃瓜一齊食夠開胃，下面嘅蜜糖牛油厚切多士外脆內軟~ $112特價本地啤酒拼盤 (原價: $150) 就有3種各170ml嘅本地香港啤酒，小編可以喺呢到飲住三杯啤酒歎一個下午~ 好似杯Perler For Svin，係帶點熱帶水果風味嘅啤酒，酒香都算濃郁，有啲回甘但又幾易入口~ 除咗直接喺Tap頭沖出嘅啤酒，呢到亦有提供「少爺啤」嘅罐頭啤酒，用咗最好嘅材料~ 朋友對啤酒麻麻嘅，都試咗呢到嘅咖啡，質素唔錯，咖啡套餐入面有1份馬來肉骨飯、1杯咖啡~ 優惠價$124：www.kkday.com/zh-hk/product/37756/ 呢到嘅馬來肉骨飯係幾特別，驚喜地覺得幾好食，有啲似risotto口感，但唔會太濕太乾，每啖都食到肉骨茶嘅味~ 除咗環境、美食、嘢飲正，呢到仲有超懷舊嘅「街頭霸王」街機比你免費無限玩，唔單止好玩，仲可以順便打個卡~ 不過留意返如果想試佢嘅優惠套餐就只可以喺網上訂購~ TAP – The Ale Project 地址：荃灣白田壩街45號南豐紗廠3樓302號舖 網址：www.kkday.com/zh-hk/product/37756/ 立即訂購
