• Mon. Jun 1st, 2026
    • '

    Tag: 泡菜

    【香港】首間韓國泡菜專門店登陸尖沙咀！20款特色泡菜！｜香港美食｜放假去邊

    各位泡菜迷注意喇！新世界韓國食品首間泡菜專門店「Kimchi Factory」登陸尖沙咀，售賣超過20款特色口味泡菜，包括來自北韓嘅秘製泡菜！ 來自北韓平壤「平安道」代表白切片Kimchi（圖：右1），同樣來自北韓「黃海道」出產嘅Kimchi係菜包肉蘿蔔絲（圖：左1）。而上面嘅Kimchi分別係韭菜（圖：右上）來自「慶尚道」，而隔離果個就係來自「全羅道」嘅突山盛產嘅芥菜Kimchi。 以上呢幾款Kimchi分別係來自南韓「京畿道」三角蘿蔔（圖：右上1）、青瓜Sobagi（圖：左下1）、蘿蔔仔（圖上：中間）、蘿蔔葉（圖：右下1） 新張期間更有限量優惠$10泡菜，大家留意番優惠$10將會每日都供應唔同口味嘅泡菜，而健康產品8折、E-shop消費即送9折優惠券。 買店舖自家製嘅醬醃牛排骨、五花肉或辣醬豬肋骨仲有買二送一優惠~ K-Health 專區，多款韓國人氣健康產品。 店內除咗有多款泡菜售賣之外，更有很多特色拌菜。 呢款燒酒係店內韓國店員強烈推介，口味獨特，仲有粟米同水果味燒酒。 開張期間，大家仲可以喺度用店家準備嘅道具影相放上Instagram。   新世界韓國食品公司「 Kimchi Factory」 地址：尖沙咀金巴利街 3B號鋪 營業時間： 星期一至六 早上 10時至晚上 9時 星期日休息 查詢電話：2311 3983

    author

    【食譜】新食法！一文教你整邪惡芝士泡菜紫菜包飯｜香港美食｜放假去邊

    平時食嘅紫菜包飯多數都以健康食材為主 今次一於搞搞新意思，試下呢個超邪惡食法 一齊學整芝士泡菜紫菜包飯！ 材料︰ 紫菜3塊、雜菜適量、泡菜300g、午餐肉150g、糖2湯匙、紅辣椒粉3湯匙、麻油1湯匙、栗米粒100g、芝士100g、蛋黃醬50g、米飯 做法︰ 1.將午餐肉放入鍋中，翻炒，然後加入泡菜 2.加入糖和紅辣椒粉，然後翻炒，再加入米飯 3.加入麻油，混合製成泡菜炒飯 4.將栗米粒、蛋黃醬、糖、胡椒粉同芝士放入碗中，喺微波爐叮3分鐘 5.將泡菜炒飯捲起來做紫菜包飯，然後加入融化嘅芝士 影片來源︰ 쿠캣 – COOKAT

    author

    【食譜】必學韓國小菜！泡菜豬肉五花腩｜香港美食｜放假去邊

    韓國好多嘢都好好食 今次就學下整呢個泡菜豬肉五花腩，配飯一流 材料︰ 豬肉五花腩、泡菜、青椒、鳳尾魚湯500ml 調味料：紅辣椒粉2湯匙、醬油2湯匙、紅辣椒醬1湯匙 做法︰ 1.用紅辣椒粉、醬油、紅辣椒醬調味 2.散開泡菜，並捲起五花肉 3.將豬肉捲泡菜放入鍋中 4.加入500毫升鳳尾魚湯，加調味料煮沸 5.放入切成薄片的青椒即成 影片來源︰ 쿠캣 – COOKAT

