Open Tour
適逢多啦A夢50週年， 相應嘅紀念品真係多到數都唔數唔清， 而「多啦A夢」當中最標誌性嘅百寶袋都即將要推出啦！ 多啦A夢最為人熟悉嘅就嗰個喺腹前咩都有嘅小口袋， 經常喺個到攞出各種各樣道具幫助大雄解決難題！ 細細個嘅我哋，甚或大個咗，都會成日話好希望自己都有個百寶袋， 而家終於機會要來啦！ 由ほぼ日ハラマキ新推嘅多啦A夢造型腹卷， 像真度超高，著上身真係好似多咗個百寶袋咁~ 而且佢並唔係只係造吓樣設計， 而係真係能夠伸手入去，且放到東西入去~ 相信造型腹卷嘅推出將會大受家長歡迎， 好讓佢哋能夠滿足小朋友對多啦A夢嘅熱愛XD！ 除此之外， ほぼ日ハラマキ亦都有推出多啦A夢印花圖案嘅毛巾仔， 一樣咁可愛吸引！
Hit爆嘅多啦A夢今年迎來50周年， 林林總總嘅電影、紀念品等紛紛推出， 而最近就傳嚟NIKE要推出與多啦A夢聯乘嘅NIKE SB Dunk High！ NIKE SB Dunk呢個滑板運動鞋系列係80年代嘅經典鞋款， 設計舒適，一向都好受用家歡迎， 今次加點新意思落其中更叫人期待！ 今次呢款以「多啦A夢」為主題嘅新款， 顏色都用上多啦A夢身上嘅顏色作為主色， 如全藍嘅鞋身、紅色嘅鞋帶以及畫龍點睛仿頸上叮噹嘅黃色牌子~ 今次鞋款最大嘅賣點其實係鞋舌背後細細個嘅「百寶袋」， 雖然只能夠塞到一個銀仔咁大把， 但呢個咁細心嘅gimmick都非常有創意！ 雖然而家都只係去到發佈概念圖嘅階段，尚未正式發行， 但外國媒體都預計新鞋將會喺秋季上市，想要嘅朋友就要留意吓消息啦~ 見到呢款咁像真嘅運動鞋，小編真係覺得兒時嘅回憶都返晒嚟， 原來多啦A夢都已經半個世紀了，見到咁靚嘅新鞋， 真係要講番句，多啦A夢運動鞋，我要進來了！
