Open Tour
唔知大家有無聽過喺台灣以雪糕甜點等聞名嘅「金帛手製」， 最近，「金帛手製」聯同台灣知名Youtuber「搞神馬」推出夏季限定嘅「可爾卑思山型捲」，一整個配色超夢幻，睇落都好好食！ 金帛手製推出嘅蛋捲橫切面設計一向相當有心思，係公司專屬嘅山型Logo；而今次更推出粉藍混色版本，淺藍色嘅山型底部餡料為日本乳酸菌飲品「可爾必思」嘅味道，而粉色嘅山頂則為莓果味，外圍嘅生乳上亦加上草莓碎果乾，望落勁靚！ 成個設計感覺上就好似櫻花飄落喺雪山上嘅感覺，真正嘅睇得又食得~ 為咗提升味道嘅享受，蛋捲仲有個最佳食用方法：蛋捲需要一直冷藏，想食幾多先切幾多出嚟，然後喺常溫中擺放約10-15分鐘才食用，內餡嘅生乳食落就會有雪糕般嘅口感！ 現時蛋捲只能喺網上本地訂購，而送到你屋企時都會一直低溫冷藏送遞，唔洗擔心質素會變壞 不論外型上還是味道上，呢個「可爾卑思山型捲」都非常吸引，好值得買，小編都好想試，身在台灣嘅話記得要訂返個嚟試下！ 「可爾卑思山型捲」 價格：台幣450元/條（約HKD$120） 販售日期：即日起至2020年6月30日 訂購網站：https://bit.ly/37gmy7O
台灣”酮伴咖啡”cafe因為最近興起”生酮飲食”嘅關係，變得非常受歡迎～ 而除咗生酮餐單之外，佢哋嘅甜品都非常熱賣，特別係抹茶布丁同抹茶生乳卷～ 佢哋用嘅係小山園若竹抹茶，口感香醇之餘苦味唔明顯，大家一定要試吓！ [instagram photo=”B3CBDuOHrgf”][/instagram] 布丁口感滑溜～ [instagram photo=”B2Y75mdAH-q”][/instagram] 搭配茶香濃郁嘅抹茶醬，好正啊！ [instagram photo=”B2G6qWrH-gD”][/instagram] 好濃郁嘅抹茶茶香～ [instagram photo=”BzcUQtGHLre”][/instagram] 舒芙蕾抹茶生乳捲～ [instagram photo=”BvQ4rpvnVLc”][/instagram] 口感一定好軟棉棉～ [instagram photo=”B3l_nT4jIW6″][/instagram] 味道清爽又唔會太甜！ 酮伴咖啡 地址：100台灣台北市中正區福州街5之1號 電話：+886 2 2391 3845
