• Mon. Jun 1st, 2026
    • '

    Tag: 日本旅遊

    2021年夏天就有得玩！富士急樂園全新設施 Fujiyama Tower｜日本旅遊｜放假去邊

    日本富士急樂園即將踏入25周年喇！ 樂園而家將維修檢查塔改建成全新遊樂設施——Fujiyama Tower，預計2021年夏季就可以登場！ 到底呢個新設施有咩咁吸引？小編唔賣關子喇！ 呢個展望台（Fujiyama Tower）全長兩公里，仲同時有3種玩法！ 鍾意刺激嘅朋友可以試吓玩過山車，就喺展望台路軌側邊， 最高點更有成79米㗎，真係好難唔叫出聲喎！ 仲可以直接上最頂層高55米嘅露天展望台！ 富士山嘅全景一覽無遺，以超近距離同玩緊過山車嘅朋友打招呼都仲得啊～ 至於展望台下層係遊樂設施——Fujiyama Walk， 可以圍著展望台空中散步，正啊！ 而最後就係Fujiyama Ama Slider，由展望台直達地面嘅滑梯， 未玩已經覺得好興奮！ 你係咪都好期待Fujiyama Tower嘅開幕呢？ Fujiyama Tower (FUJIYAMAタワー) 地址：山梨縣富士吉田市新西原 5-6-1 富士急樂園 預計開幕日期：2021年夏季 [map url=”https://www.google.com/maps/embed?pb=!1m18!1m12!1m3!1d3248.7007696062014!2d138.7783624152105!3d35.48694668024002!2m3!1f0!2f0!3f0!3m2!1i1024!2i768!4f13.1!3m3!1m2!1s0x601960eacac8b82f%3A0x47ca3021adc03730!2z5a-M5aOr5oCl44OP44Kk44Op44Oz44OJ!5e0!3m2!1szh-TW!2shk!4v1609258340005!5m2!1szh-TW!2shk”][/map] Photo Credit: www.fujiq.jp

    author

    便利店新品！人氣布丁雪糕蛋糕 銅鑼燒包著吉士醬+布丁雪糕超吸睛！｜日本美食｜放假去邊

    呢排天氣好似凍咗？咁你有冇聽過「以冷制冷」呢？ 喺日本擁有超過百年歷史嘅品牌——井村屋Kasanel， 最近強勢推出呢款布丁雪糕蛋糕！ [instagram photo=”CH1wE8cgjEw”][/instagram] 鬆軟嘅銅鑼燒餅皮，裡面夾著味道順滑又濃郁嘅吉士口味雪糕， 仲淋埋布丁必備嘅焦糖添！ [instagram photo=”CHK-0cTAFod”][/instagram] 未放入口都已經聞到陣陣嘅雞蛋同牛奶味， 再配埋焦糖獨特嘅香氣，絕對係誠意之作！ [instagram photo=”CHEpvzLjaZS”][/instagram] 每一啖嘅層次都好豐富！ [instagram photo=”CIcvIYBh074″][/instagram] 呢款新產品喺日本便利店已經買得到！ 唔知幾時先可以喺香港食到呢？ [instagram photo=”CHRhA9VA6Qf”][/instagram]

