全德國有2萬幾座古城堡，但講到最經典又最有童話色彩嘅， 一定係位於德國南部阿爾卑斯山山脈頂上嘅新天鵝堡(Neuschwanstein)！ [instagram photo=”BqNjUQ4HZxG”][/instagram] 呢個係迪士尼睡公主城堡嘅原型城堡！ 而之所以叫做新天鵝堡，係因為童話國王路德維希二世 (Ludwig ll) 非常鍾意天鵝！ [instagram photo=”Bo7IhLeg717″][/instagram] 據說城堡裡一共有4,000隻天鵝，包括牆壁上嘅圖畫、雕塑擺設等～ 裡面仲展示咗大廳、宴會廳、國王睡房、更衣室、客廳等， 成個宮廷建築都好華麗，每一個細節都好講究！ 呢個王座廳 (The Throne Hall) 結合教堂功能， 天花板上嘅星星裝飾同地板設計都相當有特色～ 亦反映出路德維二世看待權力嘅方式！ 至於呢個宴會廳 (Singers’ Hall)係路德維二世至愛嘅大廳之一， 部分裝飾仲係參考華格納歌劇‵《唐懷瑟》》添！ 國王嘅睡房亦充滿著13至15世紀流行於歐洲嘅哥德式建築風格！ 仲有巴洛克建築風格嘅列柱迴廊同埋門窗～ 提提大家，新天鵝堡內係唔可以影相，除咗廚房！ 如果想更深入認識，仲可以報名參加導賞團， 但就要喺參觀前兩日嘅下午15:00前（德國時間）上網預訂（網址：按此）～ 導覽時間大約30分鐘，主要介紹城堡內部嘅構造同埋路德維希二世嘅生活， 仲可以透過參觀去了解19世紀時德國城堡嘅裝修、皇宮文化同建築格局添， 真係好值得到此一遊！ Photo Credit: neuschwanstein.de 新天鵝堡 地址：Neuschwansteinstraße 20, 87645 Schwangau, Germany 營業時間：早上8:00至晚上5:00 電話：+49 8362 930830 交通：乘搭火車由慕尼黑中央車站(Müchen)至福森車站(Füssen)，轉乘公車 Bus 78 / Bus 73 至新天鵝堡山腳，步行幾分鐘就到 [map […]
