位於大埔墟街市內嘅糯米糍小店，主打售賣客家糍粑（糯米糍）、芝麻糊、花生糊同埋各款糖水等等。 最多人食嘅就係呢款，即叫即包嘅花生芝麻糯米糍，糯米皮做到超薄身~老闆娘更每次將啲餡料包到超級多，一啖咬落去超滿足！ 無辦法一啖擺落去~超級抵食，咁足料都只係賣$7一個。 山長水遠入到大埔都建議買番一盒番去同屋企人朋友一齊Share，客家糍粑 $7/個 $18/3個 $35/6個。 如果你堂食就一定要試埋呢度嘅花生糊同埋芝麻糊。 老闆娘每日都會到場親自包糯米糍~ 基於現時疫情關係，大家如果想食就要留意門市開放時間，或者上網團購一樣咁方便！ 滑嘟嘟 營業時間：12:00-20:00（因疫情關係，暫時門市只開星期六日。） 地址：大埔墟街市及熟食中心2樓29號舖 詳情可以參考滑嘟嘟Facebook或以團購形式到區外。 圖片來源：@food.life_kei