    author

    打邊爐暖笠笠～北海道新火鍋店 嘆超人氣熊仔火鍋套餐！｜日本美食｜放假去邊

    呢排天氣又涼咗，又係時候打邊爐喇！ 日本北海道札幌開咗一間新火鍋店， 佢哋嘅熊仔造型湯底火鍋成為主打！ [instagram photo=”CGcU5nnBbyV”][/instagram] 有熊仔浸著溫泉嘅主題造型，化身成火鍋湯底～ 真係萌到爆！ [instagram photo=”CB7RAHtpSfM”][/instagram] 自然吸引大批少女嚟打卡呃like啦！ [instagram photo=”CE__K1QnHxX”][/instagram] 呢個1人份量嘅熊仔火鍋套餐性價比亦相當高！ [instagram photo=”B_pKhl2pdfb”][/instagram] 6種顏色嘅熊仔湯底代表著唔同口味～ 有鏗魚、激辣湯、蕃茄湯、檸檬雞、椰子雞、豆乳湯底～ [instagram photo=”CCA494mAh_Z”][/instagram] 除咗任選一款熊仔湯底之外， 仲包咗北海道產嘅牛肉、雞肉、豬肉同蔬菜～ [instagram photo=”CIAwbN4BthP”][/instagram] [instagram photo=”CCLpMVfJc7m”][/instagram] 仲可以三揀一：餃子/拉麵/年糕 每份只需要1890日圓，就食得咁豐富！ [instagram photo=”B_Plm0LJm2Z”][/instagram] 下次去北海道旅行嘅你，不妨嚟一試！ [instagram photo=”B-wHggqJU3e”][/instagram] 北海道めんこい鍋くまちゃん温泉 地址：〒064-0806 北海道札幌市中央区南６条西４丁目1-10 [map url=”https://www.google.com/maps/embed?pb=!1m18!1m12!1m3!1d11661.797106628579!2d141.3449731905642!3d43.0530175679746!2m3!1f0!2f0!3f0!3m2!1i1024!2i768!4f13.1!3m3!1m2!1s0x5f0b29c8576e933d%3A0x367a9987038ece94!2z5YyX5rW36YGT44KB44KT44GT44GE6Y2LIOOBj-OBvuOBoeOCg-OCk-a4qeaziQ!5e0!3m2!1szh-TW!2shk!4v1606571059189!5m2!1szh-TW!2shk”][/map]

    author

    期間限定！日本神戶飯店巨型千層草莓蛋糕慶聖誕｜日本美食｜放假去邊

    話咁快仲有兩個月又到聖誕節喇！ 唔少商店都睇準時機，陸續已經開始宣傳聖誕限定食品同商品～ 就好似日本神戶北野飯店，最近宣佈將會喺今年11月1號提前舉行聖誕派對晚會「ナイトデザート Private Party ～Christmas～」 今次派對會提供大約17款甜品同10款料理餐點～ 其中一個賣點，就係呢個超級巨無霸嘅千層士多啤梨蛋糕「ミル・ミルフィーユ」！ 蛋糕除咗頂部之外，每一層都鋪滿大大粒新鮮嘅士多啤梨！ 果然夠哂睇頭！ 酥脆嘅蛋糕餅皮，仲有順滑嘅奶油，齋望相都已經流哂口水～ 但咁大件蛋糕，大家都係唔好諗著自私食喇～ 一於call齊朋友嚟KO佢啦！ 到時飯店亦會準備好多精緻嘅小甜品，當中就有唔少係以士多啤梨做主題～ 除咗甜品之外，仲有以歐式家庭料理嘅餐點，例如係愛爾蘭嘅傳統開胃菜「Colcannon」、俄羅斯牛肉特羅加諾、羅宋湯等，異國風味100分！！ 如果有機會去日本旅行，大家千祈唔好錯過啊～ 圖片來源：Fashion Press ナイトデザート Private Party ～Christmas～ 開幕期間：2020年11月1日至12月22日 時間：下午6:00至晚上9:30（最後點餐時間為晚上8:30） 地點：神戸北野ホテル ダイニング[イグレック] (飯店地址：兵庫県神戸市中央区山本通3-3-20 1F)

    author

    史上最高！雙十一「品客日」特製薯片筒161cm玩味十足｜日本趣聞｜放假去邊

    11月11日除咗係光棍節之外，仲係掃貨好時機。 但原來喺日本亦係Pocky Day～ 零食品牌——品客更將呢日定為「品客日（Pringles Day）」，仲特製咗一個161cm高嘅薯片筒去慶祝添～ 呢個高度嘅薯片筒，其實係參照旗下品牌代言人——喜劇演員兼Youtuber「FUWA フワちゃん」嘅身高～ 見到咁高嘅薯片筒，真係想「嘩」出聲！ 不過唔係想買就有～要參加抽獎先有機會㗎！ 幸運兒有11位，被選中嘅人會根據佢哋嘅身高而特製薯片筒！ 裡面仲裝滿芝士味薯片，咁大筒食極都仲有！ 如果真係拎出街，相信都幾引人注目～ 不過你冇佢有，又真係幾威嘅！ 下年雙十一如果再有抽獎，你會唔會想參加呢？

