Open Tour
有百年歷史嘅漿糊工廠所製作嘅「Fueki漿糊仔」經常都推出唔同嘅產品 今次佢哋會喺日本大阪心齋橋店推出限定甜品「忌廉」同埋「雪糕」，將於11月20日開始發售！ 客人可以喺店鋪選擇自己鍾意嘅容器， 再用佢哋嘅忌廉機製作「Fueki軟忌廉」 好特別啊！ 雲呢拿、士多啤梨雲呢拿同朱古力雲呢拿口味就賣500円（含稅） 而高級抹茶就要600円（含稅） 除此之外，雪糕都好吸引！ 你同樣可以選擇你鍾意嘅容器， 配埋雪糕嘅顏色，打卡一流 雪糕每款都係賣600円（含稅） 口味分別有雲呢拿、蜜瓜、葡萄乾、抹茶、芒果、朱古力、橙同士多啤梨 Fueki商店 開幕日期：2020年11月20日星期五 營業時間：10:00 – 20：00 地點：心齋橋PARCO 9F東急Hands（大阪市大阪市中央區心齋橋筋1-8-3）
最近爆紅嘅日本動漫《鬼滅之刃》終於要開期間限定店啦！ 今次佢哋會喺尖沙咀K11購物藝術館入面同大家見面，Fans一定唔可以錯過 到時會有過百款人氣精品發售，當中全部都係官方授權貨品 當中嘅造型抱枕、主題T-shirt、Tote Bag 等等全部都好精美 除咗買嘢之外，其中達10米長嘅鬼殺隊九「柱」1:1 打卡牆齊集「岩、戀、風、蟲、炎、水、蛇、霞、音」九柱角色 一定會成為打卡熱點！ 依家只要購買兩款Tamashii產品，更可隨即獲贈燙金Postcard，機會難得 款款都收藏價值極高 好想帶哂佢哋返屋企！ 快啲去朝聖啦！ 《鬼滅之刃》期間限定店 開放日期：2020年11月27日至2021年1月10日 開放時間：上午11時至下午10時 地點：香港九龍尖沙咀河內道18號K11購物藝術館
DON DON DONKI 又有新分店啦！ 今次嘅新店選址山頂廣場，同以往嘅分店好唔同，全新店舖模式以日本屋台文化為主題，帶咗好多日式美食畀大家 呢間「情熱笑店 山頂廣場」將於 12 月 18 日隆重開幕，大家記得留意！ 作為首間「情熱笑店」，以日本祭典節慶常見嘅「屋台」市集為概念， 集合好多日本風味嘅小食攤，好似壽司、關東煮等等美食應有盡有 真係好似去咗日本祭典一樣！ 「情熱笑店 山頂廣場」嘅菜單會定期更新，新店仲有獨家美食供應 DON DON DONKI 亦將於 2020 年 12 月 18 日推出 DONKI 特別版八達通卡， 當中情熱笑店仲有獨家販售嘅款式，收藏價值極高！ 黑色款式：全線 DON DON DONKI 門市發售 山頂款式：情熱笑店 山頂廣場獨家發售 「情熱笑店 山頂廣場」 營業時間 : 上午 10 時至晚上 10 時 地址 : 香港山頂山頂道 118 號山頂廣場 1 樓 112-113 號舖
PlayStation大家平時就攞住佢個手把玩得多， 今次日本公司推出各種PlayStation造型用品，將手把化身為各種生活週邊！ 日本電競產品廠商MSY日前與英國供應商Paladone簽約， 成為佢哋嘅日本總代理商，仲獲得官方授權， 將會推出各式各樣PlayStation為形象嘅馬克杯、LED燈等！ 而第一彈販售時間將會係2020年10月30日， 最吸睛一定係呢個手把造型馬克杯！ 由PS4手把DUALSHOCK 4以及前幾代嘅PS手把為外型去設計~ 而且亦有PS手把外型嘅LED燈飾~ 著燈後散發淡黃嘅光線，啱晒夜晚臨瞓開著， 有收藏價值之餘又實用！ 而講到實用，都無嘢夠以下嘅PS4手把外型鬧鐘西利， 有型有格又實用，望落去都幾呃得吓人XD 最令人緬懷嘅仲有呢個「初代PS造型外盒PlayStation形象啤牌」！ 而第二彈販售時間就會係2020年11月13日，販賣造型燈飾或獎盃外型玻璃杯~ 造型燈飾超有時尚感，仲可以調較唔同嘅閃爍效果！ 獎盃造型玻璃杯透明浮紋嘅設計非常高雅特別！ 全部週邊都好能夠捉得住、保留得住PS嘅特色，真係幾得意！ 有興趣嘅記得要留意吓啦！
