口罩已經成為咗我哋嘅日常生活用品之一， 除咗品質要好，顏色外型亦都好重要！ 本地時尚口罩品牌MaskOn首間概念店終於登陸銅鑼灣時代廣場 「MaskOn Gallery」係首間糅合零售、藝文同創意美術於一身嘅概念店，時尚又有型調！ 概念店美術館角度出發，以淺灰色同白色為主色調，加埋寬敞明亮嘅裝潢 以藝術展形式整齊地展示不同色調嘅口罩，畀人一種時尚型格嘅感覺 同時概念店中間設有展櫃，擺放咗多款MaskOn同唔同單位合作推出嘅產品系列，買嚟送禮自用都OK 而且MaskOn Gallery入面仲設有美學展牆， 可以展示唔同藝術家、畫家、插畫家、雕塑家等藝術作品，仲會每兩至四星期轉換全新藝術主題 今次佢哋就邀請到本地創作品牌Anymo Palette嘅插畫師mo mo mo親自操刀 由即日起舉辦「Let the Mask Speak」藝術展，大家可以見到MaskOn 唔同顏色嘅口罩化身成路牌、電車、本地手切肥牛等等 充分香港特色而且非常玩味，一定要去打卡！ MaskOn嘅口罩顏色一向都係潮人必備，採用四層高防護設計，絕對可以安心使用 除咗超人氣嘅梵高藍「Wintry」、爵士橙「Jazzy」同埋仙蹤綠「Wicked」三款口罩 今次亦隆重推出全新三款口罩，包括：嬉皮士黃「Chipper」、侘寂灰「Hazy」，同埋「Serene」！ 唔同風格嘅人士都可以搵到適合自己嘅顏色 開幕當日仲邀請咗全民造星十強參賽者AnsonBean嚟，果然係潮人必用嘅口罩品牌 MaskOn 時代廣場概念店 「MaskOn Gallery」 地址：銅鑼灣時代廣場B2層B232店 營業時間：11am – 9pm