    author

    今個冬天甜到入心！日本McCafé X GODIVA聯合推出限定飲品｜日本美食｜放假去邊

    日本麥當勞McCafé最近同知名比利時朱古力品牌GODIVA合作， 喺日本麥當勞旗下嘅「McCafé by Barista」就可以試到期間限定飲品Espresso Frappe！ [instagram photo=”CH_iopKBGGb”][/instagram] 今次仲揾嚟駐日本GODIVA朱古力大師Yannick Chevolleau做監測， 以唔同嘅方法去處理朱古力粉、濃縮咖啡，同埋牛奶，製成朱古力沙冰， 上面仲淋上Couverture朱古力醬添！ [instagram photo=”CIAsxdrAYge”][/instagram] [instagram photo=”CHwdWv_Ffai”][/instagram] 仲未夠！另一款放埋充滿香草味嘅馬卡龍， 賣相更吸引啊！ [instagram photo=”CIAPbw4M8Vp”][/instagram] [instagram photo=”CIA6wVWg1zN”][/instagram] 濃厚嘅朱古力味，仲有濃縮咖啡嘅香氣， 真係睇見都心動！ 絕對比得上其他連鎖咖啡店嘅質素～係咪好想試呢？ [instagram photo=”CIA6xXinfwh”][/instagram] McCafé X GODIVA限定飲品 期間限定：2020年11月25日至2021年1月中旬 地址：日本 McCafé by Barista 詳情：官網

    author

    2020打卡必到！東京晴空塔城40萬燈球打造浪漫聖誕｜日本旅遊｜放假去邊

    一年容易又聖誕！今年你哋諗到點慶祝未呢？ 日本東京晴空塔城已經率先公佈咗2020年聖誕燈飾活動喇！ 等小編話你知有咩亮點啦～ 今年成個東京晴空塔鎮都被大約40萬個聖誕球照亮， 化身成全球最大聖誕樹～ 務求營造出冬日最浪漫氣氛！ 晴空塔仲會推出限定點燈造型， 呈現出綠色嘅香檳天空樹(左圖)同埋以燭火為概念嘅「蠟燭樹」(右圖) 呢個係熱門打卡位，以晴空塔為背景～ 想影出最閃亮嘅照片，當然冇難度啦！ 而晴空塔展望樓層天望甲板350樓到時亦會舉辦聖誕限定投影節目， 由玻璃窗製成110米高x200米闊嘅大屏幕， 播放聖誕限定視頻！ 仲有！如果你幸運嘅話，有機會見到清潔天窗嘅聖誕老人～ 不過呢個機會真係可遇不可求㗎！ 喺晴空塔天文台4樓入口亦掛上唔少聖誕裝飾， 到時大家記得唔好錯過喇！ Skytree Town Dream Christmas 2020 期間限定：2020年11月6日至12月25日 地址：東京晴空塔鎮 詳情：官網 [map url=”https://www.google.com/maps/embed?pb=!1m18!1m12!1m3!1d3239.6566075690243!2d139.80851171556333!3d35.71006703599682!2m3!1f0!2f0!3f0!3m2!1i1024!2i768!4f13.1!3m3!1m2!1s0x60188ed0d12f9adf%3A0x7d1d4fb31f43f72a!2z5p2x5Lqs5pm056m65aGU!5e0!3m2!1szh-TW!2shk!4v1603622548750!5m2!1szh-TW!2shk”][/map]

