見過最奇特嘅鞋係咩樣？ 最近意大利名牌Bottega Veneta推出2020 Pre-Fall系列嘅時裝，當中除咗亮眼嘅衫褲裙外，一對高踭鞋亦相當矚目~ 呢對高踭涼鞋竟然係以即食麵作為藍圖記設計而成… 鞋面就係即食麵標誌性嘅彎曲波紋， 鞋底同高踭就都係以即食麵嘅黃色為底色~ [instagram photo=”B6MVKL1HtEI”][/instagram] 連外國時裝界IG KOL @diet_prada都有為呢對獵奇嘅高踭涼鞋出post~ 不過唔知點解model著上腳，又好似冇咩違和感， 咁又係嘅，model話哂都係model， 如果小編著就…XD 除咗露腳趾版型外，亦有全包型高踭涼鞋 呢個新品一出即刻成為網上熱話，唔少網民都留言話「買鞋包唔包埋調味粉㗎」、「係咪防熱水㗎」等等，真係笑壞人XD 時裝呢家嘢，真係話唔埋㗎， 相信呢對新鞋如果真係推出市場，都會掀起一番浪潮！ 來源：Bottega Veneta