星之卡比入面嘅卡比擁有超強大吸取吞食能力， 不過今次就輪到佢要被人食啦XD 皆因京都點心名店「鶴屋吉信」與「星之卡比」合作，推出秋季限定「卡比手作最中餅」！ 最中餅其實係日本平安時代皇宮內嘅御用點心，望落有啲似紅豆餅， 但餅殼係由糯米整成，碾成粉後再蒸成麻糬狀細火烘烤，工序繁複費時得多~ 而今次嘅合作就將可愛嘅卡比印喺餅殼上，款款唔同表情超治癒！ 而且今次嘅產品有趣之處係佢仲可以親手DIY製作， 自己親自將日本國產栗子或紅豆填入餡料堆中~ DIY自己整嘅好處就係能夠將餅殼與餡料分開， 咁個餅殼就唔會因為被餡料潤濕而無咗香脆口感！ 餡料另外有容器裝住，可以自己揀每個餅落幾多，落多落少自己話事！ 將佢搭配埋甜品、雪糕一齊食都係個唔錯嘅選擇！ 官網：www.tsuruyayoshinobu.jp
嘩嘩嘩！又有主題Cafe開幕喇～ 今次要攻陷嘅係小熊維尼忠粉！ 日本最近推出小熊維尼主題Cafe，就座落喺新宿小田急百貨店10樓！ [instagram photo=”CFy1ZcFlzUl”][/instagram] 成間鋪頭以小熊維尼為設計概念， 連餐單都一樣有話題～ [instagram photo=”CGWJhudJZOj”][/instagram] 嚟到日本梗係要試吓維尼咖喱定食， 呢個用米飯做成維尼嘅造型～係咪好得意呢？ 而呢款維尼雞肉漢堡都一樣有睇頭㗎！ [instagram photo=”CGUb0wwD1Yq”][/instagram] 仲有人氣小熊維尼蜂蜜奶油意粉，味道令人無法抗拒啊！ 想豐富啲仲可以叫埋咁小豬沙律（番茄）或者跳跳虎沙律（南瓜紅蘿蔔）～ 特別推介大家可以試吓～專屬維尼嘅熱蜂蜜歐蕾！ 至於其他飲品咣賣相一樣好精緻～ 就算你唔諗著食嘢只係行吓，都好值得嚟～ 因為裡面售賣唔少周邊商品，公仔、文具、袋同衫都有， 相信你一定會愛不釋手！ （Photo Credit: www.yurindo.co.jp/storystory/） 小熊維尼主題Cafe 期間限定：2020年10月14日至2021年1月31日 地址：〒160-8001 東京都新宿区西新宿1-1-3 詳情：yurindo.co.jp [map url=”https://www.google.com/maps/embed?pb=!1m18!1m12!1m3!1d3240.412344528901!2d139.69733951555492!3d35.69146928019188!2m3!1f0!2f0!3f0!3m2!1i1024!2i768!4f13.1!3m3!1m2!1s0x60188cd73216696b%3A0x1634c74cd650f131!2sSTORY%20STORY!5e0!3m2!1szh-TW!2shk!4v1603377583267!5m2!1szh-TW!2shk”][/map]
「二十四節氣」反映着季節、氣候嘅變化， 大家都會以此作為轉季、養生嘅指標， 而呢個咁虛嘅概念最近竟然被日本藝術家實體化！ [instagram photo=”CAZQd6YnmHt”][/instagram] (小滿) 日本藝術家大橋忍，向來擅長於紙雕藝術，亦係呢方面嘅專家， 最近就特地為二十四節氣製作紙雕，重新詮釋~ [instagram photo=”CBCCvhcnS5_”][/instagram] (芒種) 佢以唔同大自然元素如花卉、草木、動物等，設計剪裁出各款彩繪玻璃質感作品， 呈現出各節氣嘅特色 [instagram photo=”CBrYnpAnEAo”][/instagram] (夏至) 每個作品都非常精雕細琢， 所有細節都非常仔細細膩，既有唯美夢幻感，又有詩情畫意於其中！ [instagram photo=”CCVMxZ0Hbwf”][/instagram] (小暑) [instagram photo=”CC7P8Dpntj_”][/instagram] (大暑) [instagram photo=”CDmuo8SH4eZ”][/instagram] (立秋) 其實節氣係中國古代用作指導農事嘅曆法， 體現到當時人們對大自然嘅順應，天人合一 [instagram photo=”CEOTDAOHgLS”][/instagram] (處暑) 現今已經少咗好多人以此指標農耕， 但呢個體現咗古人智慧嘅自然法則仍然好值得流傳落去， [instagram photo=”CEzKnbCMpzH”][/instagram] (白露) 大橋忍就選擇以呢種咁唯美嘅紙雕， 刻劃出唔同節氣嘅世界，讓更多人認識、了解節氣，真係好靚好特別，又好有意思~ [instagram photo=”CF_Fho-sXz9″][/instagram] 其實大橋忍由學生時期就開始咗紙雕創作計畫， 由選擇和紙、構思題材、設計草圖、剪裁都自己一手包辨 [instagram photo=”CC_MK0DHN5u”][/instagram] 除咗二十四節氣作品以外，佢仲有其他更多夢幻嘅作品， 近年更舉辦咗唔少作品展，大家都可以到佢IG睇更多作品！ 來源：大橋忍IG @shinobou084
