Open Tour
煲仔飯係香港地道美食，亦係冬天恩物！ 馬鞍山最近就新開咗間煲仔飯點心專門店， 主打備長炭煲仔飯嘅「點煲」選址馬鞍山MOSTown新港城中心 除咗主打全港首創備長炭煲仔飯，店鋪仲用咗武俠風格做主題，好特別！ 「點煲」嘅品牌概念源於功夫，結合咗武俠同現代主題， 用咗兩大門派分別代表點心同煲仔飯，分別有「籠蒸」同埋「釜猛」，打造出「籠蒸釜猛」創新菜單 餐廳裝潢仲用咗傳統中式風格做設計主調， 入面有好多街頭霓虹燈裝飾襯托，等食客化身成武俠小說主人翁，相信好快會變成打卡食店！ 當中必食「釜猛」派代表嘅煲仔飯，亦稱「降龍十八煲」， 用咗全港首創嘅備長炭細心烤焗，保留咗飯嘅原汁原味，仲有黃金香脆飯焦，好吸引 「點煲」嘅煲仔飯上枱後無需蓋上煲蓋或等候，就可以烤焗出金黃飯焦， 而且唔加任何調味醬汁就可以食用，比一般煲仔飯更入味 而店鋪亦有提供自家特製豬油，啱哂「重口味」人士 店內仲自設魚缸，仲會每日現場生劏鮮活白鱔製作「豉汁白鱔煲仔飯」， 亦有金銀蒜龍躉煲仔飯、芝士櫻花蝦金蠔銀魚煲仔飯、海膽安格斯牛肉煲仔飯同埋金銀蒜開邊蝦煲仔飯等等 除此之外，「點煲」亦有煲仔菜、前菜小食、明火靚湯提供 用料新解又有特色，好想食啊！ 另外亦有一系列代表「籠蒸」派嘅「玩」味點心， 好似呢款奶皇小豬包咁，賣相好得意，大家一定要去試下啦！ 點煲 地址：馬鞍山新港城中心2 樓2203號舖 電話：2363 3166 營業時間：星期一至日上午11時至晚上10時
多位Sanrio 可愛角色即將登陸馬鞍山新港城中心啦！ 馬鞍山MOSTown新港城中心首次同Sanrio合作，一齊打造「MOSTown x Sanrio characters Christmas Galleria」主題活動 今次邀請咗台灣文藝團隊Seven Apex 同Sanrio characters 大玩聯乘，Sanrio大熱角色會融匯喺多幅世界藝術大師嘅經典作品入面！ 今次展覽係全球首度合作，可愛又經典，快啲約埋朋友去打卡 新港城中心商場中庭會化身大型藝術展覽館，大家可以參觀由光影同聲音導賞嘅「星夜光影聲樂之旅」、「莫內寫意浪漫遊」、 「梵高午睡梳乎藝拍區」、「優雅印象派」同埋「大師名畫藝廊」等18幅1:1比例藝術館畫作同1件主題藝術品！ 各位可以喺作品中搵到Hello Kitty、Little Twin Stars、My Melody、Cinnamoroll 玉桂狗、Pompompurin 布甸狗、Gudetama 梳乎蛋同埋Kuromi！ 大家同時可以使用智能電話體驗AR聲音導賞，發現 Sanrio角色唔同嘅面貌，真係好吸引 「MOSTown x Sanrio characters Christmas Galleria」活動詳情 日期： 2020年11月20日至2021年1月17日 時間： 早上10時至晚上10時 地點： 馬鞍山鞍祿街18號MOSTown新港城中心L2天幕廣場
