Open Tour
打麻雀可謂係香港人日常至愛，簡直係會打到沉迷~ 日本人對麻雀嘅熱愛都不可小覷，喺日本一個婚禮就驚現超逼真「麻雀結婚蛋糕」~ 呢對新人入面嘅新郎哥熱愛日本漫畫《麻雀飛龍伝説 天牌》，於是準備咗超精緻麻雀蛋糕~ 張相被人upload到Twitter後，就有眼利嘅網友發現係《天牌》入面曾出現過嘅牌面 牌面最特別嘅係三家都叫緊糊，所以新人完全出唔到牌！ 最後新娘索性喺對家嘅牌面上切開蛋糕！ こんなにもったいないケーキ入刀は見たことがなかった。史上最強の何切る問題。 pic.twitter.com/sn0hEwNfu3 — 小車 祥 (@minicar229) 2019年6月30日 Upload嘅推主都話係「史上最難解，無論點切都成問題」XD 真係一個好有趣嘅結婚蛋糕，有得食之餘有得娛樂大家！而且其實細心啲睇個蛋糕嘅細節位都整得好靚！ 來源：Twitter @minicar229
玩過層層疊嘅都知，將積木堆起一座塔，玩家要輪流抽出一舊，再繼續向上疊起，邊個整塌成座邊個就輸。 日本就有網友破天荒用五花肉嚟整層層疊！ 日本網友@Yoikohyakka喺Twitter上分享咗呢款「角煮層層疊」嘅相~ 切得方方正正嘅五花肉係角煮，一種日本九州長崎嘅特產料理，係杭州東坡肉傳到日本後嘅變種~ 角煮のジェンガです pic.twitter.com/8NjCouPGbd — Rokusan (@Yoikohyakka) 2019年11月20日 係咪好神奇，點解可以咁勁將油膩嘅五花肉砌成塔？ 相信眼利嘅你會睇得出其實係模型嚟！ 呢個層層疊係喺東京晴空塔專門展示食物模型嘅店內影嘅~ 雖然好難整到五花肉塔，但就有網民成功整到食得嘅薯仔疊疊樂XD 小編再次佩服日本人嘅創意！大家喺家都不妨試下整啦！ 來源：Twitter @Yoikohyakka
每個人身邊總有個食肉獸朋友，但究竟有幾鐘意先會將佢地帶埋喺身呢 !? 創意力無窮嘅日本人再次震驚千萬人，日本雜貨店「Village vanguard」最近就推出咗一系列以牛肉為主題嘅用品，成塊肉印喺上面！ 咩住呢個牛肉書包出街，絕對會令見到嘅途人流哂口水，即刻要去食肉止止癮！（日圓¥4212，~HKD$305） 唔想咩書包咁張揚，帶個細細地耳環裝飾下又得！（日圓¥1404，~HKD$100） 呢個髮夾帶喺頭上應該都幾突出，可以扮下cutie XD（日圓¥933，~HKD$68） 牛肉橡筋夠哂特別，唔洗再怕比人jam走（日圓¥890，~HKD$65） 如果以上嘅飾物仔唔啱你用，呢個五花肉/蔬菜筆袋都非常吸睛！（日圓¥1490，~HKD$108） 如果你覺得上面嘅所有用品都表達唔到你對肉嘅愛意，牛肉緊身褲就係最好嘅選擇啦！（日圓¥4536，~HKD$330） 著住佢出街，絕對會成為整條街嘅焦點！ 呢啲牛肉product真係好特別！不過好唔好睇就見仁見智啦哈哈！ 網址: vvstore.jp