無論你係「叮噹呀，誰都喜歡你，小貓也自豪」， 定係「隨意踏進這扇門」嘅年代都好～ 為咗慶祝日本經典漫畫多啦A夢（叮噹）50週年， 西武鐵道最近推出限定彩繪列車「DORAEMON-GO!」！ [instagram photo=”CGZWJgdHTUs”][/instagram] 多啦A夢彩繪列車一共由8個車廂組成， 將會行駛西武新宿線、拝島線及多摩湖線～ [instagram photo=”CGW9JU0ATxS”][/instagram] 除咗車頭以多啦A夢嘅貓鬚為造型之外， 喺呢個以經典藍色為主嘅車廂內， 仲可以隨時發現到多啦A夢法寶嘅蹤影添！ [instagram photo=”CGXMzrZl68T”][/instagram] 車廂之間嘅連接門更加設計成隨意門，相當特別！ [instagram photo=”CGGvYATJHuM”][/instagram] 車內仲有毛茸茸嘅座椅，同埋模仿多啦A夢小手所設計嘅車廂手環～ 真係好得意！係咪即刻勾起童年回憶啦？ [instagram photo=”CGPXc96AOo8″][/instagram] 列車由10月8號已經開始運行，暫時未公佈結束日期～ 唔知完咗疫情之後，大家仲有冇機會坐到呢？ [instagram photo=”CGMq0qqnIRx”][/instagram] 多啦A夢彩繪列車 日期 : 2020年10月8日起 運行路線 : 西武鐵道 新宿線、拝島線、多摩湖線 詳請：請按此
DON DON DONKI 分店愈開愈多！ 今次小編就精選咗10件$100內嘅食、用品介紹畀大家 全部都日本直送，而且仲勁平勁抵買，一定要入手！ 1.Bifesta卸妝潔膚紙套裝 $55 Bifesta卸妝潔膚紙一向都出名好用，平時一包都要$40幾蚊， 今次呢款中環店限定套裝只售 $55，除咗有一包卸妝潔膚紙，仲送咗兩枝洗面膏同埋卸妝紙旅行裝 啱哂帶Staycation用，勁抵呀！ 2.角落生物小童口罩 $32 今次呢款角落生物小童口罩有兩種顏色 用咗三層不織布防菌材質製成，仲有BFE/PFE/FFP1認可 安全又好用，而且外型咁得意，必買！ 3.出前一丁「和味拉麵之旅杯麵套裝」$66 知道大家好掛住日本嘅拉麵，出前一丁特意推出「和味拉麵之旅杯麵套裝」 參照咗日本極具特色嘅拉麵設計，每盒都有7款人氣口味嘅拉麵 加埋出前一丁招牌彈牙麵條，好似返咗去日本一樣！ 而且每盒都有一個杯碗蓋專用嘅清仔，勁得意 4.牛肩扒 $50 最近多咗喺屋企整嘢食，呢塊日本牛肩扒就啱哂你啦 250g只係賣$50蚊，啖啖肉真係好吸引 平時出去食個日本牛嘅飯都唔止呢個價 5.森林雞 $40 森林雞嘅意思係以天然飼料餵食嘅雞，以樹皮炭混合木酢液而成嘅森林酢比一般醋嘅功效多300倍， 而且森林雞有豐富維他命e，可以防止細胞老化 $40買嚟試下都唔錯，而且比一般雞更有雞味！ 6.壽司拼盤 $72 DONKI嘅壽司一向都CP值好高 呢款拼盤只需$72就有10件，而且款式好多，勁吸引 7.三分鍾深層清潔面膜 $39 日本大熱嘅去角質面膜，一包有7片，只係賣$39 CUTTING貼面之餘功效仲好好，必買！ 8.ELLIPS HAIR VITAMIN $17 超受歡迎嘅日本護髮精油膠囊， 含有豐富蘆薈油、維生素，可以滋養頭髮，同埋打造柔軟貼服嘅效果 仲可以防止紫外線對頭髮嘅傷害，絕對係好物之選 9.白岳. 球磨燒酎 (熊本熊) $78 日本酒一向都有品質保證 配埋熊本熊包裝，勁加分，送禮定收藏都好OK 10.蟹膏 $68 […]