    author

    【食譜】韓國美食達人教你整吞拿魚泡菜炒飯｜香港美食｜放假去邊

    有無試過喺泡菜炒飯入面加吞拿魚？ 原來味道好夾！ 一齊試下整吞拿魚泡菜炒飯啦 材料︰飯1碗、泡菜半碗、吞拿魚1小罐 調味料︰糖1湯匙、醬油1湯匙、紅辣椒粉半湯匙、牛油 做法︰ 1.將油放入鍋中，用中火炒泡菜 2.再加入糖、紅辣椒 3.加入吞拿魚，翻炒後加飯拌勻，之後加入醬油，煮沸後再混合 4.攪拌1〜2分鐘，然後關火 7.根據自己的喜好添加麻油/紫菜粉即成 影片來源： 하루한끼 one meal a day

    author

    【食譜集合】邊睇韓劇邊食韓國菜！一齊學整五款簡單韓國美食｜香港美食｜放假去邊

    成日睇韓劇時都見劇入面嘅韓國菜好吸引，好想自己試吓整！ 今之小編就集合咗五款簡單韓國美食嘅食譜，等你喺屋企都可以邊睇韓劇邊食韓國菜 泡菜芝士炒飯 食材︰泡菜3湯匙、煙肉2片、芝士適量、蔥花2湯匙、蛋1隻、泡菜汁3湯匙、韓式辣醬（口味輕淡1/2湯匙）1湯匙、黑糖（砂糖）1湯匙、韓國麻油適量 做法︰ 1.準備食材 2.將醬汁：泡菜汁3湯匙、糖1湯匙、韓國辣醬1湯匙混合均勻備用 3.泡菜用剪刀剪碎 4.煙肉剪成小條狀 5.熱鍋下將煙肉煎至微焦 6.將泡菜炒2分鐘至入味 7.加熱飯去炒勻 8.再加醬汁炒勻 9.喺鍋邊淋上1湯匙韓芝麻油炒 10.將1/2蔥花炒即可盛至飯碗塑型 11.煎荷包蛋盛起備用 12.將飯碗倒扣鍋中，再放上芝士待溶化 13.擺盤上桌、食嘅時候趁鍋熱拌勻將蛋拌熟 韓式紫菜包飯 食材︰紫菜2-3張、午餐肉1罐、雞蛋幾隻、韓式醃蘿蔔1包、蟹柳適量、白飯適量、麻油適量、鹽適量 做法︰ 1.將午餐肉切好就可以煎香 2.將蟹柳煎香 3.將雞蛋煎成蛋卷 4.將白飯煮好放到大碗中加入麻油 5.將蛋卷降溫後可以切條 6.預備壽司卷用席，紫菜＞白飯＞餡料 7.將飯捲起來 8.捲好後，切成平均厚度 自製韓式泡菜 ( 4人份量 ) 食材︰大白菜1.5kg、紅蘿蔔1條、白蘿蔔半條、青蔥3棵、韓式辣椒碎50g、魚露20毫升ml、糖15g、洋蔥1個、雪梨半個、水60ml、白飯3大匙、蒜頭6瓣 做法︰ 1.將大白菜洗淨，切成小塊，再加入鹽，靜置一個小時 2.將菜沖洗兩次，再徹底瀝乾水份 3.將所有醬料材料放入攪拌機內，拌勻成糊狀 4.將蘿蔔切幼絲，青蔥切碎，放入大碗內 5.將所有材料和醬料徹底拌勻 6.將泡菜放入已洗淨的玻璃玻璃瓶內，待在室溫陰涼處兩天 7.放入冰箱內醃三至五天便可享用 韓式無骨炸雞 食材︰雞胸肉2盒（約600g)、米酒2大匙、白胡椒粉1小匙、鹽1小匙、蒜泥1小匙、裝飾白芝麻1大匙 醬汁︰韓式辣醬2大匙、味醂4大匙、蜂蜜2大匙、蒜泥1大匙 粉漿︰酥炸粉1.5杯（糧米杯）、水1杯 做法︰ 1.切好雞肉，加入2大匙米酒、1小匙白胡椒粉、1小匙蒜泥、1小匙鹽抓勻備用 2.1杯水加1杯半的酥炸粉調勻備用 3.喺粉漿中放入醃製好嘅雞肉 4.起油鍋，等待油溫到達180度，就可以開始炸 5.2大匙韓式辣醬+4大匙味霖+2大匙蜂蜜+1大匙蒜泥拌勻備用 6.將炸好嘅雞塊同醬拌勻，之後撒上白芝麻，再拌勻 7.擺盤完成 韓式海鮮泡菜煎餅 […]

