今個聖誕大埔有好去處啦！ 鍾意植物、花藝嘅你一定唔可以錯過Biophilia 首個聖誕市集「BIOPHILIA Christmas Market」 呢個市集除咗多嘢睇，原來仲好有意義 市集入面布好多充滿聖誕氣氛嘅木屋，全部都係由回收返嚟嘅木去建造 除咗可以響應可持續發展，亦可以提升公眾嘅環保意識！ 市集會有四間木屋售賣唔同主題嘅貨品， 全部都會由 Fleurs同埋Biophilia出品，一齊睇下有啲咩買啦 第一間木屋 以「花店」為主，會售賣假花，仲有好多米白色系嘅瓷器同裝飾， 無論買嚟送禮定自用都好適合！ 而第二間木屋就係專為大家 打卡而設，以白、綠同金色為主裝潢嘅小房子， 配上由白色樹枝、綠色花環同金色聖誕吊波佈置，大家可以行入木屋入面影相 一定好靚！ 第三間木屋主要售賣唔同嘅聖誕公仔同吊飾，非常有聖誕氣氛 第四間木屋 盲會賣一啲金銀銅色系器皿，絕對可以提升你嘅家居品味 佢哋更加首次同本地環保咖啡品牌合作，一齊推動咖啡業可持續發展， 今次聖誕市集亦有回收同埋重用咖啡豆袋去製造大型咖啡豆袋聖誕樹，好有意義 BIOPHILIA Christmas Market 地址：大埔林村林錦公路新塘Biophilia 日期：11月27-29日，12月4-6及11-13日（逢星期五至日） 時間： 12:00-20:00 網址 : www.fleurs.hk *因應2019冠狀病毒的最新情況，聖誕市集將於12月11-13日(五至日)暫停開放，請留意官方網頁以了解最新消息。不便之處，敬請見諒。
