Open Tour
新年食咗咁多糕， 係咪又肥咗幾磅呢XD 養成四個生活小習慣， 準備同肥肉講byebye啦~ 1. 飲水習慣 好多女仔其實本身唔肥，睇落去肥其實係因為水腫，消水腫最好嘅法寶就係紅豆水，試下將飲水改做飲紅豆水啦！可能有意想唔到嘅效果~ 2. 少油少鹽 想要唔戒口都可以減肥？咁就要堅守少油少鹽嘅原則，只要習慣少油少鹽嘅飲食生活，就冇咁易復肥㗎啦~ 3. 多按摩刺激穴道 得閒可以多按摩耳仔下方、眼周同鎖骨邊，刺激穴道，刺激新陳代謝，減肥都易啲啦~ 4. 郁多啲 食飽飯之後一個鐘，係瘦身時機，當然唔係去做運動啦，而係可以飯後散下步，因為脂肪往往就喺飯後一小時累積嘅，唔想要士啤呔記得要郁多啲啦~ =============== 放假去邊 更多好介紹: 快啲like我哋Facebook 同follow我哋Instagram啦!
日日番工做到咁攰， 但係夜晚訓唔到眼光光等天光， 真係好崩潰~~~TT 原來只要留意三個小步驟， 每日用30分鐘就可以同失眠講byebye喇~ 想一覺訓天光要有三個基本步驟： 朝早起身接受日照5分鐘，有助穩定生理時鐘 每日要固定時間起身，就算係假期補眠都唔好多過2個鐘，以防整亂生理時鐘。另外每朝起身要曬下太陽5-10分鐘，有助大腦穩定一天嘅晝夜節律，咁就冇咁易夜晚眼光光等天光啦~ 中午小睡10分鐘，幫助累積睡眠驅力 如果午後好攰嘅話，建議小睡10分鐘，有助恢復精神、活力； 但係如果訓超過半個鐘，反而會太精神夜晚搞到訓唔到，要小心注意啊~ 夜晚訓前放鬆15分鐘，降低大腦清醒系統 訓之前唔好諗咁多嘢，用15分鐘完全放鬆身心，俾大腦熄機進入睡眠狀態。 如果放鬆唔到，心理師建議聽輕柔嘅音樂或者練習腹式呼吸，幫助身體放鬆、更容易入眠。 今日開始做呢三個步驟啦！祝大家一覺訓天光， 但係記得要準時番工喎XD 來源 : havemary.com =============== 放假去邊 更多好介紹: 快啲like我哋Facebook 同follow我哋Instagram啦!