    author

    炑八韓烤進駐黃大仙~ 頂級韓牛主題店!| 香港美食 | 放假去邊

    炑八韓烤黃大仙中心新店開幕喇~ 同其他分店唔同，黃大仙呢間係韓牛主題店，新產品包括有：1++韓牛拼盤、近期大熱Strawberry Tower、香芒橙汁同西柚汁！ 其他分店無架！梗係要去試下啦！ 全部都係牛～炑八嘅牛全部都係由韓國直接入口嘅頂級優質1+或1++靚牛！ 記者：Jaime   新產品首選推介：1++韓牛拼盤($568)！ 包括有貝身肉、肩胛肉、西冷、牛五花肉～ 一次過試哂四種不同部位！啱哂幾個friend一齊share！ 真係超好食～～！！！ 韓牛有五個等級，而1++就係最頂級！！ 肉質非常嫩滑，肉汁又勁Juicy，油脂分佈平均，入口即溶！！ 四種部位都有唔同口感！可以試到唔同厚薄、唔同油脂數量嘅韓牛～ 三款調味料－豉油、鹽、大醬，仲有生菜可以包住食～ 不過店員就建議落少少鹽就咁食，食韓牛原本嘅滋味！ 介紹埋個前菜～好豐富，份量好足！有胡麻沙律、泡菜、芽菜、蘿蔔等！ 小編覺得個胡麻汁好好味，泡菜味道亦醃得適宜！ 燒烤爐邊仲有兩格，一邊係芝士粟米，一邊係雞蛋泡菜。係無限任添㗎～～！ 芝士拉到絲～啱哂一眾芝士迷！雞蛋泡菜有驚喜，好食！ 除此之外，爐邊有鐵網可以放已熟咗嘅牛肉，咁就唔怕燒得過熟啦！設計勁貼心！ 另外，小編亦推介特大牛小排 ($178)～ 價錢比較相宜，但份量絕對唔輸蝕！牛小排有25cm咁長！成塊燒烤板咁大！ 烤一烤啲油香出哂嚟！ －－ 食韓燒又點少得飲品呢，黃大仙呢間分店就特別有Strawberry Tower、西柚汁及芒果香橙汁！ 當然，一貫有嘅梳打飲品、其他韓式罐裝飲品都一樣有啦！ 超級推薦呢杯Strawberry Tower($68)！好味程度十粒星！！！ 底層係士多啤梨沙冰，上面就有打到勁滑嘅cream同韓國新鮮士多啤梨，睇到都知足料！ 又飲得，又食得！小編大愛！！ 唔嗜甜嘅朋友，可以選擇西柚汁、芒果香橙汁，夠哂健康清爽～ 呢杯芒果香橙汁，入面有水果鮮榨嘅粒粒，堅係新鮮果汁！ 仲有呢杯魔法梳打～ 一開始係深色，然後店員加咗一杯細細嘅檸檬酸，飲品就變~變~變~色！ 原來飲品係用藍蝶花為食材，加檸檬酸，就會變色囉！ 未飲以為係巨峰提子味，店員話係糖味黎㗎！ 但食慣好甜嘅人可能會覺得佢冇咩味喔～ (小編掛住飲，唔記得咗俾相機食先，所以少咗四份一…..) 有別一般分店，黃大仙店採用淺色格調，牆身亦有多款同牛有關嘅圖畫～ 座位好舒服～ 舖面非常寬敞！ 炑八韓烤(黃大仙店) 地址：黃大仙正德街103號 黃大仙中心南館地庫 前往方法：港鐵黃大仙站D1出口 ———————————– 放假去邊 更多好介紹: 快啲like我哋Facebook 同follow我哋Instagram啦!

    author