Open Tour
最近日本海洋堂旗下扭蛋品牌——膠囊 Q 博物館， 宣布即將推出「動物的廁所時光」玩具第二彈！ 相信今次同第一彈一樣咁受歡迎！ 由日本插畫大師佐藤邦雄所設計嘅扭蛋玩具， 將樹熊、大猩猩、鸚鵡、乳牛以擬人法嘅方式， 模擬佢哋喺廁所嘅時光，唔知佢哋去廁所會係點呢？ 首先出場係一身鮮豔羽毛嘅小鸚鵡， 閉著雙眼嘅樣子都顯得好優雅～ 但佢似乎未有便意…… 輪到身型健碩嘅大猩猩， 見到佢嘴角向上就知道佢腸道好健康啦！ 之後到乳牛出場～ 左望望，右望望，神情害羞～ 睇嚟佢係擔心被其他動物發現自己「辦大事」中～哈！ 最後一位係樹熊！ 坐喺馬桶上都拎住本書入去，書卷味十足！ 值得一提，呢款嘅頭部仲係可以轉動㗎！ 如果收集齊一套，仲可以將扭蛋排成一列， 更加似真實版嘅公廁！ 有興趣嘅朋友到時可以上網代購～ Photo credit: 海洋堂 INFO 開售日期：2021年12月20日起 售價：400円連稅 (約港幣25元) 詳情：官網
去東京池袋，有咩好地方去？ 有！就係全球最大間嘅扭蛋機店Gashapon啊！ 各位扭蛋迷又點可以錯過？ 呢間總店面積相當大，仲有成3000部扭蛋機！ 高達、蠟筆小新、動物森友會、麵包超人、Sanrio系列、七龍珠等， 你想要嘅扭蛋玩具都有！ 多到你唔信，果然好堅！ 呢度仲特設Bandai官方「Gashapon Official Shop」， 幾乎所有Bandai旗下最新嘅人氣商品都可以喺度揾到， 仲有總店限定商品！ 唔想摸門釘？記得上網查看存貨量先喇！ 店內仲會展出歷代Gashapon同年表～ 唔單止咁！大門前仲有一個大型互動櫥窗～ 放入空扭蛋回收就可以體驗！ 臨離開商店，記得要去埋扭蛋攝影商品區啊！ 只要憑著扭蛋商品，就可以按季節同日本風景或東京名勝景點嘅佈景打卡！ Gashapon Official Shop 地址：東京都豊島区東池袋3-1-3サンシャインシティ ワールドインポートマートビル3F （圖片來源：官網）
