為紀念Starbucks登陸日本20週年，Starbucks推出「日本地理系列（ジャパン ジオグラフィーシリーズ）」 仲係地區限定! 如果想儲齊一套，睇怕要走均咁多個縣啦！ 杯上面嘅圖案以該縣嘅名產同特色嚟設計，呢個諗頭真係一級棒!! 「日本地理系列」以日本其中13個地區為主題，每個地區均有自己嘅代表色，杯上圖案亦以該區土產同特色做主題，好有代表性！ 小編最鍾意呢個系列嘅Starbucks咭！夠Colourful夠搶眼！細心睇，所有咭嘅設計都落足心思。 13個地區嘅設計，唔知你又鍾意邊款呢？ 以淺藍色代表北海道嘅雪地，加上雪橇、除雪車同麋鹿嘅圖案，展現雪國北海道。 以黃綠色代表東北部嘅仙台市，圖案為爵士樂手。 以啡色代表以麵豉料理而聞名嘅名古屋。 以藍白間條水手風代表擁有美麗海濱嘅橫濱市。 以黑色做背景，突顯以紅色為代表嘅藝妓同祗園景色，呈現古城京都之美。 ⇇ 編輯部至愛! 沖繩縣當然要用海藍色做代表! 陽光與海灘的活力! 保溫杯：日元4,200円（約HKD$317） 隨行杯：2,000円（約HKD$151） 咖啡杯：1,800（約HKD$136） Starbucks卡最低充值額：日元1,000円（約HKD$76） 52款產品將於10月12日在日本13個地區限定發售：北海道、宮城縣、東京都、神奈川縣、石川縣、長野縣、愛知縣、京都、大阪、兵庫縣、廣島縣、福岡縣及沖繩縣 詳情請參閱官網！ 官網及來源：starbucks.co.jp ——————————– 放假去邊 更多好介紹: Facebook Instagram
