最近日本三菱地產公佈咗「東京站前常盤橋再開發計劃」， 喺東京車站周邊將會發展Tokyo Torch (東京火炬塔)， 預計2027年就會落成！！ 呢座Tokyo Torch有成390米高，合共63層～ 一旦落成，呢座建築物就會超越大阪阿倍野Harukas， 成為全日本最高嘅摩天大樓！！ Tokyo Torch 1樓到8樓將會增設戶外通道， 仲有埋室外造景，夠哂睇頭啊！ 至於中層主要係辦公大樓， 而最高62樓同戶外頂樓將會係展望設施~ 如果天氣好嘅話，仲可以睇到東京灣同富士山嘅景色！ 而今次三菱地產仲會喺東京車站附近， 同時發展常盤橋Tower、變電所、下水道局三座特色建築～ 其中常盤橋Tower更加設有温泉設施㗎！ 值得一提係， 喺Tokyo Torch同常盤橋Tower之間亦會有一個超過6,000平方米嘅空間， 將會打造成公園、錦鯉水池，等大家可以放鬆一下～ 到時大家仲可以沿著Tokyo Torch散步到達空中花園～ 係咪好期待呢個新地標呢？ 等2027年落成後，一於去朝聖啦！ (圖片來源：三菱地產) INFO 地址：東京都千代田区大手町2丁目、中央区八重洲1丁目 預計建成時間：常盤橋Tower (2021年6月)、Toyko Torch (2027年)、變電所、下水道局 [map url=”https://www.google.com/maps/embed?pb=!1m18!1m12!1m3!1d1620.340174631673!2d139.76859630817566!3d35.684871995048375!2m3!1f0!2f0!3f0!3m2!1i1024!2i768!4f13.1!3m3!1m2!1s0x60188bfee3316997%3A0x2665d3fbc3ea5b2c!2zMi1jaMWNbWUtNiDFjHRlbWFjaGksIENoaXlvZGEgQ2l0eSwgVG9reW8gMTAwLTAwMDTml6XmnKw!5e0!3m2!1szh-TW!2shk!4v1617368045387!5m2!1szh-TW!2shk”][/map]