    author

    日本箱根新開幕酒店！極奢華半露天私人溫泉任你嘆｜日本旅遊｜放假去邊

    就嚟冬天喇！係咪好想去日本浸温泉呢？ 東京箱根向來都有好多大大小小嘅温泉酒店， 嚟近11月輪到「Hakone Nica」新開幕，等小編話你知有咩亮點啦！ 呢間酒店位於強羅．宮城野溫泉區～ 雖然成間酒店得8間客房，但每間客房都有半露天嘅私人風呂！ 溫泉水仲係直接由地底源泉流入泉池， 所以唔洗離開自己間房都可以舒舒服服浸温泉， 私隱度果然夠哂高！啱哂想靜靜地享受私人時間嘅你～ 酒店餐廳仲可以欣賞到大自然景觀， 坐喺度食早餐夠哂享受啊～ 除此之外，仲有酒吧、Lounge等設施， 同埋作為婚禮場地嘅戶外觀景台～ 睇完係咪好心動，想豪住返一晚呢？ 箱根溫泉旅館 Hakone Nica 開幕日期：2020年11月12日 地址：神奈川県足柄下郡箱根町宮城野1358-35 詳情：官網 [map url=”https://www.google.com/maps/embed?pb=!1m18!1m12!1m3!1d3258.072118157685!2d139.0550752501695!3d35.254461580199354!2m3!1f0!2f0!3f0!3m2!1i1024!2i768!4f13.1!3m3!1m2!1s0x6019a1d8e64307bf%3A0xd964fcd88048b56d!2sHAKONE%20NICA!5e0!3m2!1szh-TW!2shk!4v1603901980062!5m2!1szh-TW!2shk”][/map]

    author

    日本多啦A夢便條紙 呈現立體輪廓充滿驚喜感！｜日本購物｜放假去邊

    粉絲們注意，多啦A夢有新品推出喇！ 今次係由日本知名紙藝術便條紙廠商Omoshiroi Block發行！ 每張紙都係經過精細工法設計而成，好高質㗎！ 作為備忘錄又得，小卡片又得～ 而當你撕開一張又一張，你會發現多啦A夢嗰樣慢慢呈現出嚟！ 撕到最後一張嘅時候，亦即係第150張嘅時候～ 立體多啦A夢嘅輪廊就會完整出現喺你面前！ 真係令人好有驚喜啊！ 相信連平時唔鍾意寫字嘅人都可能被呢款便條紙吸引～ 係咪好想擁有呢？ 本身呢件商品要喺12月先正式推出㗎， 但而家喺未來百貨商店已經有得售賣！ 有興趣就入手啦～ (Photo Credit: dora-world.com) 多啦A夢便條紙 詳情：dora-world.com

    author

    萌爆全城！小熊維尼期間限定主題Cafe｜日本美食｜放假去邊

    嘩嘩嘩！又有主題Cafe開幕喇～ 今次要攻陷嘅係小熊維尼忠粉！ 日本最近推出小熊維尼主題Cafe，就座落喺新宿小田急百貨店10樓！ [instagram photo=”CFy1ZcFlzUl”][/instagram] 成間鋪頭以小熊維尼為設計概念， 連餐單都一樣有話題～ [instagram photo=”CGWJhudJZOj”][/instagram] 嚟到日本梗係要試吓維尼咖喱定食， 呢個用米飯做成維尼嘅造型～係咪好得意呢？ 而呢款維尼雞肉漢堡都一樣有睇頭㗎！ [instagram photo=”CGUb0wwD1Yq”][/instagram] 仲有人氣小熊維尼蜂蜜奶油意粉，味道令人無法抗拒啊！ 想豐富啲仲可以叫埋咁小豬沙律（番茄）或者跳跳虎沙律（南瓜紅蘿蔔）～ 特別推介大家可以試吓～專屬維尼嘅熱蜂蜜歐蕾！ 至於其他飲品咣賣相一樣好精緻～ 就算你唔諗著食嘢只係行吓，都好值得嚟～ 因為裡面售賣唔少周邊商品，公仔、文具、袋同衫都有， 相信你一定會愛不釋手！ （Photo Credit: www.yurindo.co.jp/storystory/） 小熊維尼主題Cafe 期間限定：2020年10月14日至2021年1月31日 地址：〒160-8001 東京都新宿区西新宿1-1-3 詳情：yurindo.co.jp [map url=”https://www.google.com/maps/embed?pb=!1m18!1m12!1m3!1d3240.412344528901!2d139.69733951555492!3d35.69146928019188!2m3!1f0!2f0!3f0!3m2!1i1024!2i768!4f13.1!3m3!1m2!1s0x60188cd73216696b%3A0x1634c74cd650f131!2sSTORY%20STORY!5e0!3m2!1szh-TW!2shk!4v1603377583267!5m2!1szh-TW!2shk”][/map]

    author