Open Tour
要有好採光又要有私隱真係好困難！拉埋窗簾仲要間屋黑蚊蚊咁～日本有藝術設計團隊tokeru就設計咗一款水影窗簾，透過布料花紋加上光線折射，令地下出現水波紋！就好似置身海上一樣！ 透過特殊質料同紋路設計，陽光透過窗簾就會折身出水波紋倒影。 喺屋企變咗喺海上渡假一樣！而陽光嘅角度再加上風吹嘅效果，仲會創造唔同嘅光影擺動，好似海浪一樣～ 瞓喺地下就好似飄浮喺水面一樣，咁嘅環境，如果播埋海浪聲一定勁舒壓～ 目前tokeru表示，因為呢款水影窗簾喺Twitter上得到熱烈嘅迴響，因此正搵緊合作夥伴，希望正式將窗簾開發量產！對呢款窗廉有興趣嘅朋友記得mark實佢哋IG啦！ [instagram photo=”CWaI3jQPxaE”][/instagram] ig@tokeru_idea
位於太子嘅Purple Cafe，全間店舖從梳化、窗簾、墻身、傢俬，甚至乎食物都用上紫色元素，呢度絕對係近期人氣咖啡店之一！餐廳都只係暫時開業咗兩個星期左右，相信暫時都比較少人知道，各位鐘意紫色嘅朋友仔切勿錯過喇！ 餐廳提供多款輕食及甜品，每到甜品同輕食都非常有心思，賣相都非常精美。 餐廳提供多款輕食及甜品，首先就要試下呢個小食摩天輪，有香腸、薯條、同蟹鉗、雞粒同埋薯格，仲配咗三款醬汁俾大家。 飲品方面有芝芝提子、香芋波波鮮奶同埋鮮奶latte，精緻到連個咖啡杯都一樣係紫色，真係少女心爆棚~ Purple Cafe 地址：太子通菜街254號地舖 營業時間：12:00-22:00 電話：6992 5996 圖片來源：@natalie_meatyandcream、@just.for.eat、@patpat424
