Open Tour
都市人生活好忙，成日都要出街食，難免食得唔健康， 所以呢幾年都多咗返工一族揀帶飯返公司，睇中呢點，日本電器公司 Thanko就諗到推出「單人便當盒電飯煲」，令一班打工仔自己煮飯都煮得快手方便~ 「單人電飯煲」嘅外形好簡單，以便當盒嘅形式整成，咁就可以落米一煲完就有得食~ 底部有插頭位置傳電，以加熱飯盒~ 佢運作嘅原理其實就係透過底部嘅強力加熱器加熱飯盒，再加上有側面嘅導熱材質，令熱力均勻地喺內部散播~ 短短14分鐘就可以將飯煮熟，仲快過你去個廁所，返到公司先煮飯都唔成問題XD 不過要注意嘅係加入嘅一定要係未洗過嘅生米，再按煲內指示加水，插電+開開關，過14分鐘就有得食啦！ 飯煲大概可以煲到兩碗飯嘅份量，成件事又快又方便，又洗少好多嘢，啱哂小編呢啲懶人！ 而且清潔嘅時候可以直接清洗飯盒，亦唔洗再洗其他容器，超實用！ 睇完連小編都對呢個飯盒好心動，有興趣快啲去Thanko官網選購啦~ 「單人便當盒電飯煲」 價錢：6,980日元 (~HKD$495) 發售網站：Thanko
來自美國嘅Matt Benedetto專門發明啲冇用嘅嘢/懶人神器，連IG同Youtube名都叫Unnecessary Inventions， 一齊嚟睇下究竟佢有幾癲，發明嘅嘢有幾咁意想不到.. [instagram photo=”B1WgSfYFD21″][/instagram] 紙巾耳夾：男女通用，煲劇抹眼淚、鼻涕必用 [instagram photo=”B06LQljFeI2″][/instagram] 自動牙刷機：有咗佢，每朝早刷牙時可以訓多3分鐘 [instagram photo=”B0gbeC7lyw9″][/instagram] 萬用手套：將窿窿鞋改一改用途，即係成為一對超強手套 [instagram photo=”B0q2EAoFcQF”][/instagram] 襪仔Locker：每一對襪都需要掛好、掛直！ [instagram photo=”Bz6WBVMlMK1″][/instagram] 自動摺衫機：以後唔洗勞煩媽咪幫手摺衫了～ [instagram photo=”Bz–OP-l9Kd”][/instagram] 旋轉雪糕機：360度咁食雪糕，唔洗再擔心滴到周圍都係XD [instagram photo=”BzvkXQdlY6B”][/instagram] 穿窿鞋：腳板底要親親大自然！ [instagram photo=”By222V0Fk-t”][/instagram] 冰鏈：夏日嚴嚴，需要冰嚟降降溫！！ [instagram photo=”BxTCBdHlDon”][/instagram] 腳趾安全帽：腳趾係屋企係非常唔安全㗎，要戴返頂安全帽～ [instagram photo=”ByqgXw4lS0T”][/instagram] 為咗唔好唔見個airpod，唯有駁返住佢hahahaha 雖然個個發明都好似好無謂，但小編都好想要個紙巾耳夾玩下XD
